宮心計

宮心計|小三好陳詩慧童星21歲變美少女、晒同男友「啪啪」相

熱話

廣告

近日TVB劇集《宮心計 》重播,當中陳詩慧飾演三好小時候,即童年佘詩曼。除此之外,她即是《公主嫁到》的童年佘詩曼、《女拳》中的童年陳法拉,每次演盡索爆花旦童年,真眼淚演繹,睇到人心都實。不過自從升中之後,已經很少再見她拍劇。眨吓眼,現在她已經是個21歲的美少女,19年考完DSE。

陳詩慧街頭被星探發掘 與姐姐同為童星

詩慧18個月大已經好可愛,又淡定。詩慧同家姐小慧,兩個都是童星,兩姊妹同樣因為樣貌得意可愛,被星探於街頭發掘。家姐小慧是御用政府宣傳片同教育電視童星,因為13歲已經是童星的尷尬年齡,所以小慧就暫別銀幕,專心讀書。

而詩慧05年就開始拍電影,先後拍過謝霆鋒、房祖名主演的《男兒本色》,仲有古天樂、大S的《保持通話》,部部都是大片。正因為《保持通話》的演出,詩慧被TVB監製梅小青賞識,飾演《宮心計》入面的小三好。

宮心計
(圖片來源:新浪香港@陳詩慧)
宮心計
(圖片來源:新浪香港@陳詩慧)

拍《宮心計》時,詩慧幾乎場場戲都要喊,但係一樣難不到樂。頭兩集就做小三好,到大結局就做三好女兒,鄭嘉穎飾演的高顯揚就是她「爸爸」。她與飾演小金鈴的童星當時都好受觀眾歡迎,但因為於片場有私家椅坐,又可以自由出入化妝間,所以搞到其他小朋友眼紅。

到拍《公主嫁到》又再「連戲」做佘詩曼小時候同囡囡,其實真的似樣嗎?

宮心計 小三好
(圖片來源:新浪香港@陳詩慧)
即睇《宮心計》1-30集劇情劇透

喺《女拳》扮演童年陳法拉,辛酸兼缺乏母愛,絕招依然是喊得夠自然。

宮心計 小三好
(圖片來源:新浪香港@陳詩慧)

拍《法證先鋒III》,同視帝黎耀祥做父女。

宮心計 小三好
(圖片來源:新浪香港@陳詩慧)

《流浪漢世界杯》,同黎姿有不少對手戲。

宮心計 小三好
(圖片來源:新浪香港@陳詩慧)

傳媽媽曾為她捨六位數片酬

據聞詩慧曾獲邀演出周杰倫主演的《逆戰》,但係因為電影公司要求詩慧拿出兩個月出埠拍攝,陳媽媽覺得太困身,又好難同學校請長假,所以最後都推掉工作,六位數字片酬見財化水。不過失去一次機會,詩慧仍然有好多演出機會,仲同好多大卡士合作過,好似有林峯、蔡少芬、張家輝、張可頤。

拍劇一度影響成績 女大十八變奪最佳女演員

詩慧於電視出鏡率一度好高,但到小學4年班上學期,考試成績不理想,老師勸她專注學業,不過她仍然堅持拍劇,後來入元朗區官立中學之後,就開始暫停拍劇。這間中學都出過不少名人,如馬神馬德鐘同太太張筱蘭,都在那裡讀書同邂逅。

詩慧今年已經21歲,同家姐小慧一樣,長大後一樣靚女,戴起副粗框眼鏡,穿起校服,仲有幾分文青氣息,樣子與童年時沒有太大分別,但多了好多少女味。見到她Instagram有玩Drama的相片,還奪得最佳女演員獎,相信詩慧對演戲仲好有興趣。不知道未來有沒有機會再睇到她於幕前演出呢?

宮心計
(圖片來源:IG@shannonmoonmoon)
宮心計
(圖片來源:IG@shannonmoonmoon)
宮心計
(圖片來源:IG@shannonmoonmoon)
即睇《宮心計》1-30集劇情劇透

同小男友大晒恩愛:啪啪…啪啪啪啪

另外,詩慧她有位男朋友,兩個很有情侶相。她不時於Instagram上載同男朋友的合照晒恩愛,高調對對方示愛:「I like me better when I’m with you.嘿~心血來潮,啪啪…啪啪啪啪,真係癡得我多咁似我嘅…一萬年後,你都唔可以忘記你仲有我,無論幾時只要你願意畀我陪住你,我都會一直喺你身邊陪住你捱過佢,眨吓眼又撐過咗,唔使驚,不顧一切勇敢衝啦哈,你得㗎豬!」

她更公開二人拍拖甜蜜過程,以及奪去男朋友初吻的畫面:「你記唔記得當年今日你同我第一次撘叮叮,仲要第一次同你拖住撞到friend,第一次襯情侶衫,第一次錫你臉豬dun(講個祕密,佢被我錫完之後自己行開咗冷靜成分鐘)我同你第一次行中環碼頭你就送咗個好好好好好好好珍貴嘅初吻畀我,真係邊有人亂咁比初吻畀一個見咗一面就鍾意嘅人㗎?真係傻,不過你好彩喇,遇到個好似我咁負責任嘅人」

宮心計
(圖片來源:IG@shannonmoonmoon)
宮心計
(圖片來源:IG@shannonmoonmoon)

《宮心計》的小三好現已長大成人戀愛了?

飾演《宮心計》的小三好已經是21歲美少女陳詩慧,上了中學後已停拍劇,在社交網上不時上載與小男友的合照…詳情請看

「小三好」除了拍過《宮心計》,還有那些作品?

「小三好」曾與視帝黎耀祥做父女,05年更與謝霆鋒、古天樂拍過電影…詳情請看

撰文:Joanne圖片來源:新傳媒照片庫、IG@shannonmoonmoon、TVB《宮心計》截圖、新浪香港@陳詩慧