美食強人｜街市小店大戰五星酒店！388蚊「維港靚景叉燒蛋飯」引爆激辯 李金凱嘆似與富家女拍拖
廣州酒店奄列版黯然銷魂飯 李家鼎嘆失特色
節目中，戰火首先蔓延至廣州一間五星級酒店，其售價約57港元的黯然銷魂飯，竟將傳統的煎蛋換成了奄列，此舉立即引來李家鼎大嘆失卻了應有的味道和特色，他直言：「（個蛋）冇脆邊，整個和尚戴帽你話 Buy 唔 Buy 喇！」雖然內地食店主理人「飯冰冰」同樣覺得叉燒飯本身未如理想，但他力撐該酒店的其他出品水準極高，特別是點心：「其他出品都好食過呢個好多」。名廚周世韜亦補充指該處的點心確實出色，形容是「點心蝦餃一絕」。
尖沙咀388蚊天價叉燒飯 黎諾懿激讚：成件事昇華晒
鏡頭一轉，另一碗來自尖沙咀五星酒店、盛惠388港元的「黯然銷魂飯」更是將爭議推向高峰。這碗飯的賣點是用火槍燒炙叉燒、配搭蘋果木煙肉油，並選用最高級的意大利雞蛋，再配上無敵維港海景。雖然定價極高，但評審對食物質素近乎一致好評，黎諾懿更是大讚物有所值：「每個細節都做得好好，佢就係多咗火炙呢種獨特嘅味道，同埋佢個飯真係好好食，溝咗個油後成件事昇華晒，所以我係願意去畀（呢個價錢）。」
李金凱胡孟青激辯價值觀：好似同富家女談戀愛
天價叉燒飯隨即引發價值觀的激辯，李金凱就打趣形容對這碗飯的感覺，坦言雖然美味但價錢令人卻步：「好想回頭去食，但我唔敢，好似同一個富家女談戀愛，我好愛你，但係我養你唔起吖嘛！」另一邊廂，胡孟青雖認同叉燒煎蛋飯不應該是這個價錢，但她認為用餐體驗亦是價值的一部分，能夠對著國際級的維港靚景進食，本身就是一大賣點：「對住個咁靚嘅維港景，好開心好舒服，食一餐飯唔止食飯咁簡單。」
名廚邵德龍一番話撐創新 引爆全場掌聲
在眾人激辯之際，名廚邵德龍則從廚師的角度出發，呼籲大家尊重創新，他的一番話更引爆全場掌聲：「我想大家思考一個問題，傳統嘅叉燒係點樣燒出嚟嘅？係用柴火燒出嚟嘅。點解依家轉咗用電、用煤氣去燒，你哋可以接受，就唔能夠接受一個西餐師傅用火槍去噴呢？其實好與唔好，我哋都應該去尊重。喺呢一點上嚟講，我覺得我敬佩個師傅」。他最後總結道：「其實我哋應該要打破地域性、區域性呢啲框架，畀我哋有諗法嘅廚師，用佢哋嘅方法多啲去發揮。我哋多啲去鼓勵，等佢哋日後做得更好。」
