盤點圈中10位半百美魔女 樣貌凍齡身材fit到漏
廣告
圈中半百美魔女逐個數！誰說只有男明星才好像吃了防腐劑一樣襟睇、面上不留歲月痕跡？其實圈中的美魔女亦是數之不盡，一班踏入五字頭的女明星在皮膚保養、keep fit等方面各有心得，不但看不出已年過半百，有些女星的身材和氣質甚至比起年輕時更加優勝，簡直是一班「凍齡女神」！
美魔女1. 李若彤 56歲
要數圈中最強美魔女，頭三甲實有李若彤份。堪稱史上最入型入格小龍女，25年後嘅姑姑依然仙氣。被問及保養秘訣，姑姑話好簡單：「飲暖水同勤運動。」講就容易，早前疫情期間見到李若彤日日喺微博示範清淡飲食，日夜操出馬甲線就知一啲都唔簡單！
美魔女2.宣萱 52歲
2017年簽約老拍檔古天樂旗下後，宣萱再次活躍幕前，狀態不亞於全盛時期！
美魔女3.張可頤 54歲
張可頤今年回歸幕前，與相隔多年再拍電視劇嘅鄭中基合作ViuTV新劇《暖男爸爸》，容光煥發狀態大勇，看起來亦絕對唔似年過五十。
美魔女4.郭可盈 52歲
去年尾踏入五字頭又做埋亞視副總裁夫人，郭可盈息影十一年一直相夫教女為主，不過都冇疏於保養，keep 到得嚟仲愈嚟愈有闊太氣質。
美魔女5.林憶蓮 57歲
出道已經有張娃娃臉、又出名皮膚靚到吹彈即破，呢啲就叫得天獨厚喇，林憶蓮點睇都唔似年近花甲之人。與恭碩良相戀六年分手，憶蓮愈活愈年輕愈活愈有仙氣，完全睇唔出與前男友年齡相差12年，身材仲 keep到好 fit。
美魔女6.羅霖 58歲
2013年離婚，婚後獨力養大三個兒子，羅霖為供書教學一直保持戰鬥格活躍幕前和商界，2015年推出寫真《 Timeless 》紀念年滿五十，及後再出多本書分享保養和凍齡秘訣。
美魔女7.伍詠薇 54歲
經歷過第一任丈夫離世，還有現任老公偷食風波，現時伍詠薇卻愈活愈硬淨，反而學會珍惜眼前人又更懂愛自己，如今比起做女嗰陣時，更亮麗更自信。
美魔女8.萬綺雯 52歲
呢位長腿美魔女唔似得其他女星狂做 gym 操 fit， 天生瘦底加上心境至上，與世無爭生活簡單，享受與編劇老公陳十三嘅二人世界，亦係一種保養回春妙法。
美魔女9.李麗珍 57歲
昔日性感女神李麗珍，並不如其他同輩美魔女勤操勤練執著體態，但美貌如昔依然咁索。
美魔女10. 黎姿(馬黎珈而) 51歲
14歲就出道在演藝圈闖盪，曾演過《倚天屠龍記》、《金枝慾孽》等戲劇，2008年與老公馬廷強結婚，婚後育有3個寶貝女兒，一家五口幸福美滿，照顧家庭以及親弟，又轉行醫美事業，當上「最美CEO」！
圖片來源：新傳媒資料庫、IG@carmanlee0816、IG@jessicahsuan_official、IG@joeymengxd、IG@gigilai_official
