美麗戰場 方力申

美麗戰場|方力申激吻後寸爆朱晨麗經驗豐富 重溫女方被「鹹豬嘴」事件

娛樂

廣告

全劇20集的《美麗戰場》在最後一星期發展極急速,方力申由力追陳瀅到結婚、落難、發窮惡只在短短三數集發生,豪門鬥爭的戲份發展急促,頗有草草收場之感,方力申與朱晨麗在《美麗戰場》中一場激吻戲,亦在結局前一集終於播出,早在劇集初期宣傳活動時,已有被問及到該場吻戲,方力申竟然話自己拍攝前無做過乜嘢準備,更話:「當你見到對手冇乜準備,就唔使準備!」⋯⋯

美麗戰場 方力申不滿被狗仔隊稱他吃軟飯,大為動怒
方力申不滿被狗仔隊稱他吃軟飯,大為動怒(圖片來源:TVB《美麗戰場》截圖)
美麗戰場 方力申 因為陳瀅上公司鬧事,方力申大表不滿。
因為陳瀅上公司鬧事,方力申大表不滿。(圖片來源:tvb.com)
美麗戰場 方力申 結局方力申回頭向陳瀅道歉,似乎要挽回感情,劇情會否反轉再反轉?
結局方力申回頭向陳瀅道歉,似乎要挽回感情,劇情會否反轉再反轉?(圖片來源:tvb.com)

陳瀅 & 方力申開Live 重提「唔肯對戲」

在第19集播出後,陳瀅與方力申首度於IG 開Live,暢談兩場衝突戲的背後點滴,在直播中陳瀅也有重提唔肯與方力申對戲的一場,原來就係第19集尾段二人攤牌的一段,兩個已無感情的人冷漠講數,原來要的就是這種隔膜!

《美麗戰場》開續集?!

直播中有不少網民表示最尾五集劇情太快,豪門爭鬥完全欠缺鋪排,也有不少網民提及開Season 2或續集,本來說過「無咩唔好再合作的」陳瀅一改口風,表示要看大家「集氣」的成果,笑指上一次《痞子殿下》開續集也是演員自己加上網民熱議作開端,結果成功得到無綫迅速回應落實續集,今次《美麗戰場》是否有續集,陳瀅也在Live中表示希望可以再和方力申合作!

美麗戰場 方力申 陳瀅與方力申首次聯合開Live,不少網民表示希望開續集!
陳瀅與方力申首次聯合開Live,不少網民表示希望開續集!(圖片來源:IG@missjni)
美麗戰場 方力申 方力申向陳瀅大呻後悔結婚後,立即去氹返朱晨麗,更獻上激吻⋯⋯
方力申向陳瀅大呻後悔結婚後,立即去氹返朱晨麗,更獻上激吻⋯⋯(圖片來源:tvb.com)
美麗戰場 方力申 完事之後⋯⋯方力申竟然好似了朋友一樣在床上正襟危坐。
完事之後⋯⋯方力申竟然好似了朋友一樣在床上正襟危坐。(圖片來源:tvb.com)

《美麗戰場》方力申問吻戲經驗朱朱尷尬回應

宣傳活動上,方力申被問到有冇為吻戲做準備時,回答:「冇呀!好似係(拍攝)前一日先話有呢場戲。」朱晨麗就補充:「你係前一日,我係去到臨拍嘅時候先知『吓,要咀嘅咩?』然後我就即刻去做準備功夫。」

小方狀甚輕鬆表示:「我做咗好多年,呢啲戲就拍得多嘅!」又指向朱晨麗問:「你呢?你都好有經驗㗎!」朱晨麗尷尬認同後,方力申即說:「咁即係冇嘢啦!」之後他又「老師傅上身」向新人張馳豪分享吻戲經驗,秘訣原來係「演得多就唔使準備」。

美麗戰場 方力申 美麗戰場 記者問到小方如何準備與朱朱的吻戲,小方狀甚輕鬆表示自己做咗好多年,吻戲不需要特別準備。
記者問到方力申如何準備與朱晨麗的吻戲,他狀甚輕鬆表示自己做咗好多年,吻戲不需要特別準備,更寸朱晨麗:「見到對手冇乜準備,就唔使準備!」場面尷尬。(圖片來源:YouTube@TVB娛樂新聞台)

小方鏡頭前明寸「對手都無乜準備」

方力申又指自己初入行時,拍吻戲前都會洗臉刷牙,甚至用埋牙線,不過後來發現「當你見到對手冇乜準備,就唔使準備」,出位回應令剛剛說要做準備的朱晨麗與張馳豪當場Hang機,幸好最後方力申補了一句「講笑啫!」打圓場。

事後朱晨麗接受傳媒訪問,表示當日自己是臨拍前時才知道要同方力申激咀,因為時間有限,她要和方力申即場溝通點拍法,然後一埋位就拍,完全冇NG。她表示雖然第一次同方力申合作,但唔知點解雙方都好有默契,她認為信任係好重要,所以拍攝時才會咁順利,出來個效果亦都好好。

美麗戰場 方力申劇中已有老婆陳瀅,與朱晨麗是偷情關係。
方力申劇中已有老婆陳瀅,與朱晨麗是偷情關係。(圖片來源:IG@yiplinsum)
美麗戰場 方力申 美麗戰場 朱晨麗的角色以彼岸花作為象徵,代表深不可測的情人知己。
朱晨麗的角色以彼岸花作為象徵,代表深不可測的情人知己。(圖片來源:IG@yiplinsum)

方力申和朱晨麗受訪時針鋒相對,好有火花!

重溫朱晨麗拍《多功能老婆》被洪永城自加摸啜戲

娛樂圈抽水事件屢見不鮮,朱晨麗就曾委屈爆出在拍2019年劇集《多功能老婆》期間,被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中兩人有唔少親密場口,朱晨麗受訪時就不吐不快表示:「我同佢有好多親密動作,不過寶華姐(劇集總監製)劇本寫得好好,係點到即止,唔多亦唔少,不過佢(洪永城)就自己加咗好多摸我、錫我嘅戲,有一次仲突然錫落嚟,我唔知點反應,如果唔係錄影緊,我一定推開佢!有時我表現好enjoy,其實個心諗緊你摸完未?」

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
在《多功能老婆》同朱晨麗演恩愛夫妻的洪永城,對住上圍34D的朱朱,多次情不自禁向劇中老婆自加摸啜戲,事件爆出後,洪永城回應事件冇誠意道歉,更不停自圓其說,表示:「希望佢日後講嘢小心啲!如果有冒犯令佢唔舒服,我唔好意思!我都係專業演員,有啲場口我想生動啲同得意啲啫!」(圖片來源:《多功能老婆》截圖)
美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
首次演出活潑巴辣人妻思蕾入型入格的朱晨麗,演出被網民激讚,原來她還好有專業精神,即使被洪永城多次突襲加親熱戲,都繼續完成拍攝。(圖片來源:《多功能老婆》截圖)

洪永城扮大牌被稱「洪爺」 小花暗稱「多嘴城」

近年劇接劇的洪永城,拍親熱戲向對手加料其實早已傳遍電視城,不過小花怕事敢怒不敢言,亦令他有恃無恐,愈拍愈猖狂,令小花拍親佢都提心吊膽。據知情者透露:「呢期佢咁多劇開,已經當正自己係阿哥,改對白加戲已經係等閒事,對工作人員態度亦好差,試過PA叫佢埋位,如果未齊人要佢等,佢會發脾氣,工作人員都稱呼佢『洪爺』,對啲女拍檔,連親熱戲都自己加插,搞到班女拍檔個個有冤無路訴,唔敢出聲,其實班幕後工作人員一早都睇唔過眼,小花喺背後仲叫Tony做『多嘴城』,所以今次朱朱挺身而出大快人心,希望佢日後檢點啲!」

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
被指「阿哥」上身的洪永城,被爆拍《多功能老婆》自加摸啜戲後,據知不停背後狂唱朱晨麗大口,當時孖 「受害人」朱晨麗宣傳時,在劇中的默契不再,仲明顯面左左。(圖片來源:新傳媒照片庫)

醜行事件爆煲,唔少受害小花背後力撐朱晨麗肯挺身爆大鑊,可惜罪魁禍首洪永城回應事件冇誠意道歉,表示自己加戲純為拍攝效果!更背後唱朱晨麗大口令他形象受損,二人在電視城已成貼錯門神!

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
上位被捧,洪永城近年不時扮大哥,拍劇自改對白兼自加親熱戲,令一班小花拍檔聞城色變,更在背後封他「多嘴城」,在拍《黃金有罪》時,他已曾強吻過陳瀅面珠。(圖片來源:《黃金有罪》截圖)
美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
觀其年前擔正演出的兩套劇《丫鬟大聯盟》及 《黃金有罪》,他同劇中兩位女主角黃心穎及陳瀅都有唔少親熱場口,據知他亦有肉緊加戲。(圖片來源:《丫鬟大聯盟》截圖)

洪永城唔認錯 不甘被唱反咬朱晨麗

其實入行已有11年的朱晨麗,拍劇出名夠博唔錫身,幾乎每套劇都有咀戲,當中男對手有馬國明、吳卓羲、袁偉豪及譚俊彥等,不過拍攝時個個皆屬正人君子,朱晨麗亦多次大讚同拍檔合作愉快,今次罕有爆出洪永城加咀戲事件,明顯真係唔想有人「冇王管」!

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
周柏豪和楊千嬅在台慶頒獎禮憑劇集《多功能老婆》攞到最受歡迎電視男、女角色獎。(圖片來源:新傳媒照片庫)
美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
在《萬千星輝頒獎典禮》上,洪永城跟朱晨麗全程零交流。完騷一刻,洪永城即黐實黃翠如密密傾,朱晨麗則同閨密楊千嬅及陳煒開心自拍!(圖片來源:新傳媒照片庫)

據知情者透露:「Tony(洪永城)恃住喺劇做朱朱(朱晨麗)老公,成日表現得好肉緊,係咁加親熱戲,好似捽手臂,掃背脊,試過朱朱拍完同佢講,話好似做多咗喎!Tony反應好大,話自己好有feel,想拍得逼真啲,真係大石砸死蟹,其實拍親熱戲,朱朱唔係未試過,每次都會同對手溝通清楚,唔會有唔舒服嘅感覺,冇諗過Tony會咁大膽,因為發生咗太多次,朱朱先會忍無可忍,最弊係之前試戲嗰陣, Tony都冇加咁多嘢,但每次一roll機正式拍, 佢就猴擒嚟料,係人都會覺得唔對路啦!」

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
據知監製陳寶華創作拿捏準繩,每個場口都描敍仔細,朱晨麗跟洪永城的親熱場口更是點到即止,未想到洪永城會自加親熱戲,車廂咀戲寶華姐更要預先下伸脷禁令!(圖片來源:新傳媒照片庫)

原來拍到後期,兩人一場車廂咀戲,朱晨麗更緊張到向寶華姐求助。據知情者透露:「因為兩個要喺車入面錫,朱朱驚Tony會突然情不自禁伸脷,拍之前,搵寶華姐拉埋Tony三個人當面講清楚,寶華姐下令唔准Tony拍嘅時候伸脷,佢先唔敢亂嚟!」

美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
面對洪永城扮老公過分投入,朱晨麗為後期劇中一場車廂咀戲,就曾向總監製陳寶華求助。(圖片來源:《多功能老婆》截圖)
美麗戰場 方力申 美麗戰場 洪永城自加摸啜戲被封「多嘴城」 同朱晨麗互咬
據知寶華姐一度下禁令,講明要洪永城拍這場濕吻戲唔准伸脷,不過睇番場戲,洪永城仍然咀得非常肉緊,搞到朱朱嘴都歪埋!(圖片來源:《多功能老婆》截圖)
美麗戰場 方力申 美麗戰場 洪永城與朱晨麗早在15年已經合作拍劇集《味想天開》,不過當時二人演兄妹冇親熱戲,加上洪永城身邊有個熱情如火的蔡思貝埋身,仲要借朱朱做掩護,當時三人便相處融洽!
洪永城與朱晨麗早在15年已經合作拍過劇集《味想天開》,不過當時二人演兄妹冇親熱戲,加上洪永城身邊據指已有個熱情如火的蔡思貝埋身,仲要借朱朱做掩護,所以當時三人相處融洽!(圖片來源:新傳媒照片庫)

朱晨麗與何廣沛緋聞傳足5年

現年34歲的朱晨麗是2011年港姐冠軍,16歲隻身由內地來港讀舞蹈,當選後入行,朱晨麗曾在訪問中透露入行初只能屈住劏房,拍劇搞到周身傷,忍痛唔敢告知內地的父母,有苦自己知﹗近年總算捱出頭來,17年拍攝《超時空男臣》同對手何廣沛撻著,緋聞傳足5年,男方更多次被影到訪女方香閨,拍拖已是公開秘密,但一直未有公開認愛,何廣沛曾語帶相關指「你知我最鍾意朱朱」,戀情浮晒面,女方卻只話要專注事業!

美麗戰場 方力申 美麗戰場 朱晨麗 夜蒲 冇罩
在內地長大的朱晨麗16歲時獲香港演藝學院邀請赴港就讀舞蹈藝術系,曾獲獎學金赴美深造,之後成為專業舞者,其後卻選擇選港姐而入行。(圖片來源:IG@rebecca_zhu )
美麗戰場 方力申 美麗戰場 洪永城不滿又如何?朱晨麗同緋聞男友何廣沛拍住上演出的《大醬園》,最高收視高達 36.5點,成績亮眼!
何廣沛當時對於緋聞女友朱晨麗被洪永城自加咀戲,曾揚言拍親熱戲同女拍檔溝通好重要,更不滿話:「佢 (洪永城)可能急咗少少所以錫咗落去!」(圖片來源:新傳媒照片庫)

朱晨麗爆出娛樂圈抽水事件?

朱晨麗拍《多功能老婆》時,被拍檔洪永城擅加摸啜戲,令她唔識反應。因為同洪永城在劇中扮演恩愛夫妻,當中兩人有唔少親密場口,朱晨麗受訪時就不吐不快表示…詳情請看

方力申為何在新劇《美麗戰場》寸爆陳瀅?

其實小方已經不是第一次公開「寸爆」陳瀅。早前陳瀅…即睇:方力申爆陳瀅唔肯對戲 「瀅姐」親自回應反擊戲中老公

撰文:東方新地圖片來源:《美麗戰場》截圖、YouTube@TVB娛樂新聞台、IG@yiplinsum、IG@rebecca_zhu、新傳媒照片庫、《多功能老婆》截圖、《丫鬟大聯盟》截圖《黃金有罪》截圖資料或影片來源:原文刊於東方新地