美麗戰場 陳瀅

美麗戰場|陳瀅受訪呻被摑委屈 曾遭女藝人向高層篤背脊

娛樂

廣告

《美麗戰場》近日正在TVB熱播,女主角陳瀅(Jeannie)日前接受林柏希《月傾會》訪問,大講自己入行12年來遇到過最委屈的事,仲講到曾經有個女藝人入高層房篤她背脊!

入行受委屈 被摑十幾廿巴戲最後被剪走

陳瀅自2010年做模特兒入行,2013年開始加入TVB拍劇,林柏希問到陳瀅入行以來有冇受過委屈?陳瀅肯定地回答:「打戲,真係打咗好多次,不必要嘅多次!有一次因為嗰個男演員比較新,導演話照打落去啦,當時我亦都係好新,我拍一巴戲,好似打咗我十幾廿巴,打到最後嗰幾巴,我忍唔住真係好委屈、好想喊,因為真係好痛!最後都係畀人剪走咗,我最唔開心係畀人剪走咗成段戲!」

美麗戰場 陳瀅初入行時曾拍過《女人俱樂部》和《四個女仔三個BAR》等TVB劇。
陳瀅初入行時曾拍過《女人俱樂部》和《四個女仔三個BAR》等TVB劇,試過為打戲被打咗我十幾廿巴!(圖片來源:YouTube@盒子 BOX channel)
美麗戰場 陳瀅話最唔開心係拍完被摑戲後,成段戲都係畀人剪走咗。
陳瀅話最唔開心係拍完被摑戲後,成段戲都係畀人剪走咗。(圖片來源:YouTube@盒子 BOX channel)

被女藝人上高層房喊住篤背脊

被問到有冇親眼見過或者聽過同輩女藝人爭上位的情況,陳瀅就大爆曾經有過被一位女藝人走上高層房篤背脊的經歷,她形容:「佢上咗某個阿姐(高層)嘅房,邊個阿姐唔好講啦,總之佢就喊晒咁話:『我唔明點解要畀佢(演某劇集)囉,我喺度咁辛苦咁多年,佢又唔係咁好喎,聽講佢又成日遲到啦,佢又呢樣嗰樣…』」最終這番篤背脊說話傳返去陳瀅耳中:「咁一定係聽返嚟,我覺得好多人都好錫我,知道真正嘅我係點樣!」

美麗戰場 陳瀅爆料指曾有一名女藝人不忿陳瀅有劇拍,而上高層房篤她背脊。
陳瀅爆料指曾有一名女藝人不忿陳瀅有劇拍,而上高層房篤她背脊。(圖片來源:[email protected]

已習慣被叫肥瀅、淫瀅

再講到陳瀅有兩個花名:「肥瀅」同「淫瀅」,林柏希問陳瀅介唔介意?陳瀅就話:「我睇慣咗啦已經,其實第一個係『肥瀅』,我認嘅,因為真係唔瘦!『淫瀅』呢,以我所知係因為《痞子殿下》,蠻儀個角色係好麻甩,又摸朱仔(朱敏瀚)想搞佢呀,咁就會創造到陳瀅好淫呀!由肥瀅變咗去淫瀅,跟返住我個fan base咁樣講,我都會認嘅!」

美麗戰場 陳瀅認為自己被叫「淫瀅」,係因為之前拍《痞子殿下》個角色太淫!
陳瀅認為自己被叫「淫瀅」,係因為之前拍《痞子殿下》個角色太淫!(圖片來源:YouTube@盒子 BOX channel)

視蔡思貝為TVB花旦No.1

而問到之前有傳媒將陳瀅、蔡思貝、湯洛雯、龔嘉欣同高海寧列為TVB現今五大花旦,問陳瀅覺得自己排位如何?她說:「第一,一定係思貝啦!因為思貝已經係兩年前嘅視后,之後龔嘉欣啦,嘉欣好似做咗最喜愛女角色,之後就湯洛雯、我同高寧,我會揀高寧先,之後就係阿湯,我自己最尾!因為我係咁多個之中年資最短,佢哋早入行過我㗎嘛!」

美麗戰場 陳瀅話TVB現今五大花旦的第一位一定係蔡思貝。
陳瀅話TVB現今五大花旦的第一位一定係蔡思貝。(圖片來源:YouTube@盒子 BOX channel)

揀周嘉洛做男友、羅天宇做老公

講到方力申、周嘉洛同羅天宇三位緋聞男友中,如果要選老公、男朋友同一夜情對象,陳瀅會點揀?原來陳瀅想要的一夜情對象並不在這三人之中:「一定係朱敏瀚,因為佢呢排真係操得好fit!」而男朋友她就選擇周嘉洛:「因為嘉洛係好多話題、好多嘢講、好調皮,佢好有活力、好活躍!老公我會揀羅天宇,結咗婚之後,一定make sure呢個係一世,佢又係好專一好乖,同埋我好容易知道佢諗緊啲咩!」

美麗戰場 陳瀅非常冧朱敏瀚副Body。
陳瀅原來劇裡劇外都非常冧朱敏瀚副Body。(圖片來源:YouTube@盒子 BOX channel)
美麗戰場 陳瀅 陳瀅 美麗戰場 周嘉洛就可以做男朋友。
周嘉洛只可以做男朋友。(圖片來源:YouTube@盒子 BOX channel)
美麗戰場 陳瀅 美麗戰場 羅天宇在陳瀅心目中係老公人選。
羅天宇在陳瀅心目中係最佳老公人選。(圖片來源:YouTube@盒子 BOX channel)

至今唔揀方力申的原因,陳瀅就解釋:「佢有樣嘢令我覺得我哋唔係好夾,因為佢係水瓶座,好大男人!」不過方力申是2月26日出生,其實是屬於雙魚座,而非水瓶座。

美麗戰場 陳瀅 美麗戰場 方力申曾經話自己係雙魚座好易信人,亦唔會講大話,唔知陳瀅會唔會重新考慮吓佢呢?
方力申曾經話自己係浪漫的雙魚座,好易信人亦唔會講大話,唔知陳瀅會唔會重新考慮吓佢呢?(圖片來源:YouTube@盒子 BOX channel)

曾被開7位數飯局價

最後陳瀅仲請埋經理人Monica出場,親自解答陳瀅有冇收過飯局價的問題,Monica一出場就話:「我想講奇怪訊息多啲呀,因為佢個social media會寫經理人個contact,其實係我嚟㗎,你唔好以為搵到佢,但係有好多人,唔知真唔知定假唔知啦,我試過凌晨兩三點,好多時有啲男仔打電話嚟,然之後喺度對住個電話呻吟,我係有老公㗎嘛,好尷尬!」

美麗戰場 陳瀅經理人Monica呼籲大家,唔好以為打陳瀅social media個contact,會真係搵到陳瀅!
陳瀅經理人Monica呼籲大家,唔好以為打陳瀅social media個contact,會真係搵到陳瀅!(圖片來源:YouTube@盒子 BOX channel)

而飯局價方面,Monica就話有人開過7位數字:

「佢話7位數都畀得起㗎,淨係食個飯,我得呀,我本人得,哈哈哈,我食呀!(你係經理人,你有冇問藝人意願?)我使乜問佢(陳瀅)啫,佢都唔係嗰種等錢使嘅人囉!」

美麗戰場 陳瀅 美麗戰場 Monica話陳瀅唔等錢使,就算對方出到7位數,佢都唔會應承出席飯局!
Monica話陳瀅唔等錢使,就算對方出到7位數,佢都唔會應承出席飯局!(圖片來源:YouTube@盒子 BOX channel)

《美麗戰場》陳瀅 對住張馳豪打冷震

陳瀅在訪問中講到拍《美麗戰場》時對住導演葉念琛好辛苦,仲話戲中與張馳豪初戀太似真實經歷,拍到打冷震:「成日對住導演,梗係辛苦啦!其實佢都有講,人哋問佢邊啲演員最乖、邊啲演員最曳?佢一定話我係最曳嗰個!」提到葉念琛都睇好佢今次可以攞視后,陳瀅反而話隨緣:「我知道葉念琛導演好想我攞(視后),佢仲想過我自己,所以我都同佢講,唔好畀咁多壓力我,我覺得隨緣啦,我唔想咁大壓力!」

美麗戰場 陳瀅 美麗戰場 今次是陳瀅和葉念琛第一次合作,但葉念琛已睇好陳瀅可以攞視后。
今次是陳瀅和葉念琛第一次合作,但葉念琛已睇好陳瀅可以攞視后。(圖片來源:YouTube@盒子 BOX channel)
美麗戰場 陳瀅在《美麗戰場》中由16歳演到40歲,獲讚演技大爆發。
陳瀅在《美麗戰場》中由16歳演到40歲,獲讚演技大爆發。(圖片來源:YouTube@盒子 BOX channel)

陳瀅續說:「其實我愈拍,我就愈知道點解佢要揀我,因為有好多經歷真係有啲似,我好記得Aska(張馳豪)係鍾家寶(陳瀅劇中角色)初戀,我同佢嗰段關係,令我諗起我同我之前個男朋友一啲經歷,同埋我哋嗌交嘅一啲位,似到我會打冷震!」

美麗戰場 陳瀅表示非常慶幸今次《美麗戰場》無傳出任何緋聞,她大爆有一次在拍攝時遇到有記者守候,她即時跟Aska拉開距離,以避開傳出緋聞的可能。
陳瀅表示非常慶幸今次《美麗戰場》無傳出任何緋聞,她大爆有一次在拍攝時遇到有記者守候,她即時跟Aska拉開距離,以避開傳出緋聞的可能。(圖片來源:YouTube@盒子 BOX channel)
美麗戰場 陳瀅 美麗戰場 同Aska拍的初戀經歷,令陳瀅想起以前的男朋友。
同Aska拍的初戀經歷,令陳瀅想起以前的男朋友。(圖片來源:YouTube@盒子 BOX channel)

即睇《月傾會》陳瀅訪問:

美麗戰場 陳瀅 陳瀅 美麗戰場
(圖片來源:YouTube@盒子 BOX channel)

陳瀅曾遭女藝人向高層篤背脊?

被問到有冇親眼見過或者聽過同輩女藝人爭上位的情況,陳瀅就大爆曾經有過被一位女藝人走上高層房篤背脊的經歷…詳情請看

陳曉華為何被指緋聞情史豐富?

陳曉華在參加港姐是被揭曾與狄以達拍拖,有報道指二人在餐廳「撐枱腳」時說粗口,因此當年有媒體稱她為「粗口港姐」;其後有傳媒連日拍得陳曉華和陳卓賢Ian密會…即睇:陳曉華棄做護士成港姐冠軍 曾同Ian傳緋聞 因1事入行4年受力捧

撰文:東方新地圖片來源:IG@lam_william、YouTube@盒子 BOX channel、[email protected]資料或影片來源:原文刊於東方新地