聲秀｜甄敏芳抱病上陣 素顏紀錄恩師蘇永康貼心行為：我覺得自己好幸福！
甄敏芳司徒泆抱病上陣 專業演出獲評審肯定
本集有不少學員抱恙上陣，但依然表現專業。蘇永康組的甄敏芳（Jenny）在演出前連續數日發燒，但仍堅持以超水準完成比賽，她事後非常感激導師蘇永康的貼心照顧：「好多謝阿公好 Take care 我，帶我睇醫生。」她貼出影片以及長文感謝：「今次能夠順利演出，真係好好彩！相信大家睇咗節目都知道，係比賽前幾日，我突然病咗，完全出唔到聲，心入面真係好驚🥲記得我攤住係張床望住天花板，覺得好無助😩幸好阿公喺呢個時候出現！」
家人不支持幕前工作 獨自來港發展感恩導師鼓勵
「佢唔單止打電話嚟問我情況，仲即刻揸車過嚟接我去睇醫生，全程陪住我，好有安全感❤️睇完醫生，佢仲特登買飯同水俾我，真係好感動，仲有師母，佢特登嚟車我返TVB，真係令我感受到一個家庭嘅溫暖，就好似喺香港有家人一樣✨我好幸運有阿公喺身邊，佢嘅擔心、陪伴同愛，令我明白無論幾困難，我都唔會孤單呢份家人嘅愛，係我一生中最珍貴嘅禮物。多謝阿公，多謝師母，喺我嚟到香港人生路不熟嘅時候，最脆弱嘅時刻比咗我咁多關懷同溫暖，亦俾咗我好多力量💪🏻令我覺得自己好幸運，好幸福！」
聲秀 ｜甄敏芳Jenny驚爆有容貌焦慮 家人反對入行 靠蘇永康一句話點醒
昨晚《聲秀》殘酷淘汰 泳兒目睹愛將出局淚崩
昨晚《聲秀》的淘汰賽氣氛緊張，當宣佈陳卓怡（Hoonry）需要離開舞台時，其導師泳兒情緒瞬間崩潰。Hoonry在台上先冷靜地感謝導師：「多謝泳兒老師喺淘汰區度撈我返嚟，我覺得每一次都有盡力做到你提醒我嘅嘢，同埋做到最好，所以我無悔。」沒想到這番話卻讓泳兒再也忍不住，當場哭成淚人，滿面通紅地回應：「我同我自己講，Hoorny 走嘅時候唔可以喊但我係做唔到…其實我想恭喜 Hoorny，因為你係我組入邊進步得最多嘅…希望你有機會畀大家見到你得人鍾意嘅性格，繼續加油。」兩人最後深情擁抱，場面非常感人。
學員林潔心超水準演出 雷有輝拋金句激讚
在充滿離愁別緒的同時，亦有學員憑實力贏得全場掌聲。劉浩龍組的林潔心（Bibi）聯同嘉賓小肥合唱《我們什麼都不是》，表現令人眼前一亮，最終獲得87分高分。評審陳奐仁大讚：「如果話小肥你同 Bibi 係原唱，我可以相信。」而評審雷有輝（Patrick Lui）更拋出金句激讚Bibi的努力：「Bibi 明顯大躍進，你練咗 100% 出到嚟起碼打 7 折，今日你可能真係練咗 200%，變咗（個表演）係去到 90 分咁好」、「真係台上三分鐘，台下練到好陰公。」可見Bibi在台下的苦功沒有白費。
司徒泆張津銘同被淘汰 導師鍾舒漫胡鴻鈞感性鼓勵
除了陳卓怡，司徒泆（Haru）及張津銘亦在今集被淘汰。Haru在台上流下男兒淚，感謝父母及導師鍾舒漫的支持。鍾舒漫亦真誠地鼓勵愛將：「呢個只不過你嘅開始，呢度嘅完結唔係真係完結，我相信第日喺台上見到嘅你，會令更多人刮目相看。」而胡鴻鈞組的張津銘則感謝導師花在他身上的心血最多。雖然比賽有輸贏，但導師與學員之間建立的深厚情誼，同樣是比賽中最珍貴的收穫。
