聲秀 賽果爆冷｜高分歌手Ryan不及 「20歲馬蹄露」Hoonry 跳唱《未知》

聲秀16強學員從30首歌單中各自挑選一首心水歌曲作賽

今集演唱的歌曲，是由網民先從超過100首「我最喜愛廣東歌」投選出最高票數的30首，然後再由16位學員從30首歌單中各自挑選一首心水歌曲作賽，今集出場的8位學員和對決組合包括：

• 林潔心Bibi 《16號愛人》 VS 周智敏Emily《電燈膽》（跌入危險區）
• 甄敏芳Jenny《郵差》VS 徐惠晴Vanessa《這麼近(那麼遠)》（跌入危險區）
• 司徒泆Haru《狂野之城》VS 胡港豐Andrew《緊急聯絡人》（跌入危險區）
• 陳卓怡Hoonry《未知》 VS馮熙燮Ryan《用背脊唱情歌》（跌入危險區）

蘇永康指導 馮熙燮Ryan《用背脊唱情歌》跌入危險區！

網民評價： 「好有新鮮感.. 估唔到有人會唱今年出既新歌」「好聽喎，真係好成熟同好完整既演唱，見到佢要跌入危險區，全屋人都大叫有冇搞錯。」

陳卓怡Hoonry《未知》

雖然外表被網民評價為「馬蹄露2.0」但Hoonry憑歌藝和舞技征服評判和網民：「每一次演出都睇到Hoonry嘅進步。今次呢首歌改得好好，成個演出好有信心、好睇、好掂！」

司徒泆Haru立志跳出「陽光男孩」框框 誓要學做渣男 一原因獲高度評價

另一組別胡港豐Andrew化身「深情Boy」演繹分手歌《緊急聯絡人》排練期間，聲帶發炎，而司徒泆Haru化身「渣男」演繹《狂野之城》！

司徒泆跳出陽光男孩框框 學做渣男挑戰《狂野之城》

今集另一焦點落在鍾舒漫組的「跳舞擔當」司徒泆Haru身上。向來形象陽光開朗的Haru，今次決心跳出舒適圈，挑戰「渣男」風格，重新演繹郭富城的經典快歌《狂野之城》。他換上穿窿冷衫配黑色牛仔褲，努力擠出壞男孩眼神，加上勁道十足的舞蹈，表現脫胎換骨。評審雷有輝對其演出給予高度評價：「我未聽過咁樣嘅《狂野之城》，反而畀咗我一個細個成日睇日本嗰啲跳舞組合嘅感覺」、「好青春、好健康嘅爆炸力畀我睇到。」

胡港豐聲帶發炎：每日都好似開盲盒咁，究竟下一日唱唔唱到歌呢？

與Haru對決的胡港豐Andrew則在排練《緊急聯絡人》期間聲帶發炎、甚至出現發燒失聲情況，Andrew：「究竟下一日唱唔唱到歌呢？」正式表演時，Andrew化身「深情Boy」演繹歌曲，儘管喉嚨不適、還是表現出滿滿的感情，獲周錫漢大讚：「你係一個比較少有嘅未出道參賽者，喺台上面係有氣場嘅。」