萬千星輝頒獎典禮2021｜陳自瑤奪女配唔提王浩信 姜麗文爆喊攞女飛躍
文：東方新地｜圖：《萬千星輝頒獎典禮2021》截圖
萬千星輝2021｜陳自瑤奪女配表現激動
陳自瑤憑《寶寶大過天》奪得「最佳女配角」，陳自瑤聽到宣布後不停深呼吸，並跟台下花旦們攬攬﹗陳自瑤上台後表現依然激動，不停唞大氣，然後話：「我入咗公司十七年，終於有機會企喺呢個台上面，真係一啲都唔容易﹗」
陳自瑤多謝屋企人未有開名多謝王浩信
陳自瑤一口氣逐一多謝：「多謝珍姐畀機會我，將呢個角色畀我。多謝樂小姐，每一次我想放棄嘅時候，你就同我講只要一日喺度就會有機會。多謝志偉哥、多謝祖藍畀咁多唔同機會我﹗多謝我嘅拍檔係你畀我多謝張頴康，多謝《寶寶大過天》嘅台前幕後，多謝咁多年嚟畀過機會我嘅監製，成就咗今日嘅我﹗特別多謝阿姐，畀好多寶貴意見我﹗多謝投我票嘅人，仲有仲有，多謝我嘅屋企人，所有嘅屋企人﹗多謝我嘅朋友﹗」始終未有提及老公王浩信的名﹗
萬千星輝頒獎典禮2021｜朱敏瀚攞獎 譚俊彥歡呼
《萬千星輝頒獎典禮2021》最佳男配角五強分別是張頴康、泰臣、朱敏瀚、羅子溢及黃子恆﹗由羅家英、劉江宣布由《換命真相》朱敏瀚奪得「最佳男配角」，朱敏瀚上台，台下同劇的譚俊彥及張振朗歡呼﹗
朱敏瀚多謝曾志偉：佢令我睇到希望﹗
朱敏瀚上台表現冷靜：「我今年同自己講要享受個頒獎禮﹗冇特別預備，其實一個好嘅作品，絕對唔係一個人嘅作用，係成個團隊努力，多謝多珍姐（曾勵珍），我平時唔係好識表達自己，你畀啲唔同戲路嘅劇畀我去表現自己吖﹗仲有要多謝志偉哥，佢畀機會訓練班同事喺台慶有機會上台表演，令我睇到希望﹗仲有我要多謝我自己，我會珍惜每一個機會﹗」
《萬千星輝頒獎典禮2021》萬千光輝演藝大獎
萬千光輝演藝大獎由狄龍及秦沛頒獎，得主是姜大衛（John哥），他憶述自己由4歲入行，至今已有70年，笑言好多人問他幾時退休，但他自言根本冇退休呢兩個字，他又希望公司可以創作更多劇集，畀更多機會啲後生仔。
飛躍進步女藝員
飛躍進步女藝員獎得主是姜麗文，她爆喊表示姜家三代都係演員，屋企仲有三位好出色的演員，就係秦沛、姜大衛同爾冬陞，她感謝爸爸作為榜樣，展示給演員的專業性，又笑言好想快些嫁她的未婚夫。
飛躍進步男藝員
飛躍進步男藝員獎得主今年打孖上，由羅天宇和丁子朗一同奪得，羅天宇話好感謝當年能夠入到《愛回家》劇組，否則他可能已不在娛樂圈，丁子朗則感謝他不在香港的家人。
萬千星輝頒獎典禮2021 FAQ
問：今屆萬千星輝頒獎典禮2021 得獎名單詳情？
答： 今屆頒獎禮名單由最佳男配角開始、姜麗文大熱奪飛躍進步女藝員後，飛躍男藝員鬧雙胞⋯⋯得獎名單詳情｜最後五強名單
問：「非親生」的鍾嘉欣今屆能奪獎嗎？
答：《星空下的仁醫》鍾嘉欣為了出席今屆頒獎禮，一早帶同兒子由加拿大返港，賽前一日曾有說她閃電離港，但事實係⋯⋯按此收看
「非親生」的鍾嘉欣今屆能奪獎嗎？
鍾嘉欣為了出席今屆頒獎禮，一早帶同兒子由加拿大返港，賽前一日曾有說她閃電離港，但事實係⋯⋯按此收看
