袁偉豪開演唱會多謝觀眾「唔睇謝霆鋒嚟睇我」 拍戲做過兄弟出生入死有淵源
袁偉豪爆笑多謝fans「唔睇謝霆鋒嚟睇我」
袁偉豪上周五（25日）於廣州舉行演唱會，當晚袁偉豪除咗獻唱多首經典歌曲外，仲化身band仔大騷彈結他實力，認真多才多藝。不過袁偉豪在彈奏歌曲Solo部分，就投入到面容扭曲，被唔少網民恥笑好似便秘咁……而講到當晚最能引起話題嘅，就一定莫過於袁偉豪在台上爆笑向觀眾表示：「多謝你哋今日唔去睇謝霆鋒都嚟睇我」，瞬間引起台下觀眾哄堂大笑！本身好鍾意夾band嘅袁偉豪，彈住電結他獻唱多首Rock歌包括《自由》、《Hotel California》等， 阿Ben唱咗國語歌同英文歌之外，亦同女Dancer喺台上勁歌熱舞，炒熱全場氣氛。
老婆現身冧爆上台撐場 獻唱訂情金曲《你與你的另一半》
雖然彈結他的樣子被嘲笑，與謝霆鋒演唱會不同的是，有TVB「億萬駙馬」之稱的袁偉豪在演唱會過程中有老婆全程冧爆支持，作為全晚焦點一定要數到太太 張寶兒 上台獻花一幕，Ben之後仲拖住太太獻唱屬於兩人嘅情歌《你與你的另一半》，呢首歌由Ben親自作曲，由當年仲係未婚妻身份嘅Bowie作詞，可以話係兩人音樂上嘅「愛情結晶」。唱完呢首冧歌後，Bowie更輕錫老公面珠一下，可以話係閃盲大家！
袁偉豪謝霆鋒原來曾係出生入死兄弟
袁偉豪在台上提及謝霆鋒後，2人多年前嘅淵源亦再度被提起。袁偉豪與謝霆鋒於1998年合作三級電影《新古惑仔之少年激鬥篇》，當時年僅17歲霆鋒飾演少年陳浩南與16歲袁偉豪就飾演「巢皮」（成年版由朱永棠飾演），2人在戲中係出生入死嘅洪興好兄弟，戲中一齊夾Band之餘，更有唔少同框畫面！
袁偉豪片段亦有出現於啟德！
謝霆鋒在今次演唱會上亦有獻唱歌曲《前前後後左左右右》，而在演唱時大屏幕更特別播放了電影中2人夾Band演唱同一首歌的片段，經典畫面引起唔少網民直言係「回憶殺」！
最近有什麼演唱會公開發售？
2023-2024年有不少巨星宣布開演唱會，Sundaykiss為你整合各歌手演唱會優先購票、公開發售日期及座位表等門票資訊！即看：2023香港演唱會時間表附座位表及2024香港演唱會時間表。另外，亦為你整合澳門演唱會時間表
搶飛事前準備？如何加快網速，增加成功搶飛率？
要在各大平台成功搶購門票，建議您在電腦上同時安裝多款不同的網頁瀏覽器，例如Google Chrome、Firefox、IE、Safari等。您可以同時啟用…詳情請看
