試真 D｜主持GM挑戰廣州全蟲宴！驚見水曱甴嚇到毀容爆金句？

GM驚見水曱甴嚇到連環尖叫

在廣州的「全蟲蟲宴」現場，自稱有「蟲蟲恐懼症」的GM被各式各樣的蟲蟲料理徹底包圍，單是聽到「金龜子」、「桂花蟬」及「黑螞蟻」等菜名已面容扭曲。當原隻「極恐怖水曱甴」上桌時，恐懼達到頂點，GM嚇到連續大叫八聲「嘩」，更忍不住將整碟蟲推到最遠，驚慌失措地大喊：「唔好圍住我，我唔係好得」、「嘩！認真，我好唔鍾意掂呢類嘢，嘩！」他更嚇到爛gag湧現，向店家求情：「凍檸茶有得少甜，呢度有冇得少蟲架？」引得江美儀大笑。

江美儀喝斥GM拖延時間勁爆笑

面對眼前恐怖的蟲蟲，GM只懂不停說話拖延時間，完全不敢動手，令一旁的江美儀看不過眼，直接大聲喝斥：「你講咁多！郁手啦！」見到GM依然驚到手震，江美儀只好又像安撫又像命令地說：「冷靜啲，後生仔」、「點呀你」，兩人之間的互動火花四濺，讓原本驚悚的畫面增添了大量喜劇效果，爆笑度超標。

朱仔試食南瓜蟲後竟想即刻走

同場的另一位主持朱仔，雖然勇敢度只比GM高一點，但同樣吃得非常艱難。他不時要深呼吸、抖大氣才敢將蟲放進口中。當他勉強吃完店家極力推薦的「肥嘟嘟南瓜蟲」後，更忍不住面露難色地爆笑說：「如果呢個係最好味…我想走。」一句話道盡了蟲宴的恐怖程度。不過，據悉在眾多蟲蟲料理中，竟然有一味菜式讓GM食到「細眼變大眼」，三位主持更同時讚不絕口，甚至表示可以Encore。

網民笑爆GM表情包：隔住mon都想嘔

節目播出後，GM的「嚇破膽表情包」立即在網上瘋傳，引發網民熱烈討論。不少觀眾都表示感同身受，大讚GM反應真實。
「GM啲表情包真係世界級，睇到我笑住嚟反胃！」

「水曱甴真係太癲，我係佢已經即場暈低咗。」
「江美儀鬧佢嗰度最好笑，完全係阿媽鬧仔！」
「到底最後邊款蟲咁好食？好好奇！」
「呢集《試真 D》真係挑戰人類極限，GM犧牲太大了！」