44歲謝安琪上Do姐節目為開胸透視裝解畫 箍牙舊照被好友出土

娛樂

日前在《2021叱咤樂壇流行榜頒獎典禮》記者會上以一套黑白透視裝搶盡風頭的謝安琪,隔日上Do姐鄭裕玲節目《口水多過浪花》接受訪問,節目一開始Do姐就問謝安琪當日活動為何選取此造型,識講嘢嘅謝安琪竟然解釋件衫唔係自己揀,佢自己都係抱住「鼓勵對方」的心態將開胸透視著上身⋯⋯

撰文:東方新地 圖片:[email protected][email protected][email protected]_do_cheng

謝安琪箍牙舊Look被好友出賣

除了在Do姐節目解釋開胸透視裝的來源,亦有提及自己的箍牙歲月,皆因謝安琪的箍牙舊照被舊相識放上網,當日記者會上舊相識霍嘉豪Heyo(音樂人)與謝安琪寒暄完再影合照,事後Heyo放相上社交網,加多張16年前謝安琪的箍牙舊照,真係夠朋友。

 謝安琪與相識多年的Heyo霍嘉豪在叱咤記者上重聚。
謝安琪與相識多年的Heyo霍嘉豪在叱咤記者上重聚。(圖片來源:[email protected]
 二人見面好興奮,仲傾到雞啄唔斷。
二人見面好興奮,仲傾到雞啄唔斷。(圖片來源:[email protected]

 

 Heyo公開當年謝安琪一張箍住牙影的合照。
Heyo公開當年謝安琪一張箍住牙影的合照。(圖片來源:[email protected]
 原來Heyo與謝安琪是舊相識,已經十幾年冇見。
原來Heyo與謝安琪是舊相識,已經十幾年冇見。(圖片來源:[email protected]

謝安琪極速回應

由於Heyo有Hashtag謝安琪,當事人亦好快留言回應,非常大方說:

「我而家其實好鍾意箍牙時期嗰陣影啲相,因為當年覺得好難影得好睇好怕影相,今時今日睇返反而覺得珍貴。」

舊照片中的Heyo無論身形與樣貌都與現在判若兩人,而箍住鋼牙的謝安琪就笑對鏡頭,二人都好青春。雖謝謝安琪唔介意,但陳奐仁Hanjin就留言:「你post張舊相會唔會激死佢呀 @kaytse」

 謝安琪大方留言,仲話覺得當年的箍牙相好珍貴。
謝安琪大方留言,仲話覺得當年的箍牙相好珍貴。(圖片來源:[email protected]
 陳奐仁加把嘴搭訕。
陳奐仁加把嘴搭訕。(圖片來源:[email protected]

上Do姐節目解答為何著透視裝

日前在叱咤記者會上一件透視裝令謝安琪成為全場焦點,就連Do姐鄭裕玲都非常好奇,日前謝安琪上Do姐的商台節目《口水多過浪花》,被問到基於咩原因會揀那件衫,謝安琪說:

「我嘅造型師係好斯文好文青嘅女仔,嗰日佢揀咗呢套衫畀我,叫我試一試,出嚟效果好好,同佢平時揀嘅衫好唔同,我好想支持佢,當場話就咁啦!我對造型嘅接受能力都好高,冇乜所謂!」

造型師成功令謝安琪吸引住大家的眼球,應記一功。

 Do姐日前請來謝安琪做電台節目嘉賓,二人無所不談。
Do姐日前請來謝安琪做電台節目嘉賓,二人無所不談。(圖片來源:[email protected]_do_cheng)
 謝安琪被Do姐追問點解在記者會著件咁嘅衫,仲話「唔係人人都carry到」。
謝安琪被Do姐追問點解在記者會著件咁嘅衫,仲話「唔係人人都carry到」。(圖片來源:[email protected]_do_cheng)

當年出道任性箍牙

謝安琪在訪問中講盡事業家庭事,無所不談,對於當年28歲入行時個箍牙樣,謝安琪自認好爆裂:「我出道時好爆裂咁箍住牙,好多人都問點解,好應該係箍完整好先出道。其實當時我已簽公司,冇同公司講去箍牙,大家都好震驚。我一直好想箍牙,但父母叫我唔好搞咁多嘢,我刷牙刷得好仔細,所以牙齒好白好靚,但有兩隻牙疊埋咗,我好想整好佢。結果第一次拍廣告,賺咗少少錢,我就即係走去箍,仲要係鋼箍,好肉酸。」

 謝安琪話著呢件衫全為支持她的文青造型師。
謝安琪話著呢件衫全為支持她的文青造型師。(圖片來源:[email protected]
 細個屋企反對謝安琪箍牙,所以佢出道後拍第一個廣告賺到少少錢就去整靚棚牙,又白又整齊的牙齒又真係好吸引嘅!
細個屋企反對謝安琪箍牙,所以佢出道後拍第一個廣告賺到少少錢就去整靚棚牙,又白又整齊的牙齒又真係好吸引嘅!(圖片來源:[email protected]

你又點睇?

更多精選內容