謝賢離世｜原來四哥唔止掌摑曾江一次二人一早有個「壽終約定」超感人

Jul 21 2026

影壇驚傳噩耗，一代傳奇巨星「四哥」謝賢今日驚傳離世，享年89歲。謝賢一生縱橫演藝圈近70年，演出作品接近200部，其瀟灑不羈的形象與精湛演技深入民心。2022年老友曾江離世時，無綫曾深夜重播兩人的經典旅遊節目《4個小生去旅行》以作悼念；如今「四哥」亦告別塵世，與曾江於天國重聚，令無數影迷深感痛惜。

謝賢曾江掌摑四個小生去旅行四哥喺節目宣傳記招當眾怒摑曾江成為經典（圖片來源：新傳媒資料庫） — 四哥喺節目宣傳記招當眾怒摑曾江成為經典（圖片來源：新傳媒資料庫）

謝賢曾江掌摑四個小生去旅行當日四哥表示忍咗曾江好耐（圖片來源：新傳媒資料庫） — 當日四哥表示忍咗曾江好耐（圖片來源：新傳媒資料庫）

四位小生遊歷俄羅斯搵命搏

節目於2015年中月首播，由曾江（Ken哥）、謝賢（四哥）、胡楓（修哥）及Joe Junior主持，帶觀眾遊歷俄羅斯。聖巴索大教堂同國家歷史博物館呢啲咁基本嘅打卡點當然有去。四個小生加埋300歲有多，睇佢哋去培訓太空人嘅星城，體驗太空生活，四哥一試太空漫遊；揸四驅越野車穿越森林沼澤；曾江同四哥公園溜老虎…等等，由佢哋去試呢啲非一般嘅行程，的確幾有話題性！

謝賢曾江掌摑四個小生去旅行拍攝期間，據講四位都招來咗一點艷福（圖片來源：無綫電視截圖） — 拍攝期間，據講四位都招來咗一點艷福（圖片來源：無綫電視截圖）

謝賢曾江掌摑四個小生去旅行四位中只有四哥可以一嘗做太空人嘅感受（圖片來源：無綫電視截圖） — 四位中只有四哥可以一嘗做太空人嘅感受（圖片來源：無綫電視截圖）

謝賢曾江掌摑四個小生去旅行曾江因痛風發作需用拐杖輔助行走（圖片來源：無綫電視截圖） — 曾江因痛風發作需用拐杖輔助行走（圖片來源：無綫電視截圖）

謝賢曾江掌摑四個小生去旅行後來曾江又因身體問題，需坐輪椅繼續拍攝工作，因此令四哥甚為不滿（圖片來源：無綫電視截圖） — 後來曾江又因身體問題，需坐輪椅繼續拍攝工作，因此令四哥甚為不滿（圖片來源：無綫電視截圖）

謝賢曾江掌摑四個小生去旅行（圖片來源：無綫電視截圖） — （圖片來源：無綫電視截圖）

重溫多幕火爆場面為節目掌摑

四位小生相識多年，佢哋喺節目中寸嚟寸去，都成為咗另一個看點，最精彩一定係「火爆」嘅曾江同「搞事」嘅四哥互窒。四哥喺節目中其實已經摑過曾江一次；曾江就試過同修哥「屈」四哥有私生女。咪以為修哥好易話為，有一幕四哥抱怨修哥喺鏡頭前唔講嘢，修哥即扯火反問係咪有機拍住就要講嘢，仲即刻喺攝影師手上拎部機對住四哥，大聲喝四哥要講嘢，當堂大到四哥。

謝賢曾江掌摑四個小生去旅行被四哥撩㷫嘅修哥即扯火還擊（圖片來源：無綫電視截圖） — 被四哥撩㷫嘅修哥即扯火還擊（圖片來源：無綫電視截圖）

謝賢曾江掌摑四個小生去旅行曾江因流鼻血要卧床休息，同探病嘅四哥又互寸一番（圖片來源：優酷截圖） — 曾江因流鼻血要卧床休息，同探病嘅四哥又互寸一番（圖片來源：優酷截圖）

謝賢曾江掌摑四個小生去旅行四哥講講下突然摑曾江一下，原來節目中早有預告（圖片來源：無綫電視截圖） — 四哥講講下突然摑曾江一下，原來節目中早有預告（圖片來源：無綫電視截圖）

互窒中亦有愛嘅一面曾江謝賢勾手指定盟誓

但個節目都有「好有愛」嘅一面，唔係成日咁有火爆。好似佢哋去祈福嘅地方，都會為互相祈求對方健康。四哥同曾江亦曾承諾他日邊個先「瞓」咗（離世），就要「吻別」對方。咁有愛嘅表現，就如節目宣傳片修哥所講，四哥只係「唔熟唔食」，大家互窒可能只係節目效果，幾位老戲骨都交足戲。

謝賢曾江掌摑四個小生去旅行 Ken哥四哥約定邊個先「瞓」，健在嗰個就要去「吻別」對方。（圖片來源：無綫電視截圖） — Ken哥四哥約定邊個先「瞓」，健在嗰個就要去「吻別」對方。（圖片來源：無綫電視截圖）

曾江生前曾想添食《4個小生去旅行》

日前修哥表示，佢同Ken哥都想開拍第二季，可惜依家天人永隔，修哥亦好可惜少咗兩個朋友。

謝賢曾江掌摑四個小生去旅行節目曾傳有意添食，但如今主持四缺二（圖片來源：「4個小生去旅行－修哥開嘅」@FB） — 節目曾傳有意添食，但如今主持四缺二（圖片來源：「4個小生去旅行－修哥開嘅」@FB）

曾江被謝賢掌摑事件登十大民選娛聞：爆當年只係做戲「被擺上枱」好陰功

當年在記者圍觀下的「動作場面」同樣震驚娛樂圈，成為全港市民茶餘飯後的話題。但係事隔多年，四哥出席活動時重提此事，竟然話自己同曾江不知幾老友，大爆當年一幕「其實係做戲」，仲話自己好陰功⋯⋯事緣2015年8月時，四哥與曾江、胡楓 (修哥)及Joe Junior齊齊宣傳大台節目《4個小生去旅行》，但記者會上四哥疑與曾江有積怨，竟然大庭廣眾出手教訓曾江！修哥夾在中間勸交時，更被打飛眼鏡、Joe Junior則在旁做專業收音員，場面一片混亂…