前TVB兒童節目主持邱晴代表香港出戰世界賽 連環曬比賽照網民大讚：為港爭光！

邱晴代表香港出戰YOU.FO世界賽

邱晴日前在社交平台發文表示自己代表香港遠赴東京參加荷蘭飛環（YOU.FO）世界賽，即使佢嘅韓文同日文唔算流暢，但係仍然無阻佢與各地嘅選手交流心得。邱晴更透露雖然比賽當日天氣十分炎熱，但係為港爭光就完全無懼烈日：「嗰兩日好好天，但都真係好曬，平時嘅我一定唔會出街，但係為港爭光，我都無懼烈日，連續打左幾場比賽，真係攰得嚟又好爽。」

賽場表現亮眼 香港隊名列第11

邱晴隨後接受訪問時就透露自己其實僅接觸荷蘭飛環半年，並於5月參加了亞洲盃。邱晴亦大談荷蘭飛環嘅賽制及成績，並表示每場會派出3位隊員，而佢哋於第1場賽事對戰韓國，並以1vs1和局。隨後在主力對戰日本、韓國以及荷蘭隊，最終以3勝3負1和完成賽事，在26隊隊伍中排名11。

邱晴嘅表現亦獲唔少網民大讚：「估唔到你運動都咁叻」、「今次真係為港爭光！」、「有樣有實力嘅代表」、「期待你繼續為港出戰！」