郭柏妍疑再客串《愛回家》！周嘉洛新劇再拍陳豪誓搣金城安影子

《愛回家》周五劇情曝光 郭柏妍疑再度客串

港姐季軍郭柏妍在9月初客串了一集《愛回家》飾演吳旺達「女土著」造型深受觀眾喜愛，就算對白唔多亦引起熱烈討論，唔少觀眾特意重溫片段，推高跨平台收視！根據官方透露的劇情，本周五「吳旺達女土著」將再次現身，與金城安再度上演「求愛追逐箭」！

上回劇情謎團未解決！女土著再登場將金城安「變返正常」

上次劇情去到最後，金城安與女土著用純正「吳旺達語」展開激情對話，七情上面的郭柏妍非常可愛，可惜到最後無奈離開，到底二人攤牌內容係乜仍然係個謎，好多觀眾就希望郭柏妍可以回歸，與金城安發展感情⋯⋯而根據官方劇情公告，本周五劇情會講述女土著終於用箭

周嘉洛演台慶劇 再拍陳豪揸槍做仁醫

另一方面，周嘉洛嘅新劇《羅密歐與祝英台》將於10月16號起將接棒《你好，我的大夫》播出，故事以後現代架空世界為背景的《羅密歐與祝英台》，劇名的「羅密歐」竟然唔係男一陳豪而係周嘉洛，認真有面子，今次係繼《新四十二章》之後周嘉洛再度夥拍陳豪拍劇，角色設計有心思，期望「搣甩」金城安的影子！

《羅密歐與祝英台》周嘉洛角色「冠名」演出

故事圍繞四位主角祝英台(陳茵媺 飾)、梁山伯(陳豪 飾)、羅密歐(周嘉洛 飾)同朱麗葉(游嘉欣 飾)發展，既有淒美浪漫嘅愛情元素，亦有火花四濺嘅型格動作場面，既創新又破格。《羅密歐與祝英台》嘅故事發生喺超現實世界，講述同樣富甲一方嘅「羅家」同「祝家」歷盡百年恩怨，雖然平時 不相往來，但每隔5年就會以槍戰形式決鬥，就住面子同自身利益，兩大家族各出奇謀爭取勝算，而四位主角間嘅愛情故事亦係呢個複雜在背景之下產生，箇中波折同困難可想而知。

仁心仁術羅密歐謙厚有禮幫助貧苦大眾

四位主角設定分別係「智勇雙全祝英台」、「槍法如神梁山伯」、「仁心仁術羅密歐」仲有「反叛率真朱麗葉」，仲曝光埋兩對情侶嘅甜蜜親吻鏡頭，每條宣傳片後嘅動畫版主角介紹亦非常有心思。四位主角亦都槍法如神，性格亦各有特點：祝英台(陳茵媺 飾)全程唧都唔笑Cool到爆；梁山伯(陳豪 飾)、賴皮市儈至愛搵人笨；羅密歐(周嘉洛 飾)謙厚有禮，志願係幫助貧苦大眾嘅仁醫；朱麗葉(游嘉欣 飾)就熱愛刺激，為咗最愛嘅槍械同羅密歐，仲多次犯禁同祝家玩對抗。

《羅密歐與祝英台》自開拍以來就備受矚目，除咗鑽石級演員陣容同幕後班底令人引頸以待之外，相隔11年再度喺劇集同框嘅恩愛夫妻陳茵媺同陳豪自然成為焦點所在，新劇更加係Aimee 婚後首部「復出」嘅劇集。

周嘉洛配游嘉欣 對白大拋「莎劇金句」唔再扮周星馳

另外今次首演情侶嘅新生代組合「洛游CP」中，以搞Gag、貪玩、語速快馳名嘅嘉洛，今次繼續發揮搞笑本色，仲加入更多「深情」元素，劇中熱愛莎士比亞嘅佢，不時會大拋「莎劇金句」曬內涵玩浪漫，又會排除萬難誓要與一見鍾情嘅朱麗葉愛到底，加上人設善良，入屋指數高企。而一向以清純乖乖女形象見稱嘅游游，今次以曲髮造型登場突顯角色Wild感覺，仲會首度挑戰 大量型格開槍場面，同樣值得期待。

《愛回家之開心速遞》劇情｜第2095集劇情劇透 (10/06)吳旺達愛神之箭

城安在商場遇襲，中了吳旺達女土著的吹箭後動彈不得。熊家眾人將城安帶返熊家，城安被拔出吹箭後回復正常。按吳旺達的習俗，中箭便等同訂婚，城安對女土著一見傾心，打算跟她共諧連理。尚善堅決反對，打算設法阻止這門婚事……城安聽從家人建議，先與女土著多加了解；尚善卻發現女土著與城安「打」得火熱，甚感憂心，樹根此時提出一個或可「拯救」城安的方法……