鄧麗欣新碟發布會兩度淚崩舞台！唱20年前舊作開口即情緒失控 千人合唱眼淚決堤
首唱出道自作歌《小紅帽》 開口數句秒速落淚
首場音樂會上，Stephy特別選唱了出道時期首支個人包辦詞曲的代表作《小紅帽》，這更是她出道逾二十年來首次公開現場演唱此曲。豈料前奏響起，Stephy僅唱了數句便激動得難以自持，當場破防落淚，台下歌迷見狀即刻揮動手燈大聲應援，場面極為動容。事後Stephy坦言這首歌意義非凡：「呢首歌放喺我第一張唱片，係我第一次自己作曲同填詞。今次唱嘅時候，就好似20幾年前嘅自己同依家嘅我對話，被以前嘅自己深深鼓勵。每當唱到某啲歌詞，見到台下歌迷一齊合唱，真係完全忍唔住。」
尾場防線終告失守 全場大合唱感動到喊
到了第二晚演出，Stephy本以為做足心理準備，笑言唱《小紅帽》時成功忍淚，未料唱到最後一首安歌作品《仍留在這裏》時，台上大屏幕突然播放多年來她與歌迷的珍貴合照，加上全場大合唱的震撼場面，觸碰了她最脆弱的心靈，防線終告徹底崩潰，在台上哭成淚人。Stephy一邊抹眼淚一邊感性道白：「無辦法，真係太感動！好感謝咁多年一直支持我、留低陪住我嘅每一個人。唔知點解一企喺台上就好眼淺，特別容易被觸動，其實平時嘅我好堅強㗎！」
陳健安藍奕持扮「靚仔幫工」推蛋糕 破涕為笑預告開Sidetrack騷
除了感人淚水，現場亦充滿驚喜。首場適逢Stephy生日正日，大屏幕正播放歌迷祝福片段之際，好友陳健安（On仔）與藍奕持（Lester）突然「扮矮仔」化身現場工作人員推出生日蛋糕，鬼馬登場。剛印乾眼淚的Stephy即時破涕為笑，驚喜大呼：「公司請啲工作人員咁靚仔嘅，落重本喎！」全場歌迷亦隨即大合唱生日歌送上祝福。當晚台下星光熠熠，除了同門小師弟何柏臻（Jun）在開場前落力打點，多位曾與Stephy合作的導演黃綺琳、何妙祺、陳詠燊、伍健雄及馮志強等亦現身力撐。
兩場新專輯音樂會圓滿成功
兩場音樂會圓滿落幕，Stephy直言今次新碟發布會的心理重量不亞於一場紅館個唱，更唱盡《藍鞋子》、《他不准我哭》及多首大熱sidetrack《我未願意》、《被遺棄的公主》等。眼見歌迷反應極度熱烈，Stephy更當場為大家送上定心丸，預告正積極考慮籌備個人sidetrack演唱會，答謝一眾不離不棄的樂迷。
