大頭綠衣鬥殭屍｜鄭秀文初出道舊照掀集體回憶華星年代好友近況重溫

大頭綠衣鬥殭屍｜鄭秀文分飾兩角 20歲TVB經典作

《大頭綠衣鬥殭屍》主題曲《痴心等待》及《總算為情認真過》都係經典，今年鄭秀文憑《流水落花》成為金像獎影后，而TVB就安排5月開始於深夜劇集時段，播出《大頭綠衣鬥殭屍》。新秀出身嘅鄭秀文入行後於TVB拍過6部劇集，戲份最多其實只有20歲時拍攝的《大頭綠衣鬥殭屍》，因為劇中Sammi一人分飾兩角，要做溫柔嘅女鬼「飄雪」以及豪爽嘅家姐「飄紅」，演出由頭帶到尾，今天重溫，當年Sammi的顏值可算是一鳴驚人，演繹暗戀和失戀的心情，亦甚有層次！

鄭秀文鄭秀文16歲參加第七屆新秀歌唱大賽，憑一首葉蒨文的《乾一杯》奪得季軍，並加入華星唱片後，鄭秀文返學校繼續完成中學學業至1989年畢業，1990年正式加入香港樂壇。 — 鄭秀文16歲參加第七屆新秀歌唱大賽，憑一首葉蒨文的《乾一杯》奪得季軍，並加入華星唱片後，鄭秀文返學校繼續完成中學學業至1989年畢業，1990年正式加入香港樂壇。（圖片來源：90年代回憶Facebook群組）

鄭秀文大頭綠衣鬥殭屍劇情 — 深夜重播的1993年《大頭綠衣鬥殭屍》快將大結局，鄭秀文曾透露自己也有重溫。（圖片來源：TVB ）

鄭秀文鄭秀文一人分飾兩角，飄紅的角色演出有層次，不難見到後來電影演出的影子。 — 鄭秀文一人分飾兩角，飄紅的角色演出有層次，不難見到後來電影演出的影子。（圖片來源：TVB劇集截圖）

鄭秀文飄紅暗戀與錢小豪飾演的北平，本來粗魯的她為表芳心特意換上女性化裝扮。 — 飄紅暗戀與錢小豪飾演的北平，本來粗魯的她為表芳心特意換上女性化裝扮。（圖片來源：TVB劇集截圖）

鄭秀文 1993年1月與許志安首次合唱歌曲《其實你心裡有沒有我》，同年還有快歌《Chotto等等》，促成歌手之路，之後鮮有拍攝長劇。 — 1993年1月與許志安首次合唱歌曲《其實你心裡有沒有我》，同年還有快歌《Chotto等等》，促成歌手之路，之後鮮有拍攝長劇。（圖片來源：TVB劇集截圖）

《大頭綠衣鬥殭屍》以外鄭秀文拍過的TVB劇集

1991年《浪族闊少爺》飾演施敏（Sammi）
1992年《壹號皇庭》飾演方家琪（Josephine）
1993年《大頭綠衣鬥殭屍》飾演飄雪& 飄紅
1994年《親恩情未了》飾演張家慧（Helen）
1995年《刑事偵緝檔案II》飾演葉子晴（Ivy）
1999年《寵物情緣》飾演歐子珊（Susan）

鄭秀文晒華星年代舊照

鄭秀文曾經分享一張舊相，Sammi表示，照片其實係車婉婉Send畀佢，相中包括Sammi、張崇基、張崇德、李玟、車婉婉同梁漢文，Sammi仲慨嘆：「我的青春小鳥小一去不回來….. 🤣別滴哪哎喲! 別滴哪哎喲!我的青春小鳥一去不回來 …… #成長 #少女變人妻 #不求青春不老但求活得有腦」當時佢吔6人仲好青澀，依家個個都成為人妻人夫，真係時光飛逝！當年只得20幾歲嘅佢哋，依家全部都結晒婚，一齊睇下佢哋各自嘅愛情故事啦！

有網民推算，呢張相應該係1993年華星唱片推出《火熱動感93勁秋版》時所影嘅，仲話一見到就諗起Sammi所唱嘅《愛情傻戀La La La》添！不少網民都大讚，佢哋6人個樣多年來都冇變化，依家仲有成熟嘅味道！

相關文章：天后開騷輪流增肥｜楊千嬅拍片網民嘲又老又殘鄭秀文確診後增磅反被讚索

93年華星歌手各自成家立室

1.鄭秀文：與許志安離合30載

現年50歲嘅Sammi同許志安喺1991年開始拍拖，二十年來多次離合，但最終都喺2013年結為夫婦，就算經歷了「安心事件」最後兩人關係仍可以修復，佢哋嘅故事用30年去印證一番話：「係你嘅，始終都係你嘅！」

鄭秀文 Sammi同許志安喺1991年開始拍拖 — Sammi同許志安喺1991年開始拍拖（圖片來源：鄭秀文IG）

1989年，Sammi參加新秀比賽得獎後加盟華星唱片，同師兄許志安一見如故。隨後兩人喺1991年以情侶姿態合唱《其實你心裡有沒有我》，冇幾耐就開始拍拖啦！

鄭秀文兩人喺1991年以情侶姿態合唱《其實你心裡有沒有我》 — 兩人喺1991年以情侶姿態合唱《其實你心裡有沒有我》（圖片來源：MV 截圖）

經典「廚房宣言」

最令人印象深刻，點可以唔提安仔嘅「廚房宣言」！許志安同鄭秀文於2001年，同時獲得「十大勁歌金曲頒獎典禮」最佳男女歌手獎。許志安上台從梅豔芳手中接過獎盃，然後發表咗怠動台下所有人嘅「廚房宣言」！雖然安仔當時冇提係同邊個講，但大家都心裡有數，台下所有人起身為呢對戀人鼓掌，而Sammi亦已經泣不成聲！安仔：

有一個人我要多謝，幾年前和她在廚房裡，我跟她說：有一日你拿最受歡迎女歌星，我拿男歌手獎就好囉！她跟我說要用心去做，只要相信自己就行了，想不到今日……多謝你！

鄭秀文 26948e4e-0c42-403d-bc60-0727815a72e8 — 許志安同鄭秀文於2001年，同時獲得「十大勁歌金曲頒獎典禮」最佳男女歌手獎，然後發表咗怠動台下所有人嘅「廚房宣言」

不過，呢對情侶終喺2004年分手，多年來一直傳出復合嘅消息，但雙方都一一否認。

2011年3月，許志安喺情人節當天送咗999朵玫瑰給Sammi。後來，Sammi便發表復合聲明。聲明中提到：

「我並非要成就什麼驚天動地的愛情，我只想踏實地經營一段平凡人的情感。我坦承跟安仔重新開始。結果如何？我不能預計。分開多年，要彼此適應各自的改變……」

2013年，許志安喺鄭秀文生日派對上求婚成功，並於11月底兩人跟雙方家人到巴厘島旅行慶祝。當時，抱得美人歸嘅許志安興奮得向好友公告：「決定攜手共度餘生！」

2.車婉婉：曾被批孤獨終老終破迷信成幸福媽媽

現年48歲嘅車婉婉最近在《中年好聲音》做主持而重返幕前，原本係個全職歌手，曾參與電視喜劇《皆大歡喜》飾演萬貴妃一角而為人熟識。早年，車婉婉喺是圈內有名嘅神婆，唔只迷信玄學，仲鐘意研究星座，而且仲試過喺電台到主持星座節目。

不過，車婉婉曾經喺一個基督教音樂會內分享，自己曾被相士批命冇可能結婚生仔，令佢一度對組織家庭失去希望，但後來自己因信仰而改變，令佢戒走多年煙癮，仲透露「戒煙第七天就遇上我老公」。車婉婉當年就經朋友介紹，認識細自己5年嘅中澳混血、游泳教練JonathonQuinlan，二人拍拖3年後於泰國結婚。

雖然車婉婉曾經被批不配有幸福，但好彩佢當初有相信自己，如今幸福滿載真係值得慶賀！

3.梁漢文：「浪子回頭」變暖男與妻戰勝病魔

現年51歲嘅梁漢文（Edmond）同林文慧（Karen）1992年喺朋友聚會識，雖然二人幾年冇聯絡，但98年喺Disco飲嘢撞返，仲開始拍拖，十年後仲結婚添！

梁漢文同老婆結婚10周年時，梁漢文都喺Instagram上載相片：「最近睇返幅相先留意到，原來同佢認識嘅第一日喺92年4月6號，哈哈！嗰日有朋友幫我地影低咗呢一張兒時合照😂，都幾有記念性🥂」

4.李玟：華人天后舉行世紀婚禮今年傳婚變

現年44歲嘅李玟（CoCo），2011年同加拿大籍利豐總裁BruceRockowitz結束8年愛情長跑，正式成為人妻！雖然CoCo本身單親家庭出身，而老公亦係有住兩個女嘅失婚富豪，但依然無阻二人發展。當晚Coco更喺香港最高嘅大樓天際100舉行一連兩日舉行被譽為開埠以來最豪嘅「億元婚禮」，當日更邀得著名歌手Bruno Mars、Alicia Keys等作嘉賓，當晚Bruce更表示會一世愛太太，二人十分幸福！不過在2023年，傳出李玟已經和其夫婿布魯斯分居，據傳聞報導因布魯斯發生婚外情，其兩位繼女也對李玟不聞不問，令李玟極傷心。目前李玟本人暫不回應婚姻有關的感情事，網路上已有許多她準備離婚的文報導，李玟的演藝事業活動也因2023年初的腳部舊疾手術暫時休息。