30歲鄺潔楹再貼驚嚇舊照體重120磅稱豬膽鼻全靠以天然方式消除！

Sep 10 2022

鄺潔楹入行8年，自從《3日2夜》開始，被封為仙氣女神，近一年來她副業多多，賣曲奇、搞健身室、賣衫，連NFT都玩埋。出道以來不時被人話外貌經過加工，於是自爆自己黑歷史，到了近日過30歲再次舊事重提，似乎想再一次證明自己係天然無添加。

《3日2夜》後受力捧頻頻拍劇

鄺潔楹樣子甜美，身高因為只得155cm，而封為「哈比女神」，在《3日2夜》以三點式出鏡後，馬上火速升格做仙氣女神，更被無綫力捧。她在之後參與劇集包括《愛回家》、《逆天奇案》、《七公主》、《十月初五的月光》等，不過近年她就被指係外貌經過加工。鄺潔楹面對質疑，就索性在自己的youtube channel中自揭黑歷史，貼出舊照對比她由一個豬膽鼻肉女變高鼻臉尖玉女的變化過程，以證自己純天然演化而成。

鄺潔楹時裝界鄺潔楹指自己留學期間為了融入美國生活，跟足鬼妹的飲食、打扮及妝容，直指自己愈化愈濃妝，現在翻看舊照片笑言不堪入目﹗ — 鄺潔楹指自己留學期間為了融入美國生活，跟足鬼妹的飲食、打扮及妝容，直指自己愈化愈濃妝，現在翻看舊照片笑言不堪入目﹗（圖片來源：鄺潔楹YouTube影片截圖）

鄺潔楹時裝界鄺潔楹最近一年頻頻建立自己影視以外的事業 — 鄺潔楹最近一年頻頻建立自己影視以外的事業（圖片來源：[email protected]）

鄺潔楹時裝界月前踏入 30 歲生日，穿上低胸公主裙收花收禮物，明艷照人。 — 月前踏入 30 歲生日，穿上低胸公主裙收花收禮物，明艷照人。（圖片來源：[email protected]）

17歲時：重達120磅

鄺潔楹在片中公開自己從17開始到現在的成長史，她當時在美國讀高中，155cm身高但體重120磅，相中的她箍牙、濃妝，有啲鬼鬼哋，鄺潔楹話當時正在箍牙，她指箍牙後會令面形變細，連帶豬膽鼻都同時變走。

鄺潔楹時裝界鄺潔楹黑歷史豬膽鼻 — 鄺潔楹話過去不時被指愈大愈靚有古怪，她上年親自拍片解答大家的疑問﹗（圖片來源：鄺潔楹YouTube影片截圖）

鄺潔楹曾為融入鬼妹去曬燈努力減走30磅

鄺潔楹指當年體重比現在重30磅：「其實任何人瘦30磅都會有被人覺得整過嘅錯覺﹗」鄺潔楹高中時化濃妝，所以有啲鬼鬼哋，她指：「讀高中時得我一個亞洲人，我為咗融入大家，打扮都同鬼妹好似，出一出街都要畫上下黑眼線，仲會同佢哋一齊去曬燈﹗」

鄺潔楹時裝界鄺潔楹指會同鬼妹同學一起去曬燈令自己膚色變健康，佢話：「我呢個look好煞食㗎，好多鬼仔鍾意我呢個type㗎﹗ — 鄺潔楹指會同鬼妹同學一起去曬燈令自己膚色變健康，佢話：「我呢個look好煞食㗎，好多鬼仔鍾意我呢個type㗎﹗」（圖片來源：鄺潔楹YouTube截圖）

鄺潔楹親解大學變靚因為有亞洲人同學

鄺潔楹高中後到西雅圖讀大學，開始接解觸到亞洲同學，她才開始追求亞洲人靚的標準：「其實高中時我知自己脹咗，食得係過份咗，不過嗰時啲同學話我有啲肉會好睇啲，直至大學接觸番亞洲人開始瘦番啲，不過啲打扮都仲係…哈哈哈﹗」其後她在影片中展示21歲時大學畢業時的相片，她指身型及打扮都亞洲風格，體重大約一百磅﹗笑自己化一字眉妝好古怪，不過她的豬膽鼻的確開始逐漸消失。