重案解密｜張文慈拍保鮮紙包頭險窒息！親述恐怖一刻 爆同張國強真打
廣告
近日《重案解密》一幕張文慈被張國強（KK）用保鮮紙包全身的畫面極度逼真，引發網民熱議！鏡頭下張文慈更一度出現窒息感，場面驚險萬分，她事後坦言拍攝前非常害怕，究竟拍攝時發生了甚麼驚心動魄的時刻？
保鮮紙包頭險窒息 張文慈堅持補拍
劇中張文慈飾演患有躁鬱症的妻子，與KK張國強有多場激烈對手戲，其中一幕她被KK用保鮮紙包勻全身的畫面，更是極度逼真得令人心寒！早前劇組在社交平台分享該幕的花絮片段，已引起網民極大迴響。鏡頭捕捉到張文慈在險些窒息的情況下仍堅持演出，為了呈現最佳效果，劇組更進行了兩、三次補拍，即使拍到筋疲力竭，張文慈仍敬業地向工作人員表示「冇事」，專業精神讓網民大讚。
張文慈親解驚險一刻：「真係有啲驚」
張文慈事後接受訪問時，坦言拍攝該場戲前感到害怕，憶述當時情況仍心有餘悸。她透露雖然拍攝時真的有抖不到氣的感覺，但幸好對手KK和劇組都非常照顧她：「拍之前真係有啲驚，但一埋位唔理咁多。我好相信 KK，佢好照顧我，拍咗兩、三個 take 就得。」她更自爆與KK為了追求真實感，多場戲都是出盡全力「真打」，完全沒有留力：「KK 係好對手，我哋兩個為咗演戲都好狠，為咗效果好，我哋係真打，打完真係好痛，哈哈！」
為角色豁出去 張文慈懶理變醜
談到今次扮演情緒失控的躁鬱症妻子，張文慈笑言早已豁出去，懶理樣貌變醜。她直言：「我拍嗰陣豁咗出去，都冇理個樣靚唔靚，出嚟好猙獰，有粉絲同我講話睇到後面先認到我。」她坦言只要角色有發揮空間，無論是多難演、多變態的角色都願意挑戰。對於今次角色引起極大迴響，張文慈感到非常開心，更乘機向監製招手：「好耐冇做過咁壞嘅角色，都有一段時間冇拍劇，希望多啲人搵我，我唔介意演更變態嘅角色。」
網民激讚專業：「睇到都覺得窒息」
該幕花絮影片曝光後，大批網民湧入留言，一面倒激讚張文慈的專業精神。不少人表示單看畫面已感到心寒，紛紛留言：「睇到都覺得窒息，演員真係唔易做！」、「Pinky真係好敬業，為咗效果可以去到咁盡！」、「呢啲先叫專業演員，唔係靠樣㗎！」、「KK同張文慈都好好戲，呢場戲張力十足！」更有網民表示：「睇花絮緊張過睇正片，辛苦晒所有工作人員同演員。」
圖片來源：TVB資料或影片來源：原文刊於新假期
