霍哥上拳擊擂台對戰周永恆！ 鍾培生出1000萬再搞拳賽 網民最想睇一個人

鍾培生請霍哥同周永恆打拳擊擂台戰

近年醉心搞拳賽的鍾培生，在上次在台北《The Cage 拳上2023 終於之戰》曾揚言不再上擂台參賽，但會繼續籌辦拳賽活動，並且會拿一千萬港幣在香港推廣拳擊運動。近日就有消息傳出鍾培生將會舉辦拳賽《培生擂台無敵盃2023》，並且已經成功請到近期話題多多的前微辣成員霍哥同周永恆出賽對打。據知今次拳賽並未有設定參加門檻，招募全港素人上台比賽。

霍哥周永恆記招上大打出手：

兩人將會打75KG級別的賽事，霍哥表示現正積極備戰中，88KG的他這一刻最重要的目標就是減磅：「我要跌30磅同阿周先生打，所以我希望周先生可以真真正正練到，唔好好似上次Steven（張致恆）咁被人打就算，希望周先生真係練到嘢，唔好我跌咗落嚟30磅喇，跟住頭2 round就搞掂，咁就唔好睇！」他又表示放馬過來，完全不怕流血：「鍾生話流血吖嘛，流吖！」

周永恆叫霍哥做「霍仔」

記者會上，周永恆一開口即瘋狂向霍哥挑機，更帶有恥笑的語氣：「你要減30磅？我要加5磅啊，你要攰少少，你都要加油！」周永恆近年曾因多次打女人而鬧上法庭，他在記者會上亦不忘「自抽」：

「我經常都會有啲唔合法嘅情緒發洩，好多謝今次畀呢個擂台我，簽咗份約可以好合法咁去情緒發洩，阿霍仔你就小心啲喇喎，我好鍾意打交㗎，流血就一定㗎喇！」

周永恆自抽「專打女人」

霍哥隨即不示弱：「我睇新聞都見到你好多打人嗰啲，但唔係打男人！」周永恆即被挑釁成功：「我唔係打男人㗎，我專打女人㗎嘛係咪啊？」周永恆又不斷叫霍哥小心點，表示從曾在霍哥拳賽上做拳證的人口中得知，霍哥於第一回合已經「擘口」，並表示「我驚你第2 round已經抖唔到氣，你小心喇下！」現場亦接受記者提問，周永恆被問到，曾經做腦部手術切除腫瘤的他會否擔心有生命危險：「依家OK，多謝大家嘅擔心。」鍾培生表示2人有提交健康申報，而且亦已通過，兼且比賽時亦有專業的醫療團隊。相信不會有大問題。被問及兩人有沒有目標想用多少時間來KO對方，大家都表示盼能一回合內就勝出。

周永恆「爛仔格」盡現互打30秒

記者會尾聲，霍哥與周永恆在對峙環節中讓在場記者影相，周永恆即「爛仔格」盡現一邊伸脷一邊向霍哥挑釁，霍哥即怒啤對方，周永恆突然伸手大力推對方，霍哥馬上怒摑周永恆，未幾2人扭作一團，要鍾培生在中間調停，但2人仍然未肯投降，在地上繼續打個夠，後來2人才一同站起來，握手言和。

霍哥首次公開回應微辣事件

另外，早前微辣因為前經理人阿晶（Jane）離世而引起滿城風雨，霍哥在記者會上亦被問到，事件會唔會有少少影響打拳擊在的心理狀態，他大方回應「 點都會有少少」，再有記者追問如果加蔥做他對手他會不會接受，霍哥即笑容滿面說：「我OK，邊個做我對手都無任歡迎！」 不過被問及關於微辣運作上的問題，霍哥即割席：「呢樣嘢佢哋會自己宣布，始終因為我已經離開咗，佢哋開咗咩會、會發佈啲咩，我就唔係太清楚佢哋會點做，你等遲啲佢哋有咩發布再留意，我都留意緊。（會唔會覺得可惜？） 點都會有啲，始終咁多年。」

鍾培生講明會有血流

今次安排兩人拳賽，據悉酬勞不錯，有指周永恒收5位數字酬勞，霍哥就收6位數。鍾培生回覆傳媒指，提到二人都是受爭議人物，又稱有些人好不喜歡他，有些人看不過眼。他補充，二人磅數差不多，相信大家都見到他們努力、至於他們實力會如何，鍾培生指：「總之會有血流！」

網民建議拳手換人：搵加蔥啦

今次鍾培生邀請兩位話題王霍哥同周永恆參賽，未開記招已經引起網民高度關注。不過不少網民都表示霍哥同周永恆大纜都扯唔埋，建議將參賽者換成近期人氣跌至谷底的加蔥同六豪子：「霍轉加蔥啦」、「幾個大纜都扯唔埋嘅」、「如果有六豪子 炒到十萬張飛都得」等。

霍哥曾代表澳門業餘拳手出賽

霍哥一直有打開拳，早起在個人Youtube頻道中亦經常上傳打拳短片，2017年更曾經參加過於澳門舉辦的《澳門英雄匯-世界格鬥王者爭霸賽》，當時剛學泰拳半年嘅霍哥就以澳門業餘拳手身份上擂台參加表演賽，最後差3分輸給香港選手林皓皓。

霍哥離開微辣｜她對我的恩，我當然記得

霍哥於阿晶離世後，在7月27日於IG限時動態以黑底白字透露心聲：「收到很多訊息，但現在著眼點不應在於我，死者為大，讓家屬先好好處理後事，我的事，容後再說。」又感觸表示：「她對我的恩，我當然記得。」

霍哥宣布已離開微辣

而昨天（30日）霍哥在TG Fans群留言表示正式離開微辣，他說：「係（喺）度同大家宣布一件事 我已經正式離開微辣。一直以來感謝大家的幫助及支持。這段時間看到大家為這件事費心費神，真的十分抱歉。」

霍哥離開微辣｜默默刪除微辣相關資料

早前有眼尖的網民發現，霍哥已靜悄悄更改IG個人簡介，原本與微辣有關的工作聯絡及查詢電郵及IG亦已經被刪走，而他本來用作IG頭像的微辣10周年騷照片亦換成另一張霍哥的個人照片。

加蔥退出微辣｜強調當時二人經商量過後 決定唔要小朋友

加蔥亦在直播中再次強調他並沒有威逼阿晶進行墮胎，並澄清有關事件的時間線，重申他與阿晶之間並不存在第三者或者當時未分手已有異心之說法，加蔥指與阿晶是在2019年3月尾的時間左右知道有小朋友，4月份墮胎：「咁呢到講返，好多人講話我逼佢，我都講過好多次，我真係無逼到，成件事就係由有小朋友開始，我話可以生出嚟一齊養，無問題，到後面大家開始傾咗好多，慢慢傾下覺得好似真係唔咁適合，咁所以我就唔想要小朋友，咁最後係大家傾完決定唔要嘅，呢個係事實。」他理解很多人想為阿晶討回公道，不過也有很多人都是食花生，及亂帶風向，或是未了解成件事，他覺得有必要為自己澄清一下。之後加蔥為自己當日無陪阿晶去墮胎，而選擇到香港工作，加蔥承認做錯，而當日選擇缺席的理由亦無必要再提。

加蔥退出微辣｜1月已與阿晶分手 10月與儀仔一齊

加蔥澄清當時分手的時間線：「咁我同佢係2021年1月份分手，呢啲上網亦可以睇到，就唔存在第三者或者當時已經想追第二個。而我同儀仔係2021年10月份一齊，咁中間嘅長同短交畀你哋去決定啦。」加蔥最後指他所講的全部都有證據，大家上網都會睇到，他都澄清無必要講大話，反正他決定退出微辣。加蔥續說阿晶才剛剛離去，表示：「好多嘢要拎出嚟講都唔係依個時候，我同大家講對唔住、同阿晶講對唔住、同同事講對唔住，因為呢件事影響好多無辜嘅人，就係咁，再見大家！」