鍾麗緹

鍾麗緹22歲混血大女課餘愛拍片 母女合照儼如姊妹花

娛樂

廣告

曾被喻為一代性感女神的鍾麗緹,自從與年輕12歲的內地藝人張倫碩再婚後,經常高調放閃,近日二人上載甜蜜合照到社交平台,再成為了媒體焦點。除此之外,鍾麗緹與第一任丈夫誕下的22歲混血大女Yasmine盡得女神媽媽真傳,「鬼妹仔」外貌被不少網民讚好。

撰文、圖片:東方新地|編輯:YCL

鍾麗緹三段婚姻三個女 全跟繼父改姓張

曾經歷三段婚姻嘅鍾麗緹,與第一任比利時丈夫Glen Ross誕下混血大女Yasmine,之後與第二任台灣丈夫嚴錚再誕下二女Jaden及細女Cayla,至2017年嫁畀張倫碩後,鍾麗緹決定將三名女兒跟繼父改姓張,一家人亦相處融洽。

鍾麗緹
48歲鍾麗緹拍埋22歲囡囡Yasmine身邊,儼如 一對姊妹花。
鍾麗緹
一直跟著媽咪生活嘅Yasmine,最近亦改咗一個中文名叫張敏鈞,跟隨了繼父姓張。
鍾麗緹
三姊妹雖然係同母異父所生,而且大家姐比兩個妹妹大足十年有多,不過佢哋相處得非常融洽。
鍾麗緹
Yasmine遺傳咗媽咪嘅美人胚子,樣子非常標緻,同媽咪後生有得揮。

鍾麗緹22歲混血大女課餘愛拍片 有望入娛樂圈

轉眼間大女Yasmine已經 22歲長得亭亭玉立,鬼妹仔外貌仲似足媽媽,不單有精緻五官,仲有火辣身材,完全遺傳咗媽媽鍾麗緹嘅女神基因!據知Yasmine現正身處加拿大西門菲莎大學讀書,見佢平時都有同班同學拍吓短片,睇嚟好大機會步媽媽後塵進軍娛樂圈,不過以Yasmine嘅條件完全唔成問題啦!

鍾麗緹
Yasmine曾帶男友見媽媽及繼父,男友高大帥氣,二人相當合襯。
繼父張倫碩對三姊妹視如己出,一家生活幸福快樂。
繼父張倫碩對三姊妹視如己出,一家生活幸福快樂。
Yasmine同兩個繼妹Jaden (右)及Cayla經常攬頭攬頸,感情要好。
Yasmine同兩個繼妹Jaden (右)及Cayla經常攬頭攬頸,感情要好。

現年48歲的鍾麗緹在2016年下嫁比她小12歲的張倫碩,雖然姊弟戀一直未被外人看好,但夫妻二人依然愛得高調,鍾麗緹更曾揚言想替老公生BB!外界一直都盛傳張倫碩媽媽對鍾麗緹這個新抱十分滿意,但日前張媽媽上內地綜藝節目時,首度開腔大談新抱。

延伸閱讀:【好家教與身教】劉畊宏由反對舊衣物到支持 小泡芙開心著鍾麗緹囡囡二手衫

鍾麗緹22歲混血大女課餘愛拍片 母女合照儼如姊妹花

台灣藝人劉畊宏和王婉霏的女兒「小泡芙」劉宇芙,自從出演《爸爸去哪兒5》後,因為長相可愛,性格不但溫柔體貼又有耐性,成功俘擄眾多觀眾的歡心!最近劉畊宏在社交平台「小紅書」上分享了一條小泡芙的短片,她在影片中興奮地展示身上穿著的鍾麗緹女兒的二手紅色裙子,爸爸劉畊宏同時分享了自己和太太的育兒心得。