關心妍 搶獎

關心妍囡囡要求上紅館 卻因「搶獎」片段爆喊 重提「關家姐潮文」

娛樂

廣告

關心妍近日接受訪問,大談入行廿年高低起跌,提不及少尷尬事,大方重提2009年1月於《勁歌金曲頒獎典禮》的尷尬事,在關菊英手上「搶獎」的烏龍事件至今仍被重提,關心妍罕有透露5歲囡囡心心看到片段時喊得好淒涼﹗

關心妍廿年歷盡高低起跌:好瘀,但人生就係咁﹗

42歲關心妍在訪問中談及入行廿年,雖然經歷過不少低谷及風波,但自覺人生好滿足:「人生係應早啲經歷甜酸苦辣,我無悔,當中係好刺激、好難頂、好瘀,但人生就係咁,我依家40幾歲人生都開始倒數,唔可以再揮霍光陰﹗」關心妍表示樂意以自身經歷,跟大家分享,希望大家都能像她一樣走出困局﹗

關心妍 搶獎 關心妍 關心妍早前為演唱會拍攝海報﹗
42歲關心妍早前為演唱會拍攝海報﹗(圖片來源:相關機構)

入行廿年 感激三個人

關心妍入行廿年要感激三個人,包括媽媽、羅傑承同老公,佢話:「第一個當然係我媽咪,佢喺我面臨失業時冇收我家用,又給予好大支持﹗第二個係我第一位老闆羅傑承﹗第三個當然係陪伴我走過呢一切嘅老公啦,佢改變咗好多我對婚姻同愛嘅睇法,我以前冇父愛,唔明咩嘢係被愛,我要好強,因為由細訓練唔會有人喺身邊呵護我,老公對我嘅無微不至嘅愛令我可以小鳥依人,我先知道原來自己係女人,唔使死撐、逞強﹗」

5歲囡囡睇「搶獎」片段爆喊 關心妍趁機教女

關心妍在訪問中提到2008年在勁歌頒獎禮上在關菊英手上「搶獎」事件,場面尷尬,她透露最近女兒練習跳舞時看到當年「搶獎」片段,囡囡當場爆喊得好淒涼,不停問為何其他人要批評媽媽,關心妍話:「我安慰佢要堅強,堅強先至可以面對逆境,所以我依家唱歌就係要唱一啲有意思嘅歌,並唔係為咗攞獎。 至於我日後會唔會出席頒獎禮就留番畀公司去決定,我自己就暫時未有呢個諗法﹗」

關心妍 搶獎 關心妍 關家姐搶獎 關家姐搶獎真係令人一世難忘﹗
關家姐搶獎真係令人一世難忘﹗(圖片來源:新傳媒圖片)

囡囡要求上紅館表演

關心妍又指女兒心心好有表演慾,主動要求在6月演唱會上表演,她亦會實現囡囡夢想:「我揀咗首合唱歌《Smile》,係我陀住佢時送畀佢嘅歌曲﹗心心要求唱完打個側手翻,因為佢嘅志願係做體操運動員,所以鍾意打筋斗,佢到時仲會有一件釘晒石嘅晚裝,可能閃過我過﹗」

重提「關家姐事件」 關心妍:上帝知我冇做過﹗

在訪問中關心妍又提到另一風波,就是網上潮文「關家姐事件」,關心妍指外界信以為真,對她造成很大打擊同傷害,關心妍無奈表示:「當年人氣急升,鍾意你嘅人大有人在,但唔鍾意你嘅人亦好多,如果把關唔好,會好危險﹗當年突然有篇潮文話我去名店買衫,要人家封舖,店員唔肯,結果被炒。發文嘅人係店員嘅弟妹,直指我人格差。其實當時我忙到不得了,差啲連瞓覺嘅時間都冇,點會有時間去名店買衫?我嘅衫全部由設計師準備,依家我做咗人太太就有可能去Shopping。網民流傳咗十幾年,到依家邊個係家姐、邊個係細妹,邊間舖頭都冇人出嚟認﹗」

關心妍 搶獎 關心妍 趁第五波疫情緩和,闊別紅館十年的關心妍宣布於2022年6月4日及5日,於紅磡香港體育館舉行MaBelle Leo Diamond 呈獻 關心妍 Jade Kwan 約 20週年演唱會。
趁第五波疫情緩和,闊別紅館十年的關心妍宣布於2022年6月4日及5日,於紅磡香港體育館舉行MaBelle Leo Diamond 呈獻 關心妍 Jade Kwan 約 20週年演唱會。(圖片來源:相關機構)

關心妍指傳聞傳十多年,但她從來都沒有表示過自己其實是「受害人」,又透露當年曾想過報警,但覺得不會找到源頭又唔想再糾纏下去,就不了了之。關心妍又話:「估唔到到今日我再開演唱會又喺唔同網上再度流傳,所以我發覺啲人都幾堅持!不過我有信仰,上帝知道我冇做過就得喇。」

重溫關心妍搶關菊英獎座 無綫列「尷尬之最」

關家姐搶獎事件敢認第二,無人敢認第一,2008年《十大勁歌金曲頒獎典禮》關菊英宣布「傑出表現獎」時,見到得獎者是自己後,不好意思下推給司儀曾志偉講,當宣布得主是關菊英時,關心妍卻一支箭衝上台搶走關菊英手上的獎,全場目瞪口呆,後來才知擺烏龍,擁抱菊姐才返埋位,場面十級尷尬﹗

無負7年等待養出乖女 關心妍的「不強迫教育法」

提起關心妍,大家還會想起什麼?她攞過傑青?還是她足足等了7年才喜獲女兒?關心妍在迎接女兒楊榮心(心心)來到世上前,她試過無數的方法都未能成功懷孕。這個女兒可謂得來不易,是她等了7年的緣分。所以關心妍在教育方式上,她摒棄了傳統的權威式教法。她設計出一套5點「不強迫」教育法,可以和女兒開心相處之餘,不用大吵大罵亦能教出自動自覺的好女孩。 能夠不傷和氣,教出乖女的方法,爸媽不妨參詳!

https://www.youtube.com/watch?v=CVkula7IJPM

關鍵詞
關心妍
撰文:東方新地圖片來源:相關機構、東方新地