阮浩棕哽咽多謝哥哥無條件支持 重提孖嫲嫲梁舜燕拍劇最大得著

阮浩棕哽咽多謝哥哥無條件支持

阮浩棕透露，哥哥在他生活中扮演了極其重要的角色，尤其是在他早期的演藝生涯中。今年初阮浩棕於《萬千星輝頒獎典禮2024》中獲得了首個演藝獎項，哥哥嘅一個簡單動作讓他感動不已：「我記得我返到屋企第一眼見到阿哥嘅時候，佢衝埋嚟攬住我、 拍咗我一下，我覺得呢一下代表曬所有嘢。」此外，他還提到了曾經在經濟困難時向哥哥借錢的經歷，哥哥的大方和理解讓他感到非常愧疚：「之前喺內地最難捱嘅時候， 自己一個喺出邊生活，其實係我會問哥哥借錢，所以當我開始搵返一嚿錢返嚟嘅時候，我話我還返畀佢，但阿哥會話:『得啦！袋住先』，某程度我覺得係好愧疚。」

網民大讚阮浩棕兄弟情深

節目播出後，許多網民在社交媒體上留言表示感動，更大讚2人嘅深厚情感。：「有呢啲阿哥真係幾生修到」、「日後加倍努力回報你哥哥」、「有緣才能夠成為一家人！」

阮浩棕在接受訪問時也表達了對網民留言的感激：「佢哋話我有呢個哥哥好幸運同幸福，我都好認同 ，我同哥哥關係好好， 大家唔只係親兄弟，亦都係好好嘅朋友。」他強調，無論是生活還是工作中的重大決定，他都會徵求哥哥的意見，這次透過節目向哥哥表達了深深的謝意。

阮浩棕重提嫲嫲梁舜燕「上等人」稱號

另外，在節目中阮浩棕提到因為嫲嫲梁舜燕在《真情》中飾演「上等人」，因此自己也被稱作「上等人個孫」，令大家一直認為他的身世富裕。阮浩棕澄清其實自己家世普通，年幼時父親已長期不在港工作，所以哥哥有一種「長兄為父」的感覺，更是他的榜樣：「因為我爸爸喺我好細個嘅時候已經長期唔喺香港，哥哥係我細個時候爸爸嘅 icon嚟。我阿媽鬧我，我阿哥係會話番佢轉頭。」

此外，阮浩棕仲提及唯一一部與嫲嫲梁舜燕合作嘅劇集《EU超時任務》，並直言雖然合作好短，但就在嫲嫲身上學會唔少待人處事嘅方式，更表示：「就算幾困難，都有種好親切同好平靜嘅感覺包圍住我。」