陳奕迅演唱會除夕倒數8,000人大合唱！送上2023祝福、首度國語歌Encore

陳奕迅紅館演唱會 除夕跨年倒數現場直擊

12月31日晚上的《Fear and Dreams演唱會》在晚上9:30才開騷，主打演出歌單與之前17場一樣都係以《Fear and Dreams演唱會》概念式主題，直至11點50分倒數一刻，演唱會來到每晚「傾偈環節」，Eason先完成BoxingDay開始每晚的「分段式清唱《浮誇》」環節，然後時間來到凌晨，他率領一班舞蹈員跟大家一齊倒數，卻因為太喜歡講嘢，驚覺倒數時間只剩七秒！

8.000觀眾同場倒數講願望！

最後陳奕迅同現場8,000觀眾一齊倒數，迎接新年，祝福大家新一年「心記得要開 、個心最緊要鬚啲」！完成倒數後演唱會還未到Encore環節，緊接與一班 Dancers 上演了演唱會的壓軸串燒歌曲環節，連環跳唱出《隨意門》、《第五個現代化》、《放》、《笑死朕》、《打得火熱》、《重口味》等快歌！

陳奕迅演唱會2023宣布加場｜

陳奕迅演唱會在2023日元旦日宣布加場！《FEAR AND DREAMS》在12月31日進行跨年倒數，全場8,000人大合唱，翌日大會在2023元旦日宣布加開1月10、11 兩場！1月5日（星期四）上午10時，門票公開發售！其實陳奕迅演唱會2022開始以來，每晚Encore環節也是跟著他出道年份選歌，出道27年的他，加場之後，剛好開足27場，完滿了Encore Playlist。

陳奕迅演唱會2023 加開兩場：

陳奕迅FEAR AND DREAMS 香港演唱會 宣布終極加開1月10、11日！把握最後機會！！

陳奕迅《Fear and Dreams演唱會》Encore 歌單｜《Fear and Dreams演唱會》每晚到最後都會有唔同嘅Encore曲目，驚喜之處係演出每每超水準，重回當年初出道的「靚聲」！Eason團隊早就透露，原來每晚選曲次序係按出道年份選取Eason最喜愛歌曲！Encore歌單及片段放上官方youtube，每晚更新的encore片段加起來已有超過20首金曲！

凌晨Encore 演唱《床頭床尾》除夕倒數 & 《歲月如歌》

來自專輯：《The Key》（2013 年）

首度以半首國語作品Encore

今次演唱會頭17場都係全數獻唱廣東歌，為迎接2023年新開始，Eason在紅館送上一首2003年的經典作品，今次仲唱了兩個版本，佢話有信心無論邊種語言大家都會鍾意呢首歌！

陳奕迅拒絕幫觀眾簽CD 揚言唱到2024

愛好即興心情的陳奕迅，演出期間第9場演出曾幫觀眾簽CD，見到觀眾熱烈反應不停跑來跑去，又叫全場觀眾一起起身跳舞及大合唱。不過自從即興為歌迷於台上簽了CD，之後也有觀眾不停拿著他的專輯揮動叫他簽名，Eason坦言他不能再接 CD簽名，因為上次已被老婆扭耳仔：

「你知我好率性而為，但上次簽咗之後，已經比老婆話(做了一個扭耳仔動作)，不如你帶住喺街啦，2024年或者應該可以，我應該未退休…我成晚見到你好投入係到搖，我入晒心㗎啦，我記得你㗎。」

陳奕迅即場挑戰下肢挺舉捲腹

期間有觀眾大叫他除衫，Eason反問：「下？乜依家重興呢樣嘢咩？唔係唔係興著衫咩？」然後觀眾們讚他瘦了又大隻左，陳奕迅大笑說：「我邊大隻啊？我係瘦咗少少，自然咁瘦啦。 」說完後即場坐在地上表演Leg Raise crunch（下肢挺舉捲腹） ，「你日日試下，平時坐係廳睇電視咁…」

接著他hold住這個難度動作，邊講邊笑說：「有冇人比本雜誌我….哈哈。」總共hold了1分06秒之後才站立起身，全場期間不斷歡呼拍掌大叫「好勁呀你！」Eason起身後，他立即狂笑及大叫，「哈哈，好攰呀，救命…死啦，我唔應該咁，依家好實（下腹）有冇人識按摩…哈哈。」