陳小春曝光應采兒產房生B過程 手術鉗染血畫面照拍 賺人仔去到盡
廣告
陳小春、應采兒已經是內地真人騷常客，兩度帶同萌爆兒子Jasper在內地拍攝內地真人騷《爸爸去哪兒》，被指成功賺走一間豪宅。近日小春又有真人騷《新生日記2》在內地開播，日前預告片流出，小春為賺人仔去到盡，曝光老婆應采兒入產房生B過程，只見半身麻醉的應采兒，緊張到露出痛苦表情，就連醫生專用的手術用具染血畫面亦曝光，小春夫婦敬業精神，真係唔到你唔服！
撰文：東方新地 圖片：《新生日記2》片段截圖、藝人社交網
陳小春夫婦為吸金去到盡
陳小春夫婦近年不停返國內吸金，17年小春帶同大仔Jasper，在內地拍攝真人騷《爸爸去哪兒5》爆紅人氣急升，賺人仔賺到笑，原來，今年五月底再做人母的應采兒，早在陀住細仔HoHo約34週，還舟車勞頓返內地進行拍攝工作，主打以懷孕夫婦生活日常做題材的《新生日記2》，今次小春一家總動員出動賺錢，出名有性格的小春，今次更放下私隱， 日前一集預告片流出，可見他曝光老婆應采兒入產房生細仔HoHo過程。
陳小春緊握應采兒手叫老婆不用怕
陳小春緊握應采兒隻手，叫老婆不用怕，之後大喊「加油」，由於應采兒是半身麻醉關係，手術過程仍清醒，她更說：「能感覺到有人在搞你！」只見她生B一刻，亦由淡定表情至露出緊張痛苦表情，預告片更連醫生用手術鉗時的染血畫面亦曝光，又有大堆手術用具，睇見都令人嘩然！小春夫婦果然敬業！
其實大仔Jasper 只得四歲已經識賺人仔，今次細仔HoHo更巴弊，在媽咪個肚已經識賺錢，小春夫婦有兩個咁本事的兒子，真係令人羨慕，未知細仔HoHo長大成人，睇返呢集《新生日記2》，唔知有乜感想！
