陳智燊

陳智燊 宋熙年夫妻拍住上 甩TVB搵食有計月賺60萬

娛樂

廣告

近年唔少藝人拒續約無綫離巢往外闖,個個都話轉型做自由身KOL,不過成功例子寥寥可數,好似陳智燊(Jason)同宋熙年兩公婆閒閒哋一個月搵到六十萬嘅,萬中無一。轉型轉得咁成功其實不無原因,除咗因為兩公婆形象正面討好,大受客戶網友歡迎以外,都多得佢兩個夫唱婦隨合作無間。最近無線兩線劇集離奇看到兩夫婦身影,皆因《非凡三俠》是宋熙年去年加盟邵氏參與的劇集,而《堅離地愛堅離地》是2017年拍落未播的倉底劇,亦是陳智燊的在無綫的告別作。

撰文、圖片:《非凡三俠》截圖、《堅離地愛堅離地》截圖、東方新地

陳智燊告別作首播 宋熙年客串演張智霖前妻

最近無線兩線劇集皆見陳氏兩夫婦的身影,當中男方有份做男主角的《堅離地愛堅離地》屬於2017年拍攝的劇集。原定2019年5月於無線首播,但撞正4月爆出的「安心偷食」事件,黃心穎有份參與的劇集全部無限期停播。《堅離地愛堅離地》除了是陳智燊的告別作,亦是黃心穎現存最後一套作品。

劇中陳智燊與龔嘉欣合作,成立初創公司。
劇中陳智燊與龔嘉欣合作,成立初創公司。
劇中劉佩玥為陳智燊女友。
劇中劉佩玥為陳智燊女友。
黃心穎於劇中身份多多,形象亦多變,除咗係KOL仲做埋兼職女友又去女僕cafe返工。
黃心穎於劇中身份多多,形象亦多變,除咗係KOL仲做埋兼職女友又去女僕cafe返工。

至於宋熙年有份參演的劇集為《非凡三俠》,劇中宋熙年飾演張智霖前妻。此劇陣容吸引,除了有久未露面的張智霖,成功由𡃁模轉型演員的周秀娜,更罕見地有陳豪王浩信以非主角角色參與的劇集。陳智燊宋熙年所有劇集存貨都已經開播,暫時亦未知二人將來會否再參與任何劇集拍攝。

劇中張智霖再遇其前妻宋熙年。
劇中張智霖再遇其前妻宋熙年。
劇中宋熙年通知張智霖自己將會再婚。
劇中宋熙年通知張智霖自己將會再婚。
張智霖得知消息後百感交集,更飲醉酒被捕。
張智霖得知消息後百感交集,更飲醉酒被捕。

陳智燊宋熙年夫妻拍住上 轉做KOL月賺60萬

兩公婆離巢後,轉戰KOL工作,就講兩公婆現場示範一條龍客戶特約短片誕生過程。兩公婆早前現身圓方商場,宋熙年扮到靚一靚化埋全妝,陳智燊亦都執得好正手持專業靚cam一部。宋熙年入去護膚化妝品專門店擺pose介紹最新出品,陳智燊就全程舉機跟住拍。邊行邊影,開箱、試用、大頭、全景樣樣影齊,最後再補多個兩公婆自拍做ending。二人合作默契十足,Jason表情認真手勢好似攝影大師一樣,最獨家嗰樣係一條片嘅誕生背後源於兩公婆夫唱婦隨夠恩愛,真係抵佢哋兩個咁成功!

係咩驅使陳智燊同宋熙年放低寶貝仔 Damon 在家現身商場?之唔係兩公婆有任務在身去拍片囉。
係咩驅使陳智燊同宋熙年放低寶貝仔 Damon 在家現身商場?之唔係兩公婆有任務在身去拍片囉。
兩公婆目標清晰明確,一入商場直入一間專門店,宋熙年手持新貨擺個靚pose,陳智燊就揸機拍攝。
兩公婆目標清晰明確,一入商場直入一間專門店,宋熙年手持新貨擺個靚pose,陳智燊就揸機拍攝。
兩公婆各司其職合作無間,太太介紹化妝品有一手,Jason就不停換角度又大頭又高抄。
兩公婆各司其職合作無間,太太介紹化妝品有一手,Jason就不停換角度又大頭又高抄。
影晒 product shot 都未完成工作㗎,二人最大賣點係同聲同氣又恩愛,所以臨走前再夫唱婦隨補多個 selfie 介紹產品。
影晒 product shot 都未完成工作㗎,二人最大賣點係同聲同氣又恩愛,所以臨走前再夫唱婦隨補多個 selfie 介紹產品。
拍條短片要助手跟身又帶備兩大箱器材,非常認真。
拍條短片要助手跟身又帶備兩大箱器材,非常認真。
疫情關係近日夫妻二人減少開工,直接導致造人成功,上周兩公婆同步喺 IG 宣布再次懷孕喜訊,囝囝 Damon 即將多個細佬或細妹。
疫情關係近日夫妻二人減少開工,直接導致造人成功,上周兩公婆同步喺 IG 宣布再次懷孕喜訊,囝囝 Damon 即將多個細佬或細妹。

陳智燊:「宋熙年係我人生大獎!」 大爆向老婆求婚過程

藝人陳智燊同老婆宋熙年婚後非常甜蜜,係圈中嘅模範夫妻。日前陳智燊接受電台錄音訪問時,當年為咗唔影響二人嘅事業,自爆同宋熙年玩足7年地下情,更分享向老婆求婚嘅過程,真係羨煞旁人!

地下情7年 終開花結果

陳智燊喺接受商業一台訪問時表示,當年同宋熙年一齊主持《娛樂新聞台》而認識,互相深入了解幾年後先正式開始拍拖。陳智燊指當時自己係一個好小心、好慢熱嘅人,但宋熙年就剛好相反,經常「bilibala」、好開朗,二人形成一個強烈對比,可能就係一凹一凸,令佢哋一拍即合!

陳智燊宋熙年夫妻拍住上 甩TVB搵食有計月賺60萬

同宋熙年拍拖9年,其中有7年係地下情,陳智燊喺節目坦言當時要同宋熙年扮唔識:「唔可以拖手、唔可以傾偈,大家要扮普通朋友。都唔算辛苦只係經常有好多無聊嘅戲要演,好似喺公司一齊開會,或者同同事食飯,會故意坐開啲,扮陌生咁打招呼。」

陳智燊宋熙年夫妻拍住上 甩TVB搵食有計月賺60萬

宋爸爸60大壽當日求婚

拍拖9年,係時候要考慮一下人生大事,陳智燊話求婚當時非常驚險,要特意向劇組請假,仲要喺一日之內來回香港同澳洲:「𠴱日我等佢做完節目之後,坐夜機返澳洲慶祝佢爸爸60大壽,我咪扮拍劇一早出門喺街度遊蕩,等佢出門口就即刻拎行李去機場。」行程雖然非常趕,但最後陳智燊都成功製造驚喜,抱得美人歸!

當年陳智燊用超大鑽戒同宋熙年求婚,過程原來超冧!
當年陳智燊用超大鑽戒同宋熙年求婚,過程原來超冧!

過往Jason曾多次表示入TVB最大的得著,就是認識到太太宋熙年,他指:「迎娶太太宋熙年,已是我人生的大獎。」,抱得美人歸,

陳智燊宋熙年夫妻拍住上 甩TVB搵食有計月賺60萬

希望生三個孩子

現年41歲嘅陳智燊同宋熙年結婚一年幾就造人成功,2018年9月就迎來佢哋第一個愛情結晶品Damon,之後再誕下幼子。陳智燊揚言希望生夠3個:「我想家庭熱鬧啲,始終我自己係四兄弟,成長環境就係打交、鬧交、爭嘢,幾開心嘅,如果可以俾個仔咁嘅環境,我覺得都會好幸福。」

陳智燊宋熙年夫妻拍住上 甩TVB搵食有計月賺60萬