陳豪

49歲陳豪疫市繼續開工 回應追生第4個小朋友:「都係多雙筷子啫!」

娛樂

廣告

藝人陳豪陳茵媺(Aimee)結婚7年,育有2子1女,一家五口一直都畀網民熱捧。日前陳豪出席《東張西望》「 15周年邁向4,000集」活動,回顧當年為拍《金枝慾孽》剃光頭髮造型,他表示自己「不斷向前行,好少儲起訪問嘅片、報道同相。」,又被問到會否再追多個小朋友,他笑言:「隨緣啦,都係多雙筷子啫,不過追到個女已經好美滿!」

原文刊於:東方新地

陳豪回顧當年光頭造型追多個都無問題

陳豪胡定欣黎耀祥早前與《 東張西望 》台前幕後員工切蛋糕慶祝節目 踏入15周年並邁向4,000集,陳豪表示翻看自己以前片段,有剃光頭等不同髮型,感覺像歷史見證,他說:「 做呢行嘅生活都係不斷向前行,所以我好少儲起訪問嘅片、報道同相。」

陳豪
陳豪、胡定欣、黎耀祥早前與《 東張西望 》台前幕後員工切蛋糕慶祝節目 踏入15周年並邁向4,000集
陳豪
陳豪當年的光頭造型,大家又覺得如何?
陳豪
陳豪指目前環球經濟不太理想,所以想先集中火力照顧好三個小朋友的成長,但又表示一切皆有可能:「 多啲嚟密啲手,難唔到我嘅!」
陳豪
胡定欣自爆數月前榮升大姑媽:「我細佬生咗BB,呢段時間我見證住佢嘅成長,雖然我本身都好鍾意小朋友,但親身體驗過幫手餵夜奶之後,發覺湊BB真係唔容易。」
陳豪
黎耀祥孖陳豪主演的新劇《殺手》即將開播,他直言不信劇中拍檔李佳芯戲份被刪減:「電視劇好難刪減,而且我知道公司高層好鍾意呢齣劇,所以先會一直想揀個好檔期播出。」

疫市停工照袋千萬 獨養一家九口無難度

新冠肺炎疫情來勢洶洶,幾乎推冧全球經濟,香港娛樂圈亦被打擊得體無完膚,不少藝人冇工開幾個月,要勒緊褲頭慳住使,相比同業,無綫藝人繼續有劇拍,未至手停口停,不過冇晒賺外快機會,個個亦叫苦連天,但當中仍有另類例子。近日趕拍劇集《陀槍師姐2020》的陳豪,就成疫市奇「爸」,令一班無綫藝人羨慕不已!

陳豪
一人賺錢獨養九口之家的陳豪,有萬能老婆持家,可以安心工作,日前趁住母親節,他就聯同三個仔女幫老婆慶祝,一家五口幸福到爆!

陳豪疫市繼續有工開做足防疫措施

自今年初新冠肺炎殺入香港,各行各業都步入寒冬,電影同演唱會全面叫停,不少藝人同幕後收入同樣大幅下瀉,要攜手共渡難關,幸好,電視業務稍有運行,無綫連月來就繼續開劇,一班藝人可以繼續有工開。正在趕拍《陀槍師姐2020》的陳豪,在疫情開工拍劇的他亦緊張做足防疫措施,戴口罩雙重保護,在口罩內攝多層紙巾,每拍完一個鏡頭,都緊張戴回口罩,又不停用搓手液搓手相當緊張,慎防有機會把病菌帶返屋企。

陳豪
新冠肺炎疫情影響下,無綫近月拍劇亦減少出外景,原本六月煞科的劇集《陀槍師姐2020,亦要延期至八月才拍竣。
陳豪
屋企有大有細的陳豪,拍劇亦非常緊張防疫,一停機就會即刻戴回口罩,又搓手液、消毒用品時刻跟身。

簽包薪經理人約 停工繼續每月出幾十萬糧

早前政府頒下「限聚令」,開有咖啡店的陳豪,生意雖受影響,但絕世好老
公兼好爸爸,就得上天眷顧成為逆市奇「爸」,商業演出減少卻繼續有錢落
袋,與陳豪同拍《陀槍師姐2020》的一班演員如羅仲謙、宣萱、洪永城及鄧佩儀等,就對繼續有高收入的「疫市奇爸」陳豪表現羨慕。據知情者透露:「拍劇開工時間長,大家停機都會圍埋傾偈,成班工作人員都好羨慕阿Mo(陳豪),因為呢排商業活動停晒,大家冇晒搵外快機會,傾開先知阿Mo係無綫最高薪藝人,就算佢拍咗嘅兩套劇,《殺手》同《愛美麗狂想曲》仲未出街,佢都唔使擔心,因為佢簽嘅係包薪經理人約,就算冇工開,一樣個個月出幾十萬糧,相比要靠外快增加收入嘅藝人,真係同人唔同命,大家又點會唔羨慕佢!」

陳豪
無綫旗下藝人,分為包薪經理人約,藝員合約及部頭合約,包薪經理人合約以每月底薪計算,新人由幾千元起跳,工作愈多,賺到超額會有錢分。
陳豪
而多年來穩守無綫金蛋王的陳豪,一直深受客戶歡迎,廣告多不勝數,19年續約就年袋千萬。

為家人拒絕向外闖 獨養一家九口無難度

18年底盛傳古天樂與蕭定一分別向陳豪招手,不過,獨力擔起頭家的他,家庭開支不少,為求穩陣就放棄外闖機會,寧願留在無綫穩紮穩打,有指成功以3,000萬同無綫續約。據知情人士透露:「阿Mo形象好,又畀人時尚有品味感覺,咁多年嚟都係廣告客嘅寵兒,有時一星期都出幾個活動,好多唔同層面嘅廣告又畀佢擸晒,為咗留住呢隻金蛋王,無綫都計晒數,阿Mo喺正黃金時間續約,佢咁搵到,當時經濟又好,薪酬特別高,只係佢續約半年左右,香港就遇上政治風波,加上呢幾個月新冠肺炎肆虐,唔止香港,外地同內地啲工作都停晒,咁嘅時勢,佢冇受影響真係行運。」

陳豪
買完嘢,陳豪負責畀錢兼攞嘢,不用媽咪操勞。
陳豪
母子一齊行去停車場攞車,教出個「好好先生」乖仔的陳媽媽,同陳豪一樣咁平易近人。
陳豪
落到停車場,陳豪緊張伸手扶住媽咪,非常貼心。