隱形戰隊｜劉穎鏇比堅尼上陣大騷fit爆身段！與劉佩玥齊齊現身泳池派對
隱形戰隊｜劉穎鏇 劉佩玥 著泳衣色誘二世祖
即將在明年開播的無綫劇《隱形戰隊》，是《使徒行者》、《城寨英雄》監製文偉鴻作品，由唐詩詠、馬國明及陳山聰等主演，預計將拍到今年12月，當日外景戲的劇情講到為了搗破一班有錢二世祖的罪行，「隱形戰隊」派出了劉穎鏇（Tiffany）同劉佩玥（Moon）潛入去色誘他們，馬國明和陳山聰則負責保護兩人，在開拍前，著住三點式泳衣的劉穎鏇先擺出各種pose給探班的記者們影相，更落水扮演「出水芙蓉」，大騷她結實的腹肌和修長的美腿。
隱形戰隊｜劉穎鏇操肌操足大半年
陳山聰透露劉穎鏇為了這場戲操了大半年，成功操出超勁腹肌，不過劉穎鏇就自言努力操腹肌不止是為了這場戲，而是為了成套劇，最大目標是希望能給觀眾第二種感覺，讓大家看到她有返啲線條和muscle。她又提到這日要朝早7點幾鐘開工，著上泳衣後她feel到氣溫超凍，又無太陽和好大風，令成個人變咗雪條一樣，落水後更有沖緊凍水涼的感覺，她直言：「我重複做落水嘅動作超過20次，凍到我個人係冇晒知覺，成個人係震晒！」
隱形戰隊｜大量肉搏＋槍戰戲 劉穎鏇隊中唯一要著小背心
《隱形戰隊》和《超能使者》最大的分別，相信是《隱形戰隊》劇情主要講反恐部隊，比《超能使者》多了不少槍戰戲，唐詩詠亦透露過劇中有非常多的打鬥場面。
隱形戰隊｜劉佩玥食極唔肥
劉佩玥就被指拍劇時不但無操肌，仲經常掛住食嘢，她亦直認自己食得好勁，仲話自己晏晝食埋陳山聰個飯盒和劉穎鏇的蕃薯、菜等等，並得戚地打側身騷腰，話自己食咗咁多都唔係好肥，令劉穎鏇大嗌羨慕。劉佩玥又指同劇的劉穎鏇、陳山聰、林子善、唐詩詠、江美儀甚至監製Jazz（文偉鴻）都好努力操Fit自己、鍛練身體，令她都受到啟發，的起心肝有做少少運動，可以令自己體形更靚之餘，氣色也更好、更健康。
2016年港姐亞軍｜劉穎鏇迷倒觀眾
身高174cm的劉穎鏇在《3日2夜》與江嘉敏帶大家遊歷土耳其伊斯坦堡。節目中大家除了欣賞土耳其的特色景點之外，當然少不了留意兩位女神的互動！Tiffany在鏡頭前可愛真摯不造作，成功攻陷一班觀眾！
雖然冇以往大家最期待的浸溫泉環節，但Tiffany同江嘉敏去了享受土耳其浴，非常吸睛。靚女浸浴喎，一定好好睇啦！
劉穎鏇於1997年出生，喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項，擁有青春無敵的甜美外貌加上174cm模特兒身材，兼有豐滿上圍，外在條件無得輸！當年都有唔少觀眾話佢比馮盈盈更值得攞冠軍！
超能使者｜劉穎鏇「最強Body」參考深田恭子擺性感Pose
在上套劇《超能使者》中，「最強Body」劉穎鏇有一幕穿著比堅尼在沙灘上擺性感Pose甚有女神風範，但原來劉穎鏇雖然攞有模特兒身形，但閃在做出多個模特兒動作卻閃零天份，拍攝前更要專登找來日本女神深田恭子的寫真給劉穎鏇惡補。劉穎鏇笑說：「我覺得深田恭子好靚、係健康嘅Sexy，自己喺屋企試擺佢啲Pose時，我睇見自己都有啲怕醜。」
劉穎鏇被封「雨神」
性格保守的Tiffany坦言私下其實甚少性感打扮，故得悉要拍攝水著戲時也有點擔心：「我係缺少啲自信心，擔心各方面都達唔到大家要求。由於拍攝現場幕後人員唔少，初頭點都有啲怕醜，但拍咗大半日之後，加上大家都好保護我，好多動作都Make sure真係唔會走光至叫我做，令我愈拍愈放心。」
原來拍攝當日Tiffany一抵埗便落大雨，結果劇組要等足半小時才有工開，Jazz笑封Tiffany為「雨神」，並爆料指對方幾乎次次開工都落雨，Tiffany聞言「反擊」謂：「真係唔關我事，呢個係天氣問題，但我都唔介意大家開玩笑嘅。」
