霍哥與人妻傳緋聞後有新歡？四眼正妹Hayley背景曝光 曾爆被跟蹤恐怖經歷

霍哥Hayley合作拍片互動頻密引關注

霍哥與四眼正妹網紅Hayley近期頻頻合作拍片，兩人在鏡頭前的化學反應十分自然，互動親密程度令不少網民開始猜測兩人關係。今年5月，霍哥出席慈善活動時，被發現與戴著眼鏡、身材惹火的網紅Hayley 結伴同場，兩人全程互動親暱，一邊談笑一邊頻頻舉杯影相留念，毫不避嫌。細看雙方社交平台，亦可見不少合照與親密互動的片段，難怪外界都指霍哥感情世界相當精彩。即使事後他在雪兒的帖文下留言道歉，卻始終沒有正面回應二人是否情侶關係，彷彿仍想保持「無腳雀仔」身份，繼續自由來去。

Hayley爆料曾被瘋狂粉絲跟蹤恐怖經歷

四眼正妹網紅Hayley在IG有超高人氣，粉絲人數接近20萬，身材出眾，又出過寫真。除了同霍哥合作，亦曾試過搵蝦條哥操刀影水著相，福利勁高質！今年7月接受艾力的訪問中，Hayley首次公開分享自己如何踏入影寫真之路，透露兩三年前有一日在網上平台Carousell搵了一個攝影師，就開始影第一輯相。Hayley又指影相第一眼最在意係個樣，「構圖點靚都好，個樣唔得就唔要得」。

艾力問對方「自己有冇收過一啲IG DM？或者現實中男仔向你表白示愛好露骨？（訊息）」Hayley坦言：「都有嘅，但係唔會care，因為嗰啲都係隨口講，但我收到一個係我覺得有啲心動嘅，佢就係其實好無聊，佢就係叫我嫁俾佢，但係我冇聽過有人咁樣講過。」Hayley補充：「第一句DM已經咁講：please Mary me，但我覺得心動咗少少，因為中你冇聽過有人叫我嫁俾佢。」

另外，Hayley再分享一個被瘋狂粉絲跟蹤經歷：「試過港島返工嘅時候，朝九晚六，嗰個人撞到我喺地鐵站問『係咪我嚟？』之後我就應咗，之後每一朝都見到佢，迎面見到，但唔會有眼神接觸、唔會講嘢，之後就會DM返我話你『今日着粉紅色裙、白色衫好好睇』」Hayley又說就算自己去狗場做義工都會遇到對方，實在有點震驚！