飛虎3壯志英雄｜37歲傅嘉莉突破框框演奸角 結局周出賣老闆更兇狠！

傅嘉莉表面性感內裡兇殘

一襲吊帶紅色晚裝，傅嘉莉（飾JJ）性感現身已經搶盡眼球，作為新一代「御用邪花」，騷Quali色誘對要對手梁競徽（飾許森）當然係手到拿來！傅嘉莉在劇中飾演羅樂林（飾董啟超）的秘書，暗地裡卻執執行著槍擊、嚴刑迫供等任務，性格非常扭曲，及後大反派梁競徽的影響之下會有突破性發展，絕對可以話係傅嘉莉考牌之作！

傅嘉莉做打女受重傷

話晒都係考牌之作，傅嘉莉在劇中亦要應付不少動作場面，2020年劇集拍攝結局的打鬥時，中途更曾在一場槍擊戲時不慎從樓梯滑下，導致右邊肩膊拉傷，及後更在IG分享當傷勢：

「這一刻，我以為會甩骹，因為真的很痛，我眼淚立即流出來，但我立即抬頭，不容許自己流眼淚，因為不想弄花妝容要大家等待，攝影師和工作人員擔心我，叫我去檢查和休息，但我不斷說沒事，沒事，我可以的。」

除此之外，傅嘉莉亦吃盡苦頭，大腿部分曾一度慘被割傷，一班粉絲都表示心痛。

傅嘉莉落力谷戲

付出咗咁多努力，傅嘉莉都希望自己嘅演出有多啲人睇到，由劇集在內地優先播出至今，傅嘉莉都經常在社交網站上分享自己的生拍攝花絮，日前更將一段收金錄自己「兇殘」樣的片段分享至IG，並寫道：「好開心《飛虎3之壯志英雄》，能夠得到很多觀眾的喜愛，這是做演員的我最開心的生日禮物，我會不忘初心繼續做好每一個角色，繼續努力做更好的傅嘉莉。」

傅嘉莉唔靠「Sugar Daddy」 回歸貼地生活

講開又講，早年身邊梗有個富豪級已婚大叔、收入又同支出疑似不成正比，坐頭等住豪宅出入有私人司機保母車侍候，近年專心拍劇嘅傅嘉莉確係勤力咗、生活貼地咗。繼早前被拍到幫襯平民實惠家品店自己砌櫃後，日前收工都唔見有靚車接送，反而用Apps call平民車離開喎。呢啲平民生活一般藝員仔慣用代步方法，唔知Kelly又慣唔慣呢？