破毒強人｜36歲馬貫東入行17年曽冇錢開飯一個麵包食兩餐

Aug 26 2023

馬貫東在劇集《破毒強人》憑杜飛一角跑出，自劇集播出後累積不少正評的馬貫東（Mark），角色一死即引爆網民不捨留言：「下一套劇不要這麼快死」，並旋風式吸納好評，還有網民力推他今年榮膺「男飛躍」／「最佳男配角」獎項殊榮。

馬貫東演《破毒》招牌黑色皮褸「百感交集」

談到杜飛Ending戲，Mark笑指場口是「負面情緒大雜燴」：「點解一個咁信任你嘅人，你要佢咁樣為你犠牲？嗰種被背叛嘅感覺真係直插心臟…呢個場口嘅情緒係全套劇入面最豐富嘅，仇恨、無奈、悲傷、絕望，所有負面形容詞一次過喺嗰幕呈現出嚟。杜飛可以為咗文華不惜一切，只要佢一句乜都得，但最後都係被背叛。」《破毒強人》的逃獄及與殺手泥漿肉搏動作場口，Mark透露是「入行以來最辛苦的兩場戲」：

「泥漿嗰場更加難，因為啲泥漿搞到個身黐立立，郁動方面有困難，同時又要就住唔好畀啲泥漿入眼，否則會睇唔到嘢。為咗效果，我同對手Peter溝通之後決定唔理咁多『實做』，轟轟烈烈咁打場好交，當然我哋做足安全措施嘅，戴晒護膝、護踭同腰封。」

馬貫東入行17年默默等機會

入行17年的馬貫東（Mark），代表角色除有《愛‧回家》系列的十仔及博士外，還有《那些我愛過的人》的古醫生，及《愛上我的衰神》的Santino等，還有不少網民至今仍以「十仔」或「博士」稱呼他，足見角色入屋度。演技早獲肯定的Mark，自2016年起曾三度提名男飛躍，可惜均鎩羽而歸，問Mark如今杜飛彈出，會否寄望今年終能勝出男飛躍，Mark笑言：

「能夠獲得提名嘅藝人，都一定好有實力同有明顯進步，所以參與到競逐獎項已經好開心，能唔能夠攞到就交畀觀眾去決定，邊個拎到呢個獎都係實至名歸。」

無綫經常被觀眾批評男女主角來來去去都係得幾個，睇到厭！2020年《那些我愛過的人》終於帶來新鮮感，馬貫東演活了患有亞氏保加症的古怪醫生古希晨，他與連詩雅這對醫生CP贏盡觀眾歡心，搶眼程度甚至凌駕於男女主角林文龍與黃翠如之上。之前毫不起眼的馬貫東被讚演技大爆發，拿捏角色精準，自閉言行入晒血，表現攞滿分。

馬貫東馬貫東在《那些我愛過的人》飾演患有亞氏保加症的古希晨醫生，角色性格沉默寡言，倔強固執，不愛與人接觸或直視超過兩秒，動作語速飛快說話硬繃繃，對他而言是演技的一大考驗。 — 馬貫東在《那些我愛過的人》飾演患有亞氏保加症的古希晨醫生，角色性格沉默寡言，倔強固執，不愛與人接觸或直視超過兩秒，動作語速飛快說話硬繃繃，對他而言是演技的一大考驗。

馬貫東馬貫東追求連詩雅的劇情追看性甚高，網民力讚他演技好，對他另眼相看。 — 馬貫東追求連詩雅的劇情追看性甚高，網民力讚他演技好，對他另眼相看。

馬貫東中七畢業後參加無綫電視第21期藝員訓練班入行，一直做茄喱啡，16年在劇集《鐵馬戰車》內飾演警長「揚名」一角演出生動，同年加入無綫處境劇《愛‧回家之八時入席》首次飾演戲份較重的角色唐中書（十仔），直到17年參演《愛‧回家之開心速遞》憑秦博思（博士）一角終於受到觀眾及網民注目，並獲提名《萬千星輝頒獎典禮2017》「最佳男配角」。默默耕耘等待機會的馬貫東，一等就14年，入行頭幾年人工之奀，自己都養唔掂，令他一度想轉行，幸好有母親及兩個家姐的無條件支持及鼓勵，他才咬緊牙關捱過去。

馬貫東《那些我愛過的人》的男一及女一是林文龍與黃翠如，不過馬貫東與連詩雅這對 CP卻搶 fo成功，為觀眾帶來新鮮感。 — 《那些我愛過的人》的男一及女一是林文龍與黃翠如，不過馬貫東與連詩雅這對 CP卻搶 fo成功，為觀眾帶來新鮮感。

馬貫東劇情講述馬貫東自小被母親程可為溺愛，與連詩雅婚後需時間磨合，婆媳對決甚有火花。 — 劇情講述馬貫東自小被母親程可為溺愛，與連詩雅婚後需時間磨合，婆媳對決甚有火花。

據知情者透露：「Mark（馬貫東）份人比較被動，唔鍾意講嘢，以前亦唔埋堆，喺呢行真係輸蝕，佢一直都等好角色同發揮機會，就算奸角同變態佬都唔介意去做，做藝人講天時、地利同人和，Mark個樣唔係出眾，條件真係好普通，佢試過冇劇拍，知名度唔高，商演同代言又冇，真係靠黐屋企過活，最霉嘅時候佢諗過轉行唔撈，不過孻仔孻心肝，佢媽咪同家姐都好錫佢，知佢真心鍾意演戲，鼓勵佢唔好半途而廢，為咗堅持追夢早年冇錢畀屋企，佢覺得愧對家人。不過Mark都唔係放軟手腳，佢會諗辦法幫補生計，早年做過婚紗攝影助手，邊拍劇邊同朋友搞生意，又做健身教練，後生仔有嘅係時間同機會，佢係一個好積極嘅人，而且唔會忘本，佢承諾過第時有成就搵到錢，一定會好好報答屋企人。」

馬貫東馬貫東從小在單親家庭成長，跟母親和兩位姊姊同住，入行頭幾年窮到燶，幸有家人支持他追夢，成為他最強後盾。 — 馬貫東從小在單親家庭成長，跟母親和兩位姊姊同住，入行頭幾年窮到燶，幸有家人支持他追夢，成為他最強後盾。

花七年時間衝刺 40歲前成家立室

藝人收入不穩定，雖然憑新劇人氣急升，但馬貫東在疫情期間工作亦受到影響，最近他與友人合資搞湯包及花茶生意，日前見他親力親為搬貨又揸車去送貨，搵錢動力十足。事業起飛的馬貫東，感情生活亦穩定，據知他為自己定下了目標，希望能在四十歲前有一番作為然後成家立室，知情者說：「馬明都係45歲先拎視帝，Mark今年33歲，依家發力都唔算好遲，古醫生個角色依家出晒位，嚟緊佢應該大把機會，Mark希望呢幾年可以喺演藝事業上衝刺，之後結婚組織家庭，佢為人定性用情專一，入行咁多年緋聞都冇單，現任同前任女友都係圈外人，亦因為咁佢想保護對方，唔想拍拖太高調。」人怕出名豬怕肥，馬貫東有知名度後就好難低調，況且索女友咁有質素，選港姐都仲得，又怕咩見人呢喎！

花了14年追尋星夢的馬貫東，演過不少角色，不過近年才受到注目，由正直陽光十足的《愛回家》博士到《金宵大廈》的變態偷窺男，馬貫東都駕馭得到。

馬貫東 17年在《愛‧回家之開心速遞》中憑秦博思（博士）一角嶄露頭角，他與謝芷倫飾演的Mandy在劇中飾演情侶一同受到網民注目並獲提名《萬千星輝頒獎典禮2017》「最佳男配角」 — 17年在《愛‧回家之開心速遞》中憑秦博思（博士）一角嶄露頭角，他與謝芷倫飾演的Mandy在劇中飾演情侶一同受到網民注目並獲提名《萬千星輝頒獎典禮2017》「最佳男配角」

馬貫東去年在《金宵大廈》單元故事「洞」飾演偷窺男的馬貫東，演出入型入格。 — 去年在《金宵大廈》單元故事「洞」飾演偷窺男的馬貫東，演出入型入格。

馬貫東他每天偷窺住在隔壁的歐陽巧瑩，去到不能自拔的地步，予人一種變態的感覺。 — 他每天偷窺住在隔壁的歐陽巧瑩，去到不能自拔的地步，予人一種變態的感覺。

馬貫東：想買樓俾媽咪

記：本刊記者馬：馬貫東
記：新劇個角色令你彈起，開唔開心？
馬：梗係開心！大家咁鍾意古希晨醫生，我亦達到目
的，想多啲人注視呢個症，多啲關心同了解患者。
記：有冇信心今年台慶頒獎禮有獎攞？
馬：有得參與已經好開心，做咗十幾年終於獲得認
同，有獎係一種鼓勵，冇獎亦唔會唔開心，唔會畀
自己太大壓力。
記：屋企人幫咗你好多？
馬：唔係佢哋支持我，一早已經唔喺呢行啦！早年我冇畀家用佢哋都冇逼我，仲好支持我做任何事。
記：最霉嗰時有幾坎坷？
馬：我試過一個麵包分兩餐食，不過唔係好長時間，盡量唔想問屋企攞錢，佢哋已經無條件去支持我。

記：依家經濟好咗，有冇目標？
馬：依家儲到錢我會畀家用，第時想買層樓畀媽咪，三房單位啦！最緊要一家人一齊住。
記：影到你有個新女友？
馬：開始咗唔係長時間，佢係圈外人，唔想有太多不必要嘅壓力，大家畀啲空間我啦！

馬貫東馬貫東在旺角街頭接受本刊記者訪問，他表示一直住在家姐名下的物業，早年入不敷支冇交租仲要家人接濟，感激家人多年來的支持。 — 馬貫東在旺角街頭接受本刊記者訪問，他表示一直住在家姐名下的物業，早年入不敷支冇交租仲要家人接濟，感激家人多年來的支持。

馬貫東私藏仙氣女曝光寵物店玩貓當拍拖節目慳錢又貼地

原來現實生活中的他亦私藏仙氣女友，馬貫東連日拖女友去寵物店玩貓，拍拖節目慳錢貼地。

馬貫東早前一身運動裝的馬貫東現身旺角一間中藥海味店 — 早前一身運動裝的馬貫東現身旺角一間中藥海味店

馬貫東見他搬了兩大箱貨行足一條街放上車。 — 見他搬了兩大箱貨行足一條街放上車。

馬貫東現場所見，馬貫東親自送貨到多區的食店及商廈，包括旺角及荔枝角。 — 現場所見，馬貫東親自送貨到多區的食店及商廈，包括旺角及荔枝角。

馬貫東忙完私幫生意，馬貫東揸車去接女友，途中發現本刊記者，他大方地打招呼，女友就怕醜唔上鏡。 — 忙完私幫生意，馬貫東揸車去接女友，途中發現本刊記者，他大方地打招呼，女友就怕醜唔上鏡。

馬貫東馬貫東在油麻地讓女友落車，她去便利店買完嘢飲先行返屋企，而馬貫東則返回與母親及家姐同住的旺角寓所。 — 馬貫東在油麻地讓女友落車，她去便利店買完嘢飲先行返屋企，而馬貫東則返回與母親及家姐同住的旺角寓所。

真命女友現身圈外女友仙氣十足

本刊記者連日直擊馬貫東的拍拖生活，對女友出入管接送照顧無微不至的他，現實生活中是百分百暖男，其圈外女友仙氣十足，高䠷身材絕不輸劇中老婆連詩雅，二人的拍拖節目非常貼地，一得閒就去寵物店玩貓，馬貫東是愛貓之人，今年5月，養了近五年的愛貓Moo Moo患上傳染性腹膜炎病逝，令他非常傷心，所以他與女友頻頻出動睇貓，希望能找到另一隻與他有緣的貓。其中一日外出時發現記者，馬貫東為保護女友先送她返家，然後才獨自接受訪問。據知，馬貫東為保護愛苗所以拍拖相當低調，並曾向友人透露感恩遇上現任女友，女友沒有嫌他窮，他也以結婚做大前提。