破毒強人劇透｜馬貫東重情重義古惑仔死得冤枉 演技獲肯定網民大讚

馬貫東破毒強人｜飾演重情重義社團角色成功入屋

文華（陳豪飾）拿著疑似有毒飲料著杜飛（馬貫東飾）自己選擇死還是不死，嚇至手震的杜飛雖滿臉恐懼，但還是忠義地喝下毒藥…原來文華並沒有落毒；不過杜飛昨晚（17 日）還是敵不過警方 Jackie（張曦雯飾）及葉 Sir（蕭正楠飾）等追捕，與葉 sir 一輪正面交鋒後被捕；杜飛被捕後應否留活口，成了章琳（胡定欣飾）與文華矛盾關鍵，同一時間，淑賢再度因為福田找上文華及章琳，並宣戰謂：「我同你哋攬住一齊死！」劇情緊湊。

杜飛心生不忿要脅文華 被徒手掐死冤魂不散

馬貫東的角色杜飛於第16集受文華安排承認控罪而心生不忿，於星期二晚第17集因囚車遇劫而成功逃脫，但因文華臨時改變主意追殺而與其反目，最後杜飛在天台上脅持章琳企圖要脅文華，卻被章琳用磚頭砸暈，最後在天台上被文華親手掐死及拋屍水箱。杜飛死後於第18集現身於文華的幻覺中，在第19集其屍體被張國強發現而證實死亡。

馬貫東破毒強人｜獲網民封性格冷面古惑仔

自《破毒》播出後累積不少好評的馬貫東，除演技獲肯定，其他正評還包括：「好有性格冷面古惑仔」、「好睇！外型好、演出有心機」、「角色好適合佢」。馬貫東除了服毒場口的內心戲令人動容，與蕭正楠的對打戲亦相當精彩。官方昨晚發放場口拍攝花絮，蕭正楠與馬貫東為了打好呢場交，出盡腰力、手力及腳骨力！蕭正楠為拍攝將馬貫東撻落地場口，要反覆舉起馬貫東；至於馬貫東除了要被凌空左撻右撻，更要應付連番飛躍動作，包括凌空雙飛腿，及一躍飛身從車窗跳入車廂、再九秒九緊接開車的高難度動作，不但完成度高、過程更是一氣呵成，令工作人員拍爛手掌。

馬貫東破毒強人｜細個原來係運動健將

之前較少接觸動作戲的馬貫東，是次《破毒》所有動作場口均是親身上陣，原因是武術指導希望他可以這樣做。馬貫東在花絮片中搞笑指若飛躍入車廂動作成功，便會寄望「飛躍」男藝員獎項，相當幽默。為了拍好場口，馬貫東透露拍攝前除反覆練習，並獲武指幫忙拉筋熱身，結果排練了約三次便順利兩 Take 完成動作，又笑言試位時已將車門踢凹。

馬貫東又指拍攝當日因太過投入、連受傷也不自知：「當時撞到條腰，但完全冇感覺，返到屋企先發現瘀咗一大撻。」問到馬貫東彈跳力為何如此驚人，他透露可能與小時候熱愛運動有關：「我細個有打龍門（位置）、同埋好鍾意運動，籃球、足球、手球、划艇、田徑我都有玩，因為嗰時喺校隊有好多訓練，可能因為咁拍動作戲有啲優勢，但當然比起專業仲爭一個距離。」

馬貫東破毒強人｜大讚蕭正楠係好對手淨係愛文華一個

談到蕭正楠一嘢將他撻落地，馬貫東笑言對方確是令人意外的大力：「我都有成165 磅左右，但佢一反我上去佢背度，就已經將我撻番落嚟，嗰度力係完全冇窒過，我都好震驚，平時睇唔出佢咁大力。」並大讚蕭正楠是打戲好對手：「我記得我有兩、三拳真係食咗落佢嘅腰度，但佢完全冇 Hard Feeling，仲猛話唔緊要，打得好睇就得喇。」談到角色因重情重義成功入屋，馬貫東笑言獲朋友追問「愛情 2 選 1」，題目更是相當爆笑：「佢哋問我杜飛鍾意勇仔（容天佑飾）定係文華多啲，定其實你兩個都鍾意？我就話我淨係愛文華，但其實嗰種愛就係你幫過我一次，我呢一世都唔會忘記嗰種恩情。」

即睇花絮：