32歲TVB男星泰國易服惹禍 自比性工作者開黃腔 辣㷫網民
嫌男裝悶轉著女裝 狂開黃腔自稱「I’m Grace」
Auston日前在IG分享泰國遊片段，留言表示覺得男裝泰服太普通，於是決定「挑機」試著女裝，更直言做女人好辛苦：「熱到我呢，往生裡死去活來！」不過影片內容就極度惹火，片中Auston先是溫柔地扮女人講「Hello」，下一秒即變回真男聲大叫「好熱啊」。隨後他與同行反串的男性友人開始大玩角色扮演，Auston自稱「I’m Grace」，友人則稱「我係苟芸慧」，另一朋友更搭嘴話「我係你哋嘅王妃」。
扮妓女爭客爆粗俗字眼 劈腿露底沾沾自喜
最離譜的是，幾人隨後竟狂開黃腔，大爆極度露骨的性暗示字眼：「我哋含吹奶啜磨擰揈都OK㗎！」之後更扮妓女爭客：「我哋呢排嚟緊有啲新女啊，你想唔想睇下？你睇下我啲新女，你哋都唔夠靚㗎，其實你真係唔夠我靚囉，我最多客囉，跟住佢哋又要嚟爭生意，死北菇。」Auston在片中更忘形跳舞兼劈腿露出黑色短褲，又公開易服變裝全過程，更沾沾自喜拋下一句：「佢哋話我似陳凱琳，真係咩？佢哋仲話鄭嘉穎可能會愛上我！」
網民千字文鬧爆：對女性及宗教零尊重
片段一出，即時辣㷫大批網民！有網民撰寫長文怒轟Auston毫無底線，直斥他在神聖的泰國寺廟穿女裝大講淫穢說話，更將前輩女星的名字與性工作者掛鈎：「又要話自己似女明星，又要話自己係雞，係想加深stereotype女星＝雞？」該網民狠批Auston的行為對女性、宗教場所及泰國文化均是「0尊重」，道德水平極低，更寸爆指：「性工作者咩性別都可以做㗎，可以先由鴨做起，現代科學咁昌明，想做雞變性手術都幫到你。」
馮顯藝發火反擊：你兜口兜面欺凌我！
面對網民圍剿，Auston不但沒有刪片平息風波，反而親自留言反擊！他強調影片純屬娛樂性質，沒有指名道姓去羞辱任何人，更反咬網民一口：「咁你而家直程係兜口兜面欺凌我添，咁你有冇反省過自己嘅問題啊？」Auston更突然「企道德高地」，大拋金句指「職業無分貴賤」，反指該網民歧視性工作者：「我唔明白你點解會讀到高等教育搵到份好工係高人一等？任何職業都值得任何人尊重……任何人都係平等，希望你明白。」
《造星》出身轉投TVB 曾奪台慶17萬大獎
現年32歲的馮顯藝（原名馮柏堯），其實演藝之路相當轉折。他曾於2018年參加ViuTV第一屆《Good Night Show 全民造星》但慘遭淘汰，2019年轉投TVB參加第30期藝員訓練班，畢業後正式成為無綫旗下藝人，並於2021年改名為馮顯藝。雖然入行多年多演閒角，例如在《新聞女王2》、《正義女神》、《非份之罪》及《夫妻的博弈》中飾演大耳窿等，但他在2024年台慶中獨攬合共逾17萬的機票及獎品，一度成為網民熱話，估不到今次卻因為一段「自high」影片而惹上是非。
網民加碼恥笑：低俗當有趣！
Auston的反擊留言一出，猶如火上加油，網民群起在各大討論區熱烈討論。不少人對他以「娛樂性質」作擋箭牌極度反感，直斥「低俗當有趣，仲要覺得自己好幽默」，又笑言「鄭嘉穎見到你唔會愛上你，係會想打X你」。對於他長篇大論講「職業無分貴賤」，網民更毫不留情地恥笑他偷換概念：「人哋話你唔尊重女性同寺廟，你就拉去職業無分貴賤，九唔搭八！」、「台慶贏咗17萬都買唔到品味同常識」、「做綠葉唔緊要，但連基本尊重都無，真係抵你紅唔起！」看來Auston今次的公關危機，絕對不是一句「娛樂性質」就能輕易拆彈！
