麥長青

麥長青上ViuTV爆在無綫不受尊重一早想離巢 麥包:被人當透明好冇癮﹗

娛樂

廣告

麥長青(麥包)2019年與無綫正式結束長達32年的賓主關係,雖然最近重返無綫現身劇集《香港人在北京》又拍攝《約埋班Friend遊香港》,但其實佢離巢後都有幫ViuTV拍過節目、做過飲食生意、拍過電影,更開live唱埋歌,八足咁多爪。前年麥包上ViuTV《晚吹-有酒今晚吹》,大爆在無綫工作多年,曾演過主角,後來卻淪為大配角,更被當透明人,做到心灰意冷一早有離巢之意﹗

麥長青 雖然曾在ViuTV大鬧無綫待遇欠佳,最後麥包還是友情客串友好監製的劇集。
雖然曾在ViuTV大鬧無綫待遇欠佳,最後麥包還是友情客串友好監製的劇集。(圖片來源:TVB)
麥長青 《街市遊樂團》的班底由2016年合作到2023, 好有默契。
《街市遊樂團》的班底由2016年合作到2023, 好有默契。(圖片來源:TVB)

麥長青心淡淪為大配角

麥包麥長青在效力無綫32年,由兒童節目主持做起,主持過音樂節目後加入劇組拍劇,參與過近百部劇集,2010年憑《巾幗梟雄之義海豪情》「梁非凡」一角奪得最佳男配角,不過麥包在ViuTV《晚吹-有酒今晚吹》爆料指,當年其實已計劃好離巢,因為做到心灰意冷,麥包大數當年不被尊重:

「 喺攞獎前我都叫做到主角之一吖,無論喺 《西遊記》、 《茶是故鄉濃》都係,慢慢去到得廿集嘅劇仲要得番幾場、得兩三集,仲要人哋係當你透明嘅,我為劇本做晒功課去問導演意見,導演一副嫌棄話得啦㗎啦,叫我錄旁白得㗎喇……我曾經鬧過一個助理編導,當年有一個老前輩嚟開工,個PA好唔尊重佢,我要謹記無佢哋就冇我哋,佢哋為呢個行業付出咗好多,我唔希望會有呢一日,點知會有一日被人咁對待,嗰時真係冇乜癮﹗」

麥長青在《晚吹》上重提當年在無綫的種種不快事時,愈講愈激動。
麥長青在《晚吹》上重提當年在無綫的種種不快事時,愈講愈激動。
麥長青大爆當年在無綫不被尊重。
麥長青大爆當年在無綫不被尊重。

向陳妙瑛𢱑撈搵工

麥包繼續爆seed:「 當我唔係為錢為名利,我想過吓戲癮啫,去享受吓都唔得嘅時候,咪走囉﹗所以攞獎嗰年,年頭我已經話走,我搵埋工打算轉行,我問陳妙瑛有冇工仲紹我做,佢嗰時做緊飲食叫我去幫佢手﹗…….點知﹗造物主就係咁,年頭計劃好唔續約,年尾就攞獎,以為前途一片光明啦,會有新嘅一頁啦,點知十個月冇工開,嗰時唔知點算好﹗」

麥長青 麥包自爆攞完男配後,雖然獲加酬勞續約,卻十個月冇工開,為生計相當頭痕。
麥包自爆攞完男配後,雖然獲加酬勞續約,卻十個月冇工開,為生計相當頭痕。

靠阿Q精神撐下去

主持娟姐問麥包入行多年,試過高低起跌,在低谷時是如何面對?麥包拋金句:「我相信一樣嘢,彩虹因七色而美麗,人生因高低起跌而精彩,我相信我入棺材一刻,我有過精彩嘅人生,咁就得㗎喇,你去埋怨,人生你怨唔唔完嘅,喺呢個過程裡面,有貪心有私慾,其實係我哋喺地獄時㨂咗,投胎嗰時想試吓啲挫折,想學習愛心,你揀咗㗎嘛,跟住先去投胎﹗我係用咁樣阿Q方法去安慰自己,咁嘅方法係幾好嘅。」

麥長青 麥包笑住對鏡頭話喺ViuTV台唔怕爆TVB時嘅事。
麥包笑住對鏡頭話喺ViuTV台唔怕爆TVB時嘅事。
麥長青爆王維基挖角時開出高達本來薪酬九倍的好條件,可惜當時已答應跟無綫續約,講番起都好飲恨﹗
麥長青爆王維基挖角時開出高達本來薪酬九倍的好條件,可惜當時已答應跟無綫續約,講番起都好飲恨﹗

爆王維基九倍高薪挖角

講番當年攞男配時,待遇會否立即不同?麥包坦言攞完男配後,獲加薪兩倍以上,麥包再爆料:「待遇梗係唔同晒啦,但係以同樣嘅底薪,嗱﹗喺呢度唔怕講啦,王維基當時搞香港電視,佢開畀我係九倍,九倍以上,但係嗰時我答應咗TVB,唉﹗人生就係咁㗎喇﹗」

麥長青 2010年,麥包終於憑《巾幗梟雄之義海豪情》的梁非凡角色獲頒《2010年萬千星輝頒獎典禮》最佳男配角﹐當時的最佳女配角得主是陳法拉。及翌年的《亞洲電視大獎》上麥包奪得「最佳男配角」,以為前途從此一片光明,卻經歷十個月冇工開的日子。
2010年,麥包終於憑《巾幗梟雄之義海豪情》的梁非凡角色獲頒《2010年萬千星輝頒獎典禮》最佳男配角﹐當時的最佳女配角得主是陳法拉。及翌年的《亞洲電視大獎》上麥包奪得「最佳男配角」,以為前途從此一片光明,卻經歷十個月冇工開的日子。
麥包與金剛為ViuTV拍完《C9旅行團》後,去年再為ViuTV拍攝《中佬唔易做》,與舊同事張松枝、麥長青(麥包)古明華、敖嘉年、艾威以及袁富華齊齊體驗另一種職業的真人騷節目。
麥包與金剛為ViuTV拍完《C9旅行團》後,去年再為ViuTV拍攝《中佬唔易做》,與舊同事張松枝、麥長青(麥包)古明華、敖嘉年、艾威以及袁富華齊齊體驗另一種職業的真人騷節目。
麥長青 去年四月麥包與友人在大坑投資和牛店,期間曾遭人淋紅油,十一月麥包對外公布因理念不同已退股。
去年四月麥包與友人在大坑投資和牛店,期間曾遭人淋紅油,十一月麥包對外公布因理念不同已退股。
麥長青 兒童節目出身的麥包與黃智賢、譚玉瑛、黎芷珊等兒童節目主持定期飯敍,相當老友。
兒童節目出身的麥包與黃智賢、譚玉瑛、黎芷珊等兒童節目主持定期飯敍,相當老友。
麥長青 離開無綫,麥包在港台當DJ,與前無綫新聞主播趙麗如合作。
離開無綫,麥包在港台當DJ,與前無綫新聞主播趙麗如合作。
麥長青 麥包近來不時開直播唱歌,曾邀請好友陳浩民、劉玉翠一起吹水唱歌。
麥包近來不時開直播唱歌,曾邀請好友陳浩民、劉玉翠一起吹水唱歌。

撰文:文:東方新地 |圖片來源:圖:《晚吹-有酒今晚吹》截圖