麻雀樂團｜胡敏芝「驚青妹」首度孭重飛驚爆1原因激減10磅 認壓力大：驚自己做得唔好
胡敏芝驚青角色勁搶戲
在《麻雀樂團》中，胡敏芝飾演的「程晴」是個驚青細膽、凡事依賴大哥司徒久（譚俊彥飾）及二哥程朗（黃庭鋒飾）的妹妹。由於角色設定與譚俊彥、李佳芯等主角有大量對手戲，這位陌生面孔成功吸引網民目光。
首次擔當如此重要角色，胡敏芝直言既興奮又緊張：「我冇諗過監製肯用我呢個新人，始終喺戲劇方面我真係好少有咁重嘅戲份，所以今次冇諗過集集都有我，要做好多功課，真係好開心。」為了不負眾望，她透露自己做足準備功夫，除了背熟對白，更在劇本上寫滿筆記，以揣摩角色心情，敬業態度獲讚。
胡敏芝為襯謝東閔勁減10磅 直言：希望外形會襯啲
談到劇中最具挑戰的部分，胡敏芝自爆為角色進行地獄式減肥！原來劇中她與謝東閔有感情線，為了在鏡頭前外形更匹配，她下定決心減重，成功由45KG減至40KG。她坦率表示：「希望令自己瘦啲，冇咁babyfat，我感覺上會冇咁細個，令大家個外形會襯啲。」
幸好，角色「程晴」的性格與她本人有幾分相似，讓她更容易代入：「程晴個年紀同我好相近，佢有啲特質同我都好似，例如都係比較驚青，我就要放大呢啲特質。」
監製羅永賢點名力讚胡敏芝 親揭揀蟀原因：睇到佢潛質
胡敏芝作為演戲初哥，能獲此重任，全因監製羅永賢的慧眼識英雄。羅永賢早前受訪時，親自解畫為何會選中胡敏芝。他透露，在拍攝劇集《企業強人》時，已經留意到胡敏芝的潛質，並認為她十分符合《麻雀樂團》中「程晴」的角色特質。
胡敏芝面對譚俊彥李佳芯勁緊張 爆前輩窩心舉動：佢哋會帶住我
首次與視帝譚俊彥（Shaun）和視后李佳芯（Ali）等實力派演員合作，胡敏芝坦言初時非常緊張。她憶述：「第一日拍攝時都會緊張，因為唔知佢哋係點。」不過，前輩們的友善舉動很快就化解了她的不安。她大讚：「之後佢哋成日同我哋食飯聊天，熟絡咗之後真係冇咗緊張感，同埋佢哋好好，會帶住我教我點樣做得好啲。」
胡敏芝更透露，即使鏡頭只拍她的單人特寫，前輩們依然會交足戲，專業精神讓她深受感動：「佢哋都會做足畀晒戲我，真係好專業，令我真係代入到個角色。我睇Shaun同埋Ali嘅戲，真係學到好多嘢，佢哋無論眼神定係啲小動作都有戲，真係好勁。」
