黃翠如飛馬來西亞復工 隔離期間自拍被指「鼻樑發光」7字回應
廣告
黃翠如自去年8月《七公主》播出後一度因身體及情緒問題停工，推掉劇集工作之後休息近半年，本月終於復工，隻身飛到馬來西亞拍攝廣告並出席活動，狀態回勇的黃翠如在隔離期間拍片自娛，打開窗簾享受陽光的溫暖，笑言表演「食陽光」，圈中好友留這問佢「食咗藥未？」、「唔好放棄治療」同黃翠如開心互動！
黃翠如完成隔離出關 7字反擊「透光鼻」指控
黃翠如片中自拍抬起頭讓陽光曬在臉上，口郁郁扮食嘢，留言指在隔離中「也要吃陽光」，形容這是維他命D餐﹗不過有網民留言指「鼻樑透光」、「透光鼻」，黃翠如即大反擊：「我的鼻非常真的。」
黃翠如這次大馬之行，是到當地出席活動，近日已完成隔離出關，並與閨密吳天瑜同場出活動，相信工作後會留在當地好好敍舊﹗
黃翠如悍衛「虎鼻」有前科 強調冇後天加工
現年40歲的黃翠如，近年經常被指「愈大愈靚女」，早前黃翠如在IG貼出16歲時穿著格仔衫與現在的她做對比，即時引起網民熱烈討論，有人留言大讚她冇變過，不過，有讚當然亦有彈，也有人留言質疑翠如個鼻高咗靚晒﹗
早前有報道指黃翠如驚變「木偶鼻」，搞到黃翠如要急急澄清，強調自己天生「虎鼻」有福氣，絕冇郁過手腳，唔好屈佢咁話！不過現場所見，黃翠如蘋果肌飽滿，鼻樑高而畢直，愈大愈靚能夠得天獨厚，大家唔羡慕得咁多嘞！
但當被問到會唔會整其他地方時，黃翠如就好老實咁話：「其他地方老咗我唔敢包，哈哈！」澄清一輪之後，黃翠如就表示未有因報道嬲怒，皆因自己在負面新聞中長大喎！仲話當幫劇集宣傳。
關鍵詞
黃翠如
撰文：東方新地圖片來源：IG＠wongtsuiyu、新傳媒圖片庫
