單對單|48歲黎瑞恩脫離豪門愛探險 婚姻問題鬱出「胰臟瘤」拒做手術

娛樂

廣告

黎瑞恩 現年48歲,接受《單對單》最後一集訪問,「小恩子」早年經歷失婚、大病,單身走過低谷,近年復出娛圈仲獨力照顧一對寶貝子女!早前黎瑞恩在社交平台發文,指突然肚痛發燒入院,直言:「我諗時間都差唔多」。近日黎瑞恩親述婚姻難關,原來早已就將來關係改變「約法三章」⋯⋯

撰文:東方新地 |圖片:新傳媒圖片、黎瑞恩FB

黎瑞恩在《單對單》節目中說到走出「豪門光環」,單身享受人生,更帶芷珊激玩滑翔傘!她卸下昔日的憂慮,頑疾問題迎刃而解。談到長女的窩心時刻,小恩子感動之淚奪眶而出。

48歲黎瑞恩與55歲黎芷珊在節目中玩滑翔傘⋯⋯挑戰自己。(圖片來源:ViuTV)
48歲黎瑞恩與55歲黎芷珊在節目中玩滑翔傘⋯⋯挑戰自己。(圖片來源:ViuTV)
(圖片來源:黎芷珊IG)
(圖片來源:黎芷珊IG)

最壞情況血糖降到2! 棄豪門睇心理醫生

黎瑞恩曾經嫁入豪門但最終離婚。身處低谷時,一度患上腫瘤同心理疾病。為了不想拖泥帶水,考慮到自己的歌唱事業也有工作能力,就決定離婚。離婚時長女也只是9歲,囡囡也十分懂事支持媽媽過開心的生活。最低谷時曾經看心理醫生,但她沒有依賴藥物,靠朋友的支持和傾談,得到鼓勵而自我療癒:

黎瑞恩胰臟有瘤拒做手術 突然肚痛入院:我諗時間都差唔多
現年48歲黎瑞恩,90年代是寶麗金力捧的玉女歌手,金曲《一人有一個夢想》、《愛你這樣傻》迷倒萬千少男,後來02年黎瑞恩跟金利來集團主席曾憲梓兒子曾智明結婚,婚後退出娛樂圈專心教子。(圖片來源:東方新地)

48歲黎瑞恩曾患良性胰臟瘤 未有切除選擇樂觀應對

黎瑞恩近年復出娛樂圈。2015年曾證實患有胰臟瘤的黎瑞恩當年未有立即切除。醫生為免腫瘤不幸變惡性,建議Vivian每半年檢查一次,但之後Vivian擔心照CT有輻射,就無再去做檢查,選擇以「過一日、賺一日」的心態去生活。日前黎瑞恩突然肚痛入院,憂慮是胰臟瘤已變惡性,但原來只是腸抽筋,而當年發現的胰臟瘤竟然消失了!黎瑞恩在社交平台撰文:

黎瑞恩2015年證實患上良性胰臟瘤。(圖片來源:黎瑞恩Facebook)
黎瑞恩2015年證實患上良性胰臟瘤。(圖片來源:黎瑞恩Facebook)

2015年黎瑞恩曾發現有良性胰臟瘤,但當年未有立即切除,黎瑞恩開頭每半年檢查一次,但一年過後就無再去檢查,選擇以「過一日、賺一日」的心態去應對,但早前就脣出狀況:

「因為成日食完嘢好似頂住頂住咁,咁我就懷疑自己應該係有幽門螺旋菌又或者條腸好多瘜肉。人生第一次做全身檢查就係40歲,報告出咗,所有嘢都正常,唯獨是見到胰臟有d陰影,最後再作詳細檢查後發現胰臟真係有兩個瘤。醫生話:『好難先睇到㗎,通常末期先俾你睇到㗎!不過暫時都係良性』」

黎瑞恩當年未有切除腫瘤。(圖片來源:黎瑞恩Facebook)
黎瑞恩當年未有切除腫瘤。(圖片來源:黎瑞恩Facebook)

「醫生話因為一個喺頭、一個喺尾,要切嘅話,喺頭嗰個黐住其他器官,所以每個器官都要切三份一。咁我問:『有冇藥食㗎?』佢話冇。『咁點算呀?』『咁你以後開心d啦!每6個月check一次啦。』頭兩次我都好乖,但係諗諗吓照CT都有輻射,照多幾次本來冇嘢都變有嘢啦。最後我選擇對呢兩粒嘢不聞不問,總之每日就當『過一日、賺一日』開心就得啦。」

黎瑞恩近日突然肚痛入院。(圖片來源:黎瑞恩Facebook)
黎瑞恩近日突然肚痛入院。(圖片來源:黎瑞恩Facebook)

「呢兩日,突然肚痛脹到爆裂又發燒,痛到要入院,我諗時間都差唔多喇。醫生話幫我照吓成個肚,好神奇,佢話見唔到你胰臟兩粒瘤喎,只係腸胃炎導致腸抽筋。我即刻開心到癲咗,問咗自己好多次點解….點解…唔理咁多喇,原來唔好諗埋咁多冇謂嘢及負面嘢,真係可以醫病㗎。所以我想同大家分享我嘅諗法,希望無論患咩病嘅朋友講,大家唔好絕望,放鬆及樂觀,凡事都有可能。」

黎瑞恩最後發現腫瘤自然消失了!(圖片來源:黎瑞恩Facebook)
黎瑞恩最後發現腫瘤自然消失了!(圖片來源:黎瑞恩Facebook)

小恩子走過離婚陰霾醫好胰臟瘤

2018年﹐小恩子接受本刊訪問,身為單親媽媽的她被問到壓力是否更加大,佢話:「咁又冇喎,其實一個人有冇壓力係你自己畀嘅啫,冇話單親唔單親嘅。我以前都會居安思危,會諗依家生活好好,如果有一日生活唔好咁點呢?我都會教啲小朋友自己煮飯、學洗衫、摺被⋯⋯當有一日,冇晒啲工人,你點呢?生活唔到呀?唔會㗎嘛!我如果有咩事,我有咩辦法可以能夠養活到自己呢?我會唱歌㗎嘛,唱歌、做吓騷都應該OK嘅!」講到有傳攞咗好大筆贍養費,黎瑞恩笑問:「幾時攞㗎?冇囉,哈!但我前夫對我哋都好好,都好照顧我哋,都好多謝佢。我同前夫依家關係良好,最緊要大家開心。」

黎瑞恩與前夫在2014年宣布離婚,小恩子取得一對子女撫養權做單親媽媽,但她一度鑽進牛角尖不能自拔兼患上抑鬱,後來終走出陰霾,與前夫曾智明關係緩和,但未幾做身體檢查時,又發現胰臟生了兩個1.5cm良性腫瘤,幸而術後已康復,近年更復出娛圈!
黎瑞恩胰臟有瘤拒做手術 突然肚痛入院:我諗時間都差唔多

小恩子獨力養育一對子女,17歲大女曾凱栭及15歲細仔曾浩儒同佢感情好好,兩姊弟先後去到澳洲讀書,而小恩子都不時到當地探佢哋。 黎瑞恩胰臟有瘤拒做手術 突然肚痛入院:我諗時間都差唔多

黎瑞恩育有一對子女。(圖片來源:黎瑞恩Facebook)
黎瑞恩育有一對子女。(圖片來源:黎瑞恩Facebook)

黎瑞恩直言如果佢要拍拖嘅話,男朋友一定要好錫佢啲仔女,又笑指:「唔知佢哋畀唔畀呀,佢哋會話:『最好唔好啦,最好我霸晒你啦,你都唔夠時間畀我哋,仲拍乜嘢拖吖!』」而問到黎瑞恩仔女有冇演藝潛質?如果佢哋話做呢行畀唔畀?黎瑞恩話:「有㗎,我唔會話唔畀囉,最緊要讀晒要讀嘅書先,到時你自己選擇,我畀佢自己選擇。」

黎瑞恩胰臟有瘤拒做手術 突然肚痛入院:我諗時間都差唔多

黎瑞恩:「唔覺得有需要再結婚」

問黎瑞恩仲相唔相信婚姻?佢話:「喺我呢個時間,我唔覺得有需要再結婚,如果有一個啱嘅人,一齊開心咪得囉!」仲可以追多兩個?「嘩!唔追啦,唔好玩啦,哈哈!好嘥神㗎,仲要教佢呢,我成日覺得湊一個細路唔係有錢就得,要有人幫你湊啦,唔係淨係湊咁簡單,要用心機教。」

黎瑞恩胰臟有瘤拒做手術 突然肚痛入院:我諗時間都差唔多