中年好聲音｜龍婷背景起底！旺角街頭掘起、將與管弦樂團開騷

龍婷（觀眾最愛好聲音大獎得主）

• 慢歌：我曾用心愛著你（84分）／快歌：瘋了

首輪慢歌比拼，龍婷 演唱由潘美辰原唱嘅《 我曾用心愛著你 》 ，作為一位唱將，今次龍婷嘅表現竟然令譚詠麟直言現場直播打咗折扣？

中年好聲音決賽｜冠軍大熱龍婷戰衣曝光

《中年好聲音》總決賽前一星期的網上投票，龍婷一直維持在榜首，她坦言目前成為榜首之一絕對是為決賽打了支強心針，感到信心十足，更呼籲觀眾多多參與投票！

龍婷說：

「要多謝咁多年支持我嘅朋友。我都想不斷咁超越我自己畀多啲嘢觀眾睇，有啲嘢講係冇用嘅，一定要實戰先至可以爆發到出嚟。」

龍婷︱實力之選 央視《星光大道》2019年總冠軍

41歲龍婷有香港旺角小龍女之稱，早年移居香港認識了「旺角羅文」梁志源加入「旺角羅文歌舞團」，由17年開始在旺角西洋菜街行人專用區演唱，成為街頭歌手。後來行人專用區撤銷後，改在中環碼頭及西九龍文化區表演。龍婷原本學習舞蹈，16歲時因一次實習機會到廣東省中山市，在公園裏聽到陳慧嫻的《飄雪》，毅然決定放棄舞蹈轉行唱歌。

大陸選秀奪冠爆紅 熱度消失重返香港街頭獻唱

2016年9月龍婷參加內地節目《隱藏的歌手》第二季，19年再參加中央電視台大型選秀綜藝節目《星光大道》勇奪總冠軍。（同期對手香港人未必識，亞軍是吉仁蘇布德，季軍朱娜），現在她會在《香港旺角小龍女龍婷》YouTube頻道分享歌曲，點擊率好高。

龍婷曾與《東張西望》有爭執

2020年龍婷曾因為《東張西望》的失實報道與無綫有爭執，事緣《東》播出了一段聲稱是由觀眾提供，龍婷在中環碼頭街演的片段，節目主持聲稱「上星期六」有四名以上市民在公眾地方聚集，罔顧「限聚令」。龍婷於當晚11時在社交平台發表聲明，指出片段拍攝正確日期是在限聚令發出之前。事隔不久，《東》在節目尾段作出澄清，指該片段由「一名熱心觀眾」提供，經查證後，實際是拍攝於「限聚令」實施前，並作出道歉。

龍婷唔信比賽有內定冠軍 相信會公平公正

《中年好聲音》即將進入總決賽，坊間有傳比賽一早有定內定冠軍，搞到觀眾議論紛紛直言冇晒癮！目前總積分排名第二名嘅龍婷，同傳媒強調唔相信比賽有內定冠軍，認為要做到內定好難，相信比賽絕對公平公正。對於自己比賽的勁敵周吉佩，佢話唔會視佢為對手，仲話大家好老友，同樣珍惜站在舞台上表演嘅時光。對於有傳媒問到龍婷對於攞冠軍有冇信心，佢就交代覺得自己行到呢步已經贏晒，自己對於冠軍有啲衝勁，會落晒力咁話！

婷龍婷表明自己好想同TVB簽長約

自從龍婷參加選秀節目《中年好聲音》之後，憑着動人嘅歌聲成功俘虜唔少家庭觀眾，人氣一直keep住急升，認真非常厲害！龍婷前日（ 15日）亮相myTV SUPER七周年嘅紀念活動，粉絲們空巢而出舉牌支持偶像，聲勢果然非常浩大，有傳媒問到龍婷會否與TVB簽約，龍婷直接表明覺得TVB給予佢好多，好想將來同TVB繼續合作，仲認為只係簽5至10年嘅長約，都唔夠喉，仲話自己大把青春可以用！

龍婷表明演唱會飛賣得貴 唔關自己事

無綫選秀節目《中年好聲音》收視非常強勁，成為城中熱話，搞到無綫急急腳為參賽者籌備演唱會，務求炒起話題。點知有關演唱會籌備詳情公布，網民狂插票價吊高嚟賣，票價分別為$980、$580 和$380 ，媲美李克勤、黎明等天王級歌手，龍婷就回應話呢場音樂會係一場慈善表演，票價係由主辦單位決定，自己就只係負責唱歌，仲話覺得愛心係冇價錢可言喎！

中年好聲音決賽歌單率先曝光！有選手勢要「舞」爆全城

慢歌歌單：

• 我曾用心愛著你
• 明日話今天
• Forever Love
• 忘情號
• 吻別 X Take Me To Your Heart
• 爛泥

快歌歌單：

• Sway
• 跳舞街
• 熱情的沙漠
• 疾風
• 拒絕再玩
• 瘋了

為保持新鮮感及神秘感，無綫官方並沒有公布參賽者與歌曲組合，務求直播當晚為觀眾送上驚喜！快歌環節有選手會加入跳舞元素，勢要「舞」爆電視廣播城，值得期待！