360秒人生課堂|港媽做「寄養家庭」為小孩提供短暫溫暖 6年來不問回報

娛樂

廣告

無綫節目《360秒人生課堂》由主持林盛斌(Bob)請來不同界別及各有經歷的嘉賓,以360秒的演講娓娓道出人生故事。周五(15日)第二集嘉賓請來「寄養家庭」女主人Kaye Dong,旁聽的嘉賓分別為張慧儀和陳浚霆。

長者檢測包派發地點康復紀錄二維碼登記平台

360秒人生課堂|因為一則新聞成為寄養家庭

「寄養家庭」女主人Kaye本身和丈夫育有兩名女兒,事業家庭兩得意,有一日突然發現可以把愛分享出去,Kaye在《360秒人生課堂》台上表示:「有一日睇新聞有一個三歲嘅小朋友,佢屋企人係吸毒,奶樽有白粉,飲奶之後不久過身,呢段新聞我重複睇咗好多次,嗰一刻決定要做啲嘢,先發現香港嚴重缺乏寄養家庭,呢個小朋友正正等緊住宿服務﹗如果有多啲寄養家庭,悲劇就唔會發生﹗」

 360秒人生課堂 360 秒人生課堂 演講嘉賓 Kaye分享自己做了六年「寄養家庭」的點滴及心路歷程。
演講嘉賓 Kaye分享自己做了六年「寄養家庭」的點滴及心路歷程。(圖片來源:TVB)
 360秒人生課堂 360 秒人生課堂 Kaye分享時背後有寄養小朋友的照片,她透露曾照顧一個三個月大的BB,住在她家一年後被領養,她指當時同兩個囡囡都因不捨而攬住喊,同時又戥BB有新家庭感開心,每次心情都好複雜﹗
Kaye分享時背後有寄養小朋友的照片,她透露曾照顧一個三個月大的BB,住在她家一年後被領養,當時同兩個囡囡因不捨而攬住喊,同時又戥BB有新家庭感開心,每次心情都好複雜﹗(圖片來源:TVB)

六年來不問回報 開心能改寫小孩生命

Kaye因此展開了做寄養家庭,一做便六年,縱然過程壓力很大,又怕做得不夠好,同時不斷面對告別家中寄養小朋友的傷感,但只要想到背後的意義,Kaye還是咬緊牙關撐下去:「做寄養我知係短暫,但我都願意打開我個心去畀一個溫暖嘅家畀小朋友,去畀呢份小小嘅禮物小朋友。佢哋咁細個,之後未必記得我哋,但想佢知道有好多人好錫佢,當我諗到咁就知當初決定係啱,開心改寫緊小朋友嘅生命。」

 360秒人生課堂 360 秒人生課堂 Kaye指知道寄養只是短暫,但能為有需要小朋友帶來呢份小小禮物,已經感到好足夠﹗
Kaye指知道寄養只是短暫,但能為有需要小朋友帶來呢份小小禮物,已經感到好足夠﹗(圖片來源:TVB)
 360秒人生課堂 360 秒人生課堂 寄養小朋友完全融入家中,當為家人一樣看待及照顧﹗
寄養小朋友完全融入家中,當為家人一樣看待及照顧﹗(圖片來源:TVB)

做寄養家庭 全家都有得著

望以「生命影響生命」的 Kaye,感恩在付出過程中,自己和家人都有很大得著:「媽咪、奶奶變得更加大愛,老公本身好忙但對屋企更投入,幾忙都分時間畀小朋友,大女更成熟,會同我分擔屋企嘅事,細女變得體貼,佢本來係屋企被照顧嘅一個,佢學識去照顧人,我自己原來內心比我想像中強大。」

 360秒人生課堂 360 秒人生課堂 做了六年寄養家庭,從不問回報﹗
做了六年寄養家庭,從不問回報﹗(圖片來源:TVB)

張慧儀談領養孤兒Hanson:佢改變我生命

當晚Kaye 的兩名旁聽嘉賓張慧儀及陳浚霆,亦同樣有著一顆大愛的心。張慧儀 2005 年於內地做義工期間遇見當時只有兩歲的 Hanson,並因對方喊了她一聲媽媽而決定領養。張慧儀笑言自從有了 Hanson 後,自己也有了很大的轉變,而且是好的轉變:「以前我唔蒲瞓唔著,有咗小朋友我冇咗蒲嘅心,原來我唔係自己想像中咁嘅,我都有做好媽媽嘅潛質。」

 360秒人生課堂 360 秒人生課堂 旁聽嘉賓係同樣有大愛精神的張慧儀。
旁聽嘉賓係同樣有大愛精神的張慧儀。(圖片來源:TVB)

相關文章:張慧儀大談扶養病兒成人辛酸史:只要他好起來我甚麼都願意

陳浚霆感激繼母顧紀筠啟發

至於本身助養了多名小朋友的陳浚霆,則感謝繼母顧紀筠啟發了他:「我十幾歲生日時我媽咪(顧紀筠)送咗張類似收據嘅嘢畀我,佢話:『呢個係你助養嘅小朋友』。我當時心諗:『吓?生日仲要我畀錢?』直到有一年佢帶我去甘肅探孤兒,我同佢跨越咗成個山頭,嗰時我住得好近學校但都係遲到,然後我就反省自己點解會咁。我發現原來我媽咪好有智慧,佢令我體會到自己幾咁幸福。」

 360秒人生課堂 360 秒人生課堂 陳浚霆感激繼母顧紀筠啟發,令他明白幸福並非必然。
陳浚霆感激繼母顧紀筠啟發,令他明白幸福並非必然。(圖片來源:TVB)

Kaye Dong 因為六年前無意間睇到一段悲慘嘅新聞,佢同家人做咗一個重大嘅決定,就係成為寄養家庭,希望為一啲特殊家庭嘅小朋友,提供短暫嘅溫暖。Kaye呢種無私大愛嘅精神,除咗令自己內心更強大外,仲影響埋一眾家庭成員,真正用生命影響生命!

撰文:東方新地圖片來源:TVB