iswim jeffrey

I SWIM|Jeffrey魏浚笙被爆準備做歌手 導演笑Edan首日拍攝即暈低

娛樂

廣告

ViuTV新劇《I SWIM》由7月11日(星期一)起開播,劇集監製暨導演馮志強、魏浚笙(Jeffrey)和黃奕晨(Dixon)就在當晚播出的一集《晚吹-有酒今晚吹》中擔任嘉賓,大爆拍劇時趣事,趁住呂爵安(Edan)不在現場,三人仲大爆其瘀事!

《I SWIM》Jeffrey魏浚笙 花半年時間操肌

《I SWIM》監製暨導演馮志強、魏浚笙(Jeffrey)和黃奕晨(Dixon)為宣傳新劇,日前一齊登上7月11日(星期一)晚播出的第113集《有酒今晚吹》做嘉賓,Jeffrey在節目中指自己花了半年時間操肌,更自爆更為劇集而去脫毛!

iswim jeffrey 魏浚笙 左起)魏浚笙、《I SWIM》監製暨導演馮志強及黃奕晨一同為《晚吹-有酒今晚吹》擔任嘉賓。
(左起)魏浚笙、《I SWIM》監製暨導演馮志強及黃奕晨一同為《晚吹-有酒今晚吹》擔任嘉賓。(圖片來源:ViuTV)
iswim jeffrey 魏浚笙 呂爵安 ISWIM 兩人喺花絮片中谷爆肌肉!
Edan同Jeffrey拍劇時曾經鬥騷肌肉。(圖片來源:IG@ViuTV)

Edan第一日拍攝已經暈低

當被問到游水最差的演員時,三位都不約而同笑指非呂爵安(Edan)莫屬。馮志強分享指雖然劇中Edan飾演游泳高手,但第一日在拍攝現場熱身期間,Edan已經暈倒,令其一度十分擔心,慶幸最後Edan並無大礙。

iswim jeffrey 魏浚笙 Jeffrey等三人取笑Edan游水最渣。
Jeffrey等三人取笑Edan游水最渣。(圖片來源:ViuTV)
iswim jeffrey 魏浚笙 i.swim 呂爵安 Edan
Edan為拍劇亦有刻意走腩增肌。(圖片來源:IG@edanlui)

拍攝現場如Fans應援嘉年華

Dixon就笑指拍攝現場宛如嘉年華一樣:「有唔同嘅booth擺哂Fans送嘅應援物資和食物,有P1X3L、Edan、Stanley、Alton、Jeffrey同ANSONBEAN。每次可以逐個行去揀自己想食嘅嘢。」

iswim jeffrey 魏浚笙 Dixon笑指拍攝現場宛如Fans應援嘉年華。
Dixon笑指拍攝現場宛如Fans應援嘉年華。(圖片來源:ViuTV)
iswim jeffrey 魏浚笙 拍劇時P1X3L三位成員Phoebus左三)、George左二)、Marco右二)及MIRROR成員Edan左四)、Stanley右四)、Alton右三)等,都有Fans送上應援嘅物資和食物。
拍劇時P1X3L三位成員Phoebus(左三)、George(左二)、Marco(右二)及MIRROR成員Edan(左四)、Stanley(右四)、Alton(右三)等,都有Fans送上應援嘅物資和食物。(圖片來源:《I SWIM》劇照)

Jeffrey被爆準備做歌手

談及往後希望發展的方向,強尼大爆知道Jeffrey或會推出個人單曲。Jeffrey沒有否認:「其實我無限制自己。機會嚟到嘅時候就把握,盡力做好件事。」而Dixon指自己會想嘗試擔任幕後的工作,現正在構思及編寫相關的方案。

iswim jeffrey 魏浚笙 三人和主持們一同品嘗氈酒。
三人和主持們一同品嘗氈酒。(圖片來源:ViuTV)
iswim jeffrey 魏浚笙 Jeffrey早前勤力操肌拍劇缺游水健將。
除咗拍劇拍節目,Jeffrey仲準備挑戰埋唱歌!(圖片來源:IG@jeffreyngai)

即睇《I SWIM》預告:

重溫Edan自爆曾兩度開工暈倒:標晒冷汗成身濕晒

憑《大叔的愛》彈起的Edan,去年除了擔正《I SWIM》,在籃球劇《季前賽》亦參與重要角色,加上要拍電影《闔家辣》,令他工作量大增,去年曾自爆兩度開工暈倒,所以去做了詳細的身體檢查,報告結果心臟冇事,Edan話:「兩次暈倒,我抖吓之後都冇事嘅,之後去做檢查知道身體無事,大家唔使擔心。我拍劇要操,多咗做運動真係體力同健康都好咗好多!」

iswim jeffrey 魏浚笙 Edan在《臎戰S2》玩遊戲時為做出「洗衣機」動脫去上衣,更臨急抱佛腳即場做掌上壓「谷肌」,被阿正笑佢太遲﹗
Edan自爆拍攝《膠戰S2》時在商場內為了逃避追捕,跑到上氣唔接下氣:「嗰日我跑到差啲以為就嚟死咁,突然間見暈同埋想嘔,即刻要坐低抖抖,24歲仔冇試過咁,真係好驚﹗標晒冷汗成身濕晒,所以下集大家會見到我換咗衫,嗰日仲要係通宵拍完《膠戰》再直接去拍電影《闔家辣》﹗」(圖片來源:《膠戰S2》截圖)
iswim jeffrey 魏浚笙 6膠開直播時,阿正爆製作組為Edan加了效果,令觀眾有錯覺以為Edan好大隻,阿正話:「其實現場我睇係得塊版嚟﹗」
6膠開直播時,阿正爆製作組為Edan加了效果,令觀眾有錯覺以為Edan好大隻,阿正話:「其實現場我睇係得塊版嚟﹗」(圖片來源:《膠戰 S2》截圖)

Edan首日練水即出事

Edan第一次暈倒,是在拍《膠戰S2》時,而第二次,就是拍攝《I SWIM》首日,Edan透露落實接拍《I SWIM》後首日參與練水,導演、監製及演員都在場,Edan表示當時感到好大壓力,佢話:「太耐冇游水,未開始我就落池試吓個感覺先,其實我成世人未試過一次過完成25米,嗰次順利游完25米,點知一上水隻腳緊咗,係腫晒!嗰時諗可能冇做熱身,但好戲在後頭!」

iswim jeffrey 魏浚笙 呂爵安 ISWIM Edan大讚Jeffery個樣喺水底影都係咁靚仔!
Edan在《I SWIM》中大鬥泳技。(圖片來源:IG@ViuTV)
iswim jeffrey 魏浚笙 大叔的愛 姜濤同Ian在籃球劇《季前賽》切磋球技,演出還有MIRROR的Edan及Stanley以及Error的肥仔及193。
Edan仲有份參演由姜濤主演的籃球劇《季前賽》。(圖片來源:ViuTV)

Edan休克後回神:嗰時真係想搵窿捐

Edan講到上水後跟大家一齊熱身:「熱熱吓身開始覺得暈,心知不妙!我冇理由呢個時候同大家講我要抖抖㗎,熱身都要抖?諗住死頂落去,點知開始眼望金星,過咗一陣眼前一黑,真係暈咗,有人即刻扶住我!嘩,我嗰下真係想搵窿捐,真係好樣衰,好𤓓!我演嘅角色係要游得好叻㗎嘛,點知熱身就出事!」

iswim jeffrey 魏浚笙 Edan在直播中指當時眼前一黑,當場暈倒﹗
Edan在直播中指當時眼前一黑,當場暈倒!(圖片來源:IG@edanlui)
iswim jeffrey 魏浚笙 Edan重現當日突然休克暈倒的一刻﹗
Edan重現當日突然休克暈倒的一刻!(圖片來源:IG@edanlui)

撰文:東方新地圖片來源:ViuTV、《I SWIM》劇照、IG@ViuTV、IG@jeffreyngai、IG@edanlui資料或影片來源:原文刊於東方新地