大帽山現負2.4度Now派女記者登山做實測凍足兩個鐘！網民戥陰功

娛樂

Poey

Jan 24 2024

近日香港天氣嚴寒，市區氣溫跌至6度左右，大帽山更一度只得-2.4度，日前Now新聞就派出女記者陳樂陶登上大帽山，現場報導嚴寒天氣，睇見女記者凍到鼻都紅晒，連頭髮都結埋冰，網民都紛紛戥佢陰功，大歎搵食艱難！

Now新聞女記者陳樂陶被凍到頭髮都結冰

Now新聞日前派出記者陳樂陶到大帽山感受嚴寒天氣，當日早上7時半，現場氣溫只得零度左右，陳樂陶表示已在山上逗留了超過兩小時，即使她身上穿著羽絨褸、戴住頸巾同手襪，仍然覺得凍，她在報道中說：

「大帽山有幾凍，睇我頭髮就知，我哋企喺度大約兩小時，頭髮已經結冰，所以大家都係聽消防處呼籲，千祈唔好登山。」

大帽山女記者不只頭髮結冰，陳樂陶的鼻哥亦凍到紅晒。 — 不只頭髮結冰，陳樂陶的鼻哥亦凍到紅晒。（圖片來源：Now新聞截圖）

大帽山女記者陳樂陶指山上的樹枝、樹葉亦都結咗冰。 — 陳樂陶指山上的樹枝、樹葉亦都結咗冰。（圖片來源：Now新聞截圖）

網民大讚陳樂陶勇敢：睇見都覺得凍

網民睇完陳樂陶實測大帽山嚴寒天氣的報道，紛紛表示：「搵食艱難」、「記者很勇敢，Support her」、「睇新聞見到呢個女記者，真係覺得佢好陰功」、「睇見都覺得凍」、「凍到變雪條」、「我見猶憐」等等。

大帽山女記者陳樂陶展示結冰的外套同頭髮。 — 陳樂陶展示結冰的外套同頭髮。（圖片來源：Now新聞截圖）

大帽山女記者睇番早前颱風「蘇拉」襲港，陳樂陶都有去鯉魚門報道打風消息，當日她亦被橫風橫雨搞到眼都擘唔大。 — 睇番早前颱風「蘇拉」襲港，陳樂陶都有去鯉魚門報道打風消息，當日她亦被橫風橫雨搞到眼都擘唔大。（圖片來源：Now新聞截圖）

TVB派高級記者梁永祥到大帽山採訪

而TVB則派出高級記者梁永祥到大帽山採訪，雖然係男記者，不過他「單薄」的衣著亦引起網民關注，畫面所見，他冇戴帽亦冇著羽絨褸，只穿著一件絨褸，以及戴上頸巾和手套，而其頭髮亦出現了結冰的現象。

大帽山女記者未有戴帽的梁永祥表示頭髮結咗冰。 — 未有戴帽的梁永祥表示頭髮結咗冰。（圖片來源：無綫新聞截圖）

網民質疑梁永祥貪靚著絨褸

網民對梁永祥登大帽山議論紛紛：「-2.2度貪靚著絨褸？」、「帽都唔戴」、「陰功豬，凍到眼鏡都戴唔到」、「連眼鏡都除埋，唔通驚起霧？」、「慘過做財經」、「畀人整蠱？」等，亦有網民大讚其表現好專業。

大帽山女記者前明珠台主播鄧詩穎在IG動態中表揚老公及攝影師報道嚴寒天氣的辛勞，又放閃指老公所戴的手套正是她所送。 — 前明珠台主播鄧詩穎在IG動態中表揚老公及攝影師登山報道嚴寒天氣，又放閃指老公所戴的手套正是她所送。（圖片來源：IG@sharontangsw）

梁永祥由財經記者轉型跑港聞

梁永祥由2017年入職TVB，由財經記者做到主播，2022年4月曾過檔有線，成為助理編輯及採訪主任（地產），有份主持節目《每日樓市》，到去年11月其擔任明珠台主播的太太鄧詩穎離巢TVB，不久後梁永祥就重返TVB，擔任港聞組高級記者。

大帽山女記者新聞女王鄧詩穎與老公梁永祥在TVB相識相戀。 — 梁永祥與太太鄧詩穎在TVB相識相戀，於2022年11月拉埋天窗。（圖片來源：IG@sharontangsw）

《東張》派男主持黃耀英上山訪問蓮姐

此外TVB節目《東張西望》在氣溫回升到7.4度後，亦有派男主持黃耀英上到大帽山進行採訪，畫面所見他穿著絨褸、頸巾加冷帽，仍表示因為有微雨的關係，令他凍到騰騰震。

女記者黃耀英上大帽山採訪茶水亭蓮姐，蓮姐表示著咗五件衫、兩件褸，已足夠溫暖。 — 黃耀英上大帽山採訪茶水亭蓮姐，蓮姐表示著咗五件衫、兩件褸，已足夠溫暖。（圖片來源：《東張西望》截圖）

NowTV張曼琳淡定報黑雨新聞獲讚與TVB「企不穩」翟睿敏極大對比

去年黑雨來襲引發全港多區嚴重水浸，不過新聞工作者依然緊守崗位為市民報道最新消息。有網民在網上分享一段NowTV記者張曼琳在嚴重水浸的黃大仙淡定報新聞的畫面，與早前「企不穩」的TVB主播翟睿敏相比形成極大反差引起關注！

張曼琳淡定報新聞：好似瀑布咁呀

播出的新聞影片中可見，黃大仙北館外位置水浸情況「瀑布」，記者張曼琳淡定報新聞，即使全程被急流衝擊依然企穩！「我而家身處喺黃大仙北館嘅出邊，咁可以見到現時仲會落雨好大雨，我哋望闊少少，其實就可以見到我而家身處嘅位置好似瀑布咁呀。」即使全程被急流衝擊依然企穩！

大帽山黑雨 nowtv 黑雨 now 播出的新聞影片中可見，黃大仙北館外位置水浸情況「瀑布」 — 播出的新聞影片中可見，黃大仙北館外位置水浸情況「瀑布」（圖片來源：NowTV新聞截圖）

大帽山黑雨 nowtv 黑雨 now 記者張曼琳淡定報新聞:我而家身處喺黃大仙北館嘅出邊，咁可以見到現時仲會落雨好大雨 — 記者張曼琳淡定報新聞:我而家身處喺黃大仙北館嘅出邊，咁可以見到現時仲會落雨好大雨（圖片來源：NowTV新聞截圖）

大帽山黑雨 nowtv 黑雨 now 好驚險! — 好驚險!（圖片來源：NowTV新聞截圖）

大帽山黑雨 nowtv 黑雨 now 逆流而上 — 逆流而上（圖片來源：NowTV新聞截圖）

大帽山黑雨 nowtv 黑雨 now 平日採訪look ! — 平日採訪look !（圖片來源：NowTV新聞截圖）

網民大讚張曼琳十分專業

不少網民大讚張曼琳為了工作十分專業，「落雨不怕落雪也不怕」、「辛苦晒」、「下盤好穩健」、「敬業respect 辛苦哂」

NowTV記者張曼琳 VS 無綫主播翟睿敏

此情此景，更有網友想起早前颱風蘇拉襲港的新聞，當日無綫（TVB）派出主播翟睿敏去紅磡碼頭現場「企唔穩」報道新聞，她說：「過去半個鐘，紅磡呢邊風勢更加之猛烈，我依家企喺岸邊嘅位置，就算係擘大隻腳，個人蹲低，都係間中會俾啲風吹到個人想向後跌，我哋再睇吓碼頭嘅情況，有唔少嘅市民企喺岸邊度睇風浪！」不過，翟睿敏背後所出現的途經的小孩十分搶眼，該名小孩站穩腳步走路迅速，令人質疑風力，與翟睿敏相比真的落差太大。