微主角 – Nick Lee

阿Nick拍咗咁多部微電影，幾乎部部都係愛情戲，次次都要同女主角嗌交！令佢最難忘嘅，反而係有一次做個藥材舖伙計，仲要呃啲師奶貴買平價藥材，雖然係奸角，但係就可以過吓戲癮！

可能成日都係做愛情悲劇，阿Nick最想挑戰嘅就係做喜劇，加上自己全無喜劇細胞，所以真係好想試吓，挑戰吓自己。

喺現實中，阿Nick都有一個好體貼嘅女主角，呢個女子唔單止帶阿Nick走入微電影嘅世界，仲照顧得佢好妥當！好似今次訪問咁，喺事前佢嘅女主角已經幫佢安排好一切，仲幫手將阿Nick嘅資料同作品列表一一整理好，真係連筆者都覺得佢sweet！

由於阿Nick嘅女朋友係喺BU讀表演嘅，所以兩個經常都會喺微電影度有對手戲。阿Nick話同女朋友做感情戲係會易啲投入嘅，不過做其他戲就反而會好尷尬啦！嚟緊阿Nick會升讀BU中國研究社會科學系嘅Year 3，相信佢哋倆小口有更多機會培養感情啦！

個樣Chok起嚟，又好似有啲少年張家輝嘅味道喎! 不如睇埋片，睇真啲啦!

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 溫俊鏘

拍攝:Chiu

剪接: Candy

Hair & Makeup : Teresa Ng @ Teresa Make Up

提供場地:The Moment Party ( 9136 5980)

鳴謝:

及

贊助獎品