照顧發燒嬰兒

照顧發燒嬰兒貼士|3個月大嬰兒確診:私院求醫+積極降溫終康復|第五波疫情

家事達人

廣告

照顧發燒嬰兒貼士|第五波疫情下有不少嬰兒確診,早前有一名爸爸於「肺炎媽媽自救寶寶區」發文,表示3個月大的嬰兒確診,分享自己求醫的經驗同時,為大家提供一些小貼士。

照顧發燒嬰兒貼士|有發燒先去私院求診

事主於貼文中呼籲各位爸爸媽媽發現BB確診之後保持冷靜,因為緊張以及去政府醫院求醫都於是無補,因為目前公立醫院已經爆滿。一開始是媽媽疑似確診,但在流動檢測站進行檢測4日後都無消息,而小朋友是在媽媽出現症狀當晚開始發燒。

事主的情況在出現發燒病徵後翌日下午就帶了BB去私立醫院港安求醫,檢測加配藥約$22xx。港安醫院一共提供三種藥物,包括兩種止痛退燒、一種塞肛藥,藥劑部會教導使用方法。

照顧發燒嬰兒
(圖片來源:香港港安醫院)

照顧發燒嬰兒貼士|密切留意嬰兒情況

由於嬰兒只有三個月大,爸爸日以繼夜夜以繼日留意嬰兒的情況。餵藥亦只可以在餵奶前後餵藥,而是否要為嬰兒沖涼降溫,事主表示可以視乎天氣的情況。雖然院方表示可以三種藥同時使用,但嬰兒只有三個月大,怕BB受不了,所以事主用藥亦十分小心。

中途使用了約7張小林退熱貼,並一直抱住BB幫忙保暖,不足一日BB已經完全退燒。休息多1日小朋友已經開始整古做怪,令爸爸放心好多。而爸爸是密切接觸者,但一直是陰性,全家人亦進行了自主居家隔離。

照顧發燒嬰兒
(圖片來源:photoac)

照顧發燒嬰兒貼士|切勿胡亂外出配藥

私家醫院在BB確診後已經通知了衛生署接手,只是一直沒有人跟進。事主表示希望以上經歷可以比各位爸爸媽媽參考,亦提醒各位爸爸媽媽,如果BB有危險情況發生,建議各位可以先私院求醫,至少先有專業意見。未經醫生診症,建議不要胡亂外出配藥,因病情每人都不同,未必可以一個方法應對哂所有情況。

原文:按此

照顧發燒嬰兒5大貼士!救護員:最緊要降溫

日前有救護員在網上分享照顧確診孩子的小貼士,救護員表示居家檢疫時可以做以下措施,幫助小朋友戰勝病魔。

  1. 留在家中密切監察小朋友,每個鐘都幫佢哋探熱。
  2. 俾多啲水佢哋飲、食退燒藥。
  3. 體溫超過38度就攞毛巾濕水擰乾幫佢哋抹身降溫。
  4. 謹記唔好俾厚衫佢哋著,亦都唔好攞厚被包住佢哋,咁做只會令佢地發燒更嚴重,隨時燒壞腦抽筋。
  5. 肚屙/嘔完記得要補充水份,飲番啲水同埋少少保礦力。

最後救護員亦再次提醒,記住發燒首要任務就係降溫!唔好諗住包到實焗一身汗就會退燒。救護員表示希望幫到各位家長,並祝大家身體健康,早日康復!

照顧發燒嬰兒 第五波疫情

(圖片來源:shutterstock)

原文:按此

撰文:Billie、資料來源:肺炎媽媽自救寶寶區圖片來源:photoac、shutterstock、香港港安醫院