第五波疫情

確診病徵+肺炎自救群組|18個月大兒子確診公私院拒收 媽媽分享求醫過程|第五波疫情

家事達人

廣告

確診病徵+肺炎自救群組|第五波疫情相當嚴重,近日有一名新手媽媽在Facebook群組表示1歲半的仔仔確診,當時仔仔燒到40度公立私立醫院都不收,十分迷茫幸好最後有貴人幫忙。確診以後事主不斷尋找相關資料自救,可是十分困難無助,因此決定成立「肺炎媽媽自救寶寶區」Facebook群組讓大家交流自救。同時亦分享了仔仔確診的經歷,讓大家了解嬰兒確診可能面對的情況。

第五波疫情|1歲半兒燒至40度 私院拒收

事主表示家中外傭為最先出現陽性結果的一員,6日已立刻帶工人姐姐去博愛醫院急症室,但公立醫院只是要求姐姐留口水檢測之後便可回家。10日中午工人姐姐回家,當時仔仔尚未有病徵,唯有讓姐姐在房內隔離。事主表示又要做對外消毒、又要做埋對內消毒,令她的精神壓力接近崩潰邊緣。

10日當天晚上1歲半的仔仔發燒至40度,因為姐姐在急症室的待遇,令事主決定直飛去荃灣港安睇。醫生表示有大量個案都是因為工人姐姐曾去元朗廣場附近而確診,最後亦是做了檢測就讓嬰兒回家休息。私院醫生直言私家醫院不會再接收確診病人,要接受治療只可以去公立醫院急症室。

第五波疫情 仔仔燒至40度
仔仔燒至40度(圖片來源:Karlie)

第五波疫情|幸得港安護士相處教導

返家以後仔仔唔肯食藥,至凌晨4-5點仔仔又再發燒至40度,這次更變得毫無意識,反哂白眼、成身震哂、手腳發紫,處於半抽筋狀態。事主表示自己當時已經喊到不似人形,好彩老公冷靜下來打999,可是白車的回答,令她更為絕望,對方表示:

「未必安排到車過嚟,就算真係過嚟,都只會去急症室等做檢測,之後安排你哋返去,嬰兒留在家中可能仲安全。」

第五波疫情
(圖片來源:Karlie)

幸好之後有貴人相助,老公打多次電話求港安急症可唔可以幫手睇多次,電話中護士姐姐教事主如何用濕毛巾幫嬰兒抹身、點樣處理發燒情況、塞藥的頻率等,之後仔仔體溫終於下降返。事主表示好感謝荃灣港安護士姐姐及醫生,咁有愛心咁接聽佢哋當晚無數次的來電,好彩港安個邊幫忙解答。最後小朋友的情況亦有所好轉。

第五波疫情
(圖片來源:港安醫院)

第五波疫情|批衛生署安排混亂

之後兩日仔仔病情反覆,唔肯食藥,直至2月13日衛生署終於打黎表示仔仔初步確診,需要入院,而家中三位成人則要留待完成檢測後再作安排。及後事主表示打去熱線及衛生署查詢,職員對安排都不太清楚,而且十分混亂。衛生署方面在電話中表示:

「因為有BB,所以好大機會會入住醫院,即使有好轉都唔可以只做家居隔離。如果全家都有病徵就一定要送去隔離做檢查先,檢查到陰性先可以考慮做家居隔離。另外對方亦表示竹篙灣已經爆哂,因此有很大機會被安排去酒店或醫院,嬰兒送院時可以有一名成人陪同。」

事主無奈地表示:「算啦!仔仔都開始好返,唔好迫仔仔入院好無。」

第五波疫情
(圖片來源:Karlie)

第五波疫情|自救交流 開Facebook群組

事後事主為了可以讓新手媽媽交流經驗,在Telegram及Facebook上都開了群組。接受Sundaykiss訪問時,事主表示佢係最先果批中左,自己是新手媽媽,她不斷試網搵相關資料,不斷去唔同媽媽群組請教人,想搵有無同路人,但真的很難,她好希望可以搵到相關BB肺炎確診既group,可惜一直找不到。

另一邊事主在不同媽媽group,分享完自己的經歷,一次又一次重複地講,事主覺得仲係有好多媽媽未有警覺性,亦有好多新手媽媽如事主一樣無知,差點害死自己個仔。她表示當時自己十分幸運可以問到,如果問唔到,仔仔都可能已經唔係度。

所以成立了第一個whatsapp group,收集同路人資訊以及、急症室輪候狀況,讓大家互相幫助。最後經谷友介紹開TG、Facebook group,令大家可以看到更多資訊。

第五波疫情
(圖片來源:肺炎寶寶自救媽媽區)

第五波疫情|幼兒確診可能出現病徵

  1. 發燒至40度
  2. 手腳發紫
  3. 嘔吐
  4. 半抽筋狀態
  5. 反白眼
  6. 毫無意識
第五波疫情
(圖片來源:Karlie)

想知道更多資訊,可以加入「肺炎媽媽自救寶寶區」:按此

撰文:Billie、資料來源:Karlie圖片來源:Karlie、港安醫院、肺炎寶寶自救媽媽區