第五波疫情

照顧確診孩子貼士|救護員分享確診居家檢疫5大貼士:最緊要降溫|第五波疫情

家事達人

廣告

照顧確診孩子貼士|第五波疫情下近日醫護人員人手嚴重不足,醫院外的確診患者需要等候10多小時,衞生署的熱線更是長期打唔通。救護車方面早前因為人手不足,更公開呼籲徵狀輕微的病人可以減少使用救護車。那麼年幻的小朋友確診在家,爸爸媽媽可以做啲咩?如何照顧小朋友?日前就有救護員分享在家照顧確診孩子的貼士。

第五波疫情|救護人員人手不足 叫車前三思

日前一位救護員在公務員Secret中發文,勸說家長在call白車之前要諗清楚。救護員表示目前室外氣溫是7至9度,明白為小朋友作快速檢測出現陽性,家長一定十分擔心。可是室外又凍又落雨,依家醫院爆哂棚大量長者要坐係戶外地方等候。事主表示連老人家都要訓係出面,小朋友點會有例外?

第五波疫情
(圖片來源:shutterstock)

事主強調小朋友去到咁樣食西北風,等候十多個小時,本身輕症都變重症。事主指在疫情爆發前,一般情況下並不建議病徵輕微的患者call白車去醫院;在第五波疫情下,醫院爆滿的情況,如果病徵輕微,更加不建議家長去醫院,去到都要係戶外等。

第五波疫情
(圖片來源:shutterstock)

第五波疫情|在家照顧確診孩子5大要點

這名救護員表示如果家中小朋友確診發病,居家檢疫時可以做以下措施,幫助小朋友戰勝病魔。

  1. 留在家中密切監察小朋友,每個鐘都幫佢哋探熱。
  2. 俾多啲水佢哋飲、食退燒藥。
  3. 體溫超過38度就攞毛巾濕水擰乾幫佢哋抹身降溫。
  4. 謹記唔好俾厚衫佢哋著,亦都唔好攞厚被包住佢哋,咁做只會令佢地發燒更嚴重,隨時燒壞腦抽筋。
  5. 肚屙/嘔完記得要補充水份,飲番啲水同埋少少保礦力。

最後救護員亦再次提醒,記住發燒首要任務就係降溫!唔好諗住包到實焗一身汗就會退燒。救護員表示希望幫到各位家長,並祝大家身體健康,早日康復!

第五波疫情
(圖片來源:shutterstock)

原文:按此

第五波疫情
(圖片來源:公務員Secret)

撰文:Billie圖片來源:公務員Secret

讀者留言

更多精選內容