防止家人染疫｜大男人父確診不願隔離 只得媽媽無感染日做夜做狂清潔｜第五波疫情

防止家人染疫｜大男人父確診唔自我隔離

事源樓主早幾日確診，一直留係自己房中自我隔離，之後終於康復，但就到爸爸中招。樓主表示其實爸爸之前已經有病徵，係去到之後再嚴重啲，又快測陽性先肯係屋企戴口罩，不過就戴得唔好露個鼻出嚟。勸佢戴返好啲，又話「冇嘢嘅」，又唔肯自我隔離。一直坐係廳中睇電視，一邊狂咳又周圍走嚟走去，唔會避忌我行我素，樓主形容屋企變為毒氣室。

為咗避免全家都確診，媽媽日日由朝清潔到晚，做到死死吓。樓主表示爸爸當返到屋企就係皇道，唔洗理惹到屋企人，講極都唔聽。為咗保護未確診媽媽，最後樓主送咗媽媽去家姐屋企住。

其他網民留言，表示樓主一家好可能已經全部確診，只是尚未檢測得到，現時將媽媽送去家姐屋企並非明智的做法。亦有網民表示覺得樓主媽媽好辛苦，日日不停做做死都做唔完。有網民勸樓主，爸爸係自己人，唯有多啲勸下佢，老人家係咁。

防止家人染疫貼士

事實上，一個人染疫並不代表全家都一定會染疫。早前便有媽媽分享，由於家中大小的關係，並沒有空間讓她、老公和囡囡隔離，但在做足防疫措施之下，4歲半囡囡成功無感染。以下為防止家人染疫的5大貼士：

1. 一有輕微病徵分枱食飯
2. 有懷疑就做快測
3. 喺屋企除咗食飯沖涼連瞓覺都帶住口罩
4. 要在家預備適量的退燒止痛藥
5. 每次咳完有痰或有鼻水的紙巾都沖廁所，再將廁所消毒及洗手

更多經驗分享：防止家人染疫貼士｜染疫兩星期同房4歲半囡囡及7旬長老無感染 戴足口罩＋消毒廁所｜第五波疫情