防疫貼士

防疫貼士|3A醫護專業港媽分享防疫10大貼士:瞓夠先有抵抗力照顧BB|第五波疫情

家事達人

廣告

防疫貼士|近日第五波疫情大爆發,不少港媽分享家中小朋友的染疫情況。面對小朋友中招發燒好多新手爸媽都唔知點算。有見及此,一位曾就讀醫護3A課程的港媽,日前在肺炎媽媽自救寶寶區分享在課程中學到的知識,教媽媽們如何防疫、保障BB,以及如何有效地照顧確診小朋友。

防疫貼士|專業3A醫護10大防疫貼士

一名曾就讀醫護3A課程的港媽,日前在肺炎媽媽自救寶寶區中分享曾在課程中學到的知識,教大家外出後回家的防疫清潔小貼士,讓一眾擔心的媽媽可以好好保護子女。

休息及習慣:

  1. 醫護導師話過攰就要瞓,要休息瞓多啲先有多啲嘅抵抗力,因為個身體唔夠休息,喺屋企做幾多清潔都冇用。
  2. 手腳關節因發燒骨痛,可用薑片加藥油(驅風油)捽搽關節痛嘅位置。如果有蠶豆症病人,要用其他不含樟腦丸,樟腦油成份的東西,或純用薑片捽搽關節。
防疫貼士
(圖片來源:photoac)

衞生習慣:

  1. 去完洗手間,一定要放低個廁所蓋先好沖廁。
  2. 洗手要洗足7個步驟,不要貪一時之便,抱同錫小朋友。
  3. 由於病菌會從眼部進入,千祈唔好用手指捽眼。

外出注意:

  1. 為小朋友戴好口罩,口鼻都要遮到。
  2. 如果小朋友有出過街,係屋企門口要用消毒噴霧由頭噴到落腳,記住要噴埋鞋底。
  3. 揹過出街的隨身物件,要噴消毒或者抹。手機就一定要用消毒紙巾抹。
  4. 入屋即刻沖涼洗頭。

用餐注意:

  1. 不論外出堂食,還是在家中用餐,都一定要用公筷,並且一定要抹乾淨餐枱。
防疫貼士
(圖片來源:shutterstock)

防疫貼士|媽媽都要保護自己!

明白很多媽媽因為小朋友染疫而十分擔心,樓主亦提醒媽媽們在照顧小朋友的同時唔好攝親,自己都要著多一件外套,用保暖水樽裝温熱暖水畀自己飲。一來有提神作用,二來急尿等自己有廁所去,會冇咁易瞓著。

防疫貼士
(圖片來源:photoac)

原文:按此

撰文:Billie、資料來源:Gretl Tse-Wan圖片來源:photoac、shutterstock

讀者留言

更多精選內容