伍家朗曾被爸媽以1原因阻全職打波 男拔畢業終說服成功 感激父母支持搏殺【五味人生】

撰文：Clara | 資料授權：受訪者伍家朗 | 攝影：Delphia | 圖片來源：受訪者伍家朗Instagram

5歲起與羽毛球結緣 甘願為夢想犧牲

伍家朗從五歲起接觸羽毛球，他之所以會愛上打羽毛球，是因為他覺得這項運動不只包含了技術，還有很多元素，例如體能、戰術、心理方面都佔很高比重：「好刺激、好好玩！」當時他見到港隊師兄、師姐日日練波，刻苦耐勞，很羨慕他們擁有高超的技術，已很想將這項運動變成職業：「好想有一日好似佢哋咁勁，將呢樣嘢變成我嘅職業。」

12歲開始，正讀拔萃男書院（男拔）中一的他獲選入香港體育學院（下稱體院）接受訓練。同齡小朋友放學後有的要上補習班；有的可以看卡通片；有的能夠玩手機遊戲，但當時他每日放學就要去體院練波，練到晚上7、8時才會回家吃晚飯，10時開始趕時間做功課、溫書，他憶述：「犧牲好多睇電視、同同學打機嘅時間，第二日喺小息、午膳時間都要拎嚟溫書、做功課。」他指自己在同齡羽毛球運動員中，是實力較好的選手，不希望因為學業，輸給以前曾經贏過的對手，正正因為有這份自我要求，所以他很努力地推動自己同時兼顧到學業與運動兩方面。

父母從反對去到全力支持

練到中三，體院教練覺得伍家朗很有潛質，很想他轉為全職運動員，惟父母一直很想他入到大學，在家人反對下，直到中六畢業才轉為全職：「我太細個，佢哋擔心我轉咗全職，但係打唔出咩成績，好難喺中三銜接返入大學，所以佢哋想我中六畢業之後先畀我揀將來嘅路。」

中四至中六時，他很刻苦地訓練，對自己要求很高。他用盡全力證明給父母知道，他很有決心想在世界賽事上闖一番成績，對羽毛球絕不是三分鐘熱度。直到中學畢業後，他終於說服到父母，讓他轉為全職，全心全意打波。

想對父母說的心底話

東奧完結後，他曾在Instagram感謝家人與女朋友支持他的事業，讓他無後顧之憂地去搏殺。他形容父母性格內斂，相比起說話，他們更偏愛用實際行動表示他們的支持：「我每次比賽，佢哋都好緊張睇住直播，支持我。每次打完比賽，一落咗場睇電話，實見到佢哋嘅訊息。贏波會恭喜我，輸波會安慰我，呢啲比起佢哋講一啲好感動嘅嘢，更加窩心。」

趁著本報訪問，他有些說話想跟父母講：「好想喺度多謝我嘅父母，佢哋一直畀咗好大自由度我，我知道佢哋心裡面都想自己個仔入大學，或者出嚟做其他行業，創一番事業。但係因為我鍾意打波，佢哋放手畀我揀自己鍾意做嘅嘢，我好想用成績去報答佢哋。」

與南韓對手對戰 獲得成長經驗

多年羽毛球生涯中，他最難忘跟南韓選手李炫一對戰。少年時候，他每次跟對方對戰，都會打到疲於奔命，即使用盡所有體力都得不到分，贏不到對方，好像對方已經控制住大局一樣，當時他曾有一刻想過：「不如你快啲打死我算啦！一路喺場上面好折磨…」

全因為遇到這位富有經驗的對手，他的內心愈來愈強大。2016年，有場比賽要爭奧運積分，去到最後階段，他與對方分數很接近，贏一場、輸一場都足以影響結局。那刻他打了一球以為自己可以贏到，但最後輸了的波，當下他覺得自己未能達到自己要求的水準，很擔心最終會跟奧運入場券擦身而過：「嗰場係自己發揮唔到實力…」但他明白到那場比賽是爭入奧運最關鍵的時候，所以很快就於場上調整到心態：「提自己要咬緊牙關博埋最後幾場賽事！」

運動員學識紓緩壓力是非常重要，每當他遇到壓力，他都會偏愛自己一個出去「遊車河」，讓自己平靜下來，放鬆心情，啟發新想法：「唔係要成日諗好多嘢，專注喺球場上，當自己放一個短假咁。」

羽毛球有5大好處 堅持追夢22年

連續22年打羽毛球並非易事，伍家朗坦言羽毛球是他最大的興趣，能帶給他很大成功感、滿足感：「唔係好多人可以將事業同興趣集於一身，會好珍惜呢個機會，希望自己打得愈耐愈好。」而且他認為打羽毛球可以練到身體協調性、耐力、爆發力，所以很鼓勵小朋友學打羽毛球。

10月中開始，他要出戰歐洲賽及世錦賽，可能要離開香港兩個多月，會努力打好比賽：「希望經歷奧運失利之後，嚟緊比賽會快啲攞返好成績，提升自己信心。」

在外比賽記掛著最愛的味道

每次去另一個國家出戰比賽，伍家朗都很記掛譚仔三哥米線：「喺香港以外好難食得到。遲啲要去歐洲比賽，喺嗰度好難搵到碗米線食，好似三哥嘅螺酸湯米線咁，喺香港先食到。」

譚仔三哥米線推出全新「螺酸湯米線配海螺片及麻辣豬皮」，碗湯有海螺片、麻辣豬皮，配上酸筍同酸辣豆角，他大讚又酸又辣，夠醒神，再吃椒麻涼拌魚爽肚，飲一啖鳳梨藍蝶花香梳打，食飽再練波，即全力以赴備戰。