婆媳同住關係差 新抱無返工呻要與奶奶同住 公審對方拒煲湯等3大問題惹爭議
撰文：Clara｜資料授權：「我的極品四大長老」｜圖片：SHUTTERSTOCK
婆媳同住關係差
新抱在Facebook專頁「我的極品四大長老」發文，講述她與奶奶的不和事件。她指結婚時，奶奶已經提出建議，要他兩夫婦跟足，結果他們沒有理會，婆媳爆發第一次衝突。不過，真正大戰還未開始，不過當她們同住那日起，婆媳糾紛一觸即發。
婚前她與老公在外租屋，婚後則與老公搬回他家，奶奶同住，同時排隊等派公屋。她指，奶奶與老爺一早離婚，現時還會出街周圍「蒲」，有時會拍拖。她直指奶奶有公主病，所以每次拍拖都拍得不長。
不久之後她誕下BB，所以未能上班，留在家中做全職媽媽，與奶奶「朝見口晚見面」，有很多方面都有分歧，令她很不滿：「好似寄人籬下咁，好多嘢硬食，自由慣嘅我真係覺得佢好難頂。」
力數奶奶3大問題
奶奶問題1. 有潔癖又不煲湯
新抱指奶奶有潔癖，地下有一滴水都不能接受，一開始她都不覺得有甚麼問題，當同住時間愈長，就覺得愈「大鑊」：「佢係心情一唔好就嚟料嗰啲嚟。」另外，她又指奶奶是名「無飯煮婦」，沒有煲湯習慣。
奶奶問題2. 不懂湊B又要做軍師
新抱指奶奶控制慾超強，甚麼事都要管，都要順其意思，不聽話就會被指責不孝：「成日話個朋友、個親戚個B點點點，人哋嗰個關我鬼事咩，個個B湊法都唔同，佢唔明一樣嘢，就係我哋先係佢老竇老母，決定權喺我哋度。」例如奶奶不懂得湊B，連換尿片都不懂，但卻堅持要教她，做軍師。又例如夏天時，奶奶怕孫仔冷，把他用衣服包到實一實，令他全身長滿粒粒。從此，小朋友的衣著打扮由她這個做媽媽的話事，如果奶奶不滿就叫老公出馬。
奶奶問題3. 雙面人
新抱仲話，只要有段時間不順奶奶意思，對方就會講一些難聽的說話：「總之做乜，佢都有嘢入你。叫人唔好做嘅嘢，佢自己又會做，即係人哋唔做得，佢就做得。」她以為與奶奶減少接觸就不用會有煩惱，怎料又會被奶奶指責態度不好。雖然奶奶平時不斷數人，但在親戚朋友面前就會講到自己過得很悲慘，是悲劇主角。
新抱續指，她對奶奶所說的話耿耿於懷，但當奶奶過幾天心情變好，就會好像甚麼都沒有發生過一樣，反指她「黑臉」，還會對身邊的人講她壞話，令她覺得無所適從：「咁大個人都唔知有啲嘢講咗係收唔番，被你話完仲要對住你笑咩？呢個真係笑話！」
總括而言，新抱覺得奶奶的出現令全家增加很多爭執，認為奶奶很麻煩：「乜做人老母唔係想個仔婚姻生活美滿？覺得人哋搶咗個仔，想個仔永遠同佢一齊，咁應該唔好畀個仔拍拖。個仔都結埋婚都唔肯放手，可能有日個仔同佢一樣離婚佢先開心。」
網民同勸搬走
本來新抱出文想求認同，然而大部分網民都覺得她寄人籬下還諸多要求：「人哋兩母子用呢個方式生活咗咁多年，要改變奶奶就冇可能，一係你改變自己，一係就搬走，一係就硬食。」、「你都識講寄人籬下，只要有呢個大前提，你一日都唔可以理直氣壯咁話佢」、「間屋你嘅咩？又無錢，又無本事，但又要自由？」。
另外亦有網民覺得奶奶有問題，不過也是鼓勵新抱搬走，遠離奶奶，自然沒有紛爭：「講得好啱，BB嘅決定權永遠喺父母度，如果一齊住係咁辛苦，搬走咪唔洗煩囉，同控制慾強嘅奶奶一齊住遲早悲」、「距離就是美！要有物理距離同心理距離，唔好一齊住。」
