工人姐姐擅用主人房沖涼惹港媽不滿 港媽：我小氣定佢越位呢

工人姐姐擅用主人房沖涼惹港媽不滿

該名僱主在facebook群組「外傭僱主必看新聞訊息」發文，指工人姐姐在僱主夫婦外出時，擅自剷起客廁沖涼防水膠，令客廁無法使用。工人姐姐一開始仍然相當尊重僱主，主動要求外出梳洗。怎料姐姐態度卻越來越差，更開始自作主張用主人房去廁所甚至沖涼。

第一次唧膠:同我哋有商有量幾時做，仲唔好意思去我哋主人厠沖想走落clubhouse沖
第二次唧膠:自己決定咗幾時唧有同我哋講，又會問咗我哋可唔可以入去主厠沖先去沖
第三次(今次): 無聲無色自己無無啦啦做咗然後自己好自然地用埋主厠沖埋涼

港媽表示，稍微指正工人姐姐，姐姐已經「黑面」。雖然對姐姐甚是不滿，但港媽覺得姐姐比一般家傭醒目，工作快手，亦照顧得兒子不錯，除了經常浪費食物，煮食時份量控制不好，導致吃不完的情況經常發生。臨近續約，港媽擔心姐姐氣勢越來越強，更加自把自為，連家事也會插嘴給意見。因此港媽就在貼文詢問網友意見，應否看在兒子份上與姐姐續約。但僱主又擔心再請新工人會不適應，甚至有機會遇到「極品」姐姐。

網民意見

其實港媽都表示明白客廁防水膠重唧要等乾，令廁所無法使用，要借用主人房廁所都是理解的，只是覺得基本尊重應該要問一聲。有網民覺得可以提升姐姐，可能見頭兩次都可以借用主人房，姐姐以為今次都可以。而僱主就回應指：「但佢而家好大膽乜都博嘴，次次黑面收場。佢仲成日覺得自己咁比心機照顧我仔，就好似大哂唔話得佢。每次講都要好小心語氣用辭，差啲要寫埋稿練一練先敢開聲。一講一係超黑面，一喺喊住咁話佢咁比心機照顧我仔」

亦有不少網民指姐姐每有主次概念「好老實講，你個姐姐有少少試你㡳線，因為佢覺得自己做到野，所以就有啲踩界，你想續約既話，同佢傾清楚。呢個世界冇話邊個冇咗邊個唔得，尤其係一個工人姐姐，冇咩咁需要擔心」、「姐姐自願做維修工作係一件事，應該感恩有個多功能姐姐，但要用主人房洗手間係咪都應該講聲，而唔係自出自入，我入姐姐房都要敲門啦，基本禮貌吧」