生仔要考牌

「生仔要考牌」 版主夫婦不再執著外人誤解 從投稿學身教 分享教3歲半早產兒法則【五味人生】

家庭生活

廣告

很多人說「生仔要考牌 」,是形容育兒方法有爭議性的怪獸家長,不懂教好小朋友。80後夫妻Kelvin、Mavis成為爸爸、媽媽,誕下兒子熹熹後,開設「生仔要考牌系列」Facebook專頁,讓大家投稿宣洩心中不滿,同時希望大家透過網民的所見所聞,反思、警惕自己,成為更好的家長,傳承下一代。數數手指,專頁創立至今已經有三年,讚好人數逾七萬,Kelvin、Mavis平時睇人故事就多,今次由讓他們道出自己的故事。

資料、 圖片授權:受訪者Facebook專頁「生仔要考牌系列」版主Kelvin

照顧早產兒子時感到迷茫 成為創立專頁契機

Kelvin、Mavis的兒子熹熹是一名在31、32周出世的早產兒,身體器官未發展完善,呼吸有問題,要戴氧氣樽、插喉,需在NICU(新生兒加護病房)住院70日。出院後,熹熹還要繼續戴氧氣樽、插喉,他們要上堂學懂如何更換、清洗。為了方便照顧熹熹,Mavis辭職成為全職媽媽,Kelvin負責上班賺錢養家。

他發現熹熹感官特別敏感,容易產生焦慮,很辛苦。他坦言無做過父母,亦無人教自己如何做父母,當時要慢慢學習怎樣做才對小朋友最好、最適合。他曾感到迷茫,不知道應否安排熹熹上很多特別訓練班,不知道應否當他是個特別的小朋友,偶爾與老婆意見不合,產生衝突:「擔心自己可唔可以做好…無乜方向。」

除了育兒問題,也要煩惱熹熹的升學問題,令他有段時間鑽了牛角尖。有次他在Facebook「問功課」,想聽取其他家長意見,忽發奇想想創立一個專頁,收集其他人的故事,齊齊自我反思甚麼叫好家長,「生仔要考牌系列」專頁就是這樣「出世」。

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)

曾被外人誤會感氣餒 調整心態變得謙卑

Kelvin開始做版主,處理網民的故事,才發現香港人很壓抑自己,無從發洩,開始覺得這個專頁有存在價值。不過他曾經有過氣餒時候,試過被網民斥責:「你個Page個名已經有偏頗啦!你係咪即係叫人唔好生仔啊?」、「教壞人」,令他感到不開心,曾經停止更新一段時間,沉澱一下。重新振作後,他繼續經營專頁,竟見到網民很擔心他:「終於返嚟喇!」令他明白到自己需要調整心態。

因為這個經歷,亦讓他想通了、成長了,嘗試放開自己,接納、包容其他聲音,性格變成謙卑:「你鍾意講,無所謂,我拎一啲覺得啱嘅嘢,唔啱我聽完就算。」

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)
「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)

最深刻的投稿:每年都會拎嚟警惕世人

對模型愛好者Kevin來說,被親戚整爛模型的故事最深刻,所以每次重溫都會感同身受,直言有些人不明白,也不尊重某些物件對其他人心中有獨特的價值,產生衝突。故事講述新年時,有親戚帶同小朋友上門拜年,事主已事先聲明房間內有很多珍藏玩具,叮囑小朋友不要進入。其後事主見到家中缺少盒裝飲品招呼客人,沒有鎖房門就落街,怎料一回家便發現模型殘骸。原來親戚沒有問過事主,就入房將模型拿給小朋友玩,最後玩爛。事主很生氣,就鎖門不見人。這個故事連台灣媒體都有報導出來,他笑言:「每年我都會拎出嚟警惕吓世人。」

除了搞笑故事,亦有些很有意義、感動的例子。有位媽媽育有一名患有妥瑞症的小朋友過馬路,小朋友聽到紅綠燈的聲響,驚到不敢走出馬路,甚至出現傷害自己的行為。途人開始對媽媽進行語言暴力:「呢個阿媽唔識教嘅」又嘲諷小朋友有問題。最後媽媽很放得開,沒有理會他人,只是專心安慰小朋友:「無事,放心!唔使驚,媽咪喺身邊,我慢慢帶你過馬路。」因為她明白仔女的感受才是最重要,其他人只是不知道他們的情況,才會攻擊他們,她不會怪責其他人。全因媽媽投稿,網民開始了解這個病,下次再見到同類情況就不會再亂說話。

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:Facebook@「生仔要考牌系列」截圖)

望借「生仔要考牌」 專頁灌輸正確價值觀影響下一代

Kelvin指無論網民投稿的故事嚴重性是小是大,他都會認真看待,然後幫他們刊登。儘管有人罵他:「你亂咁批嘅啲稿!?」他都會堅持自己想法,因為那些事都是曾經真實發生過,而且可以讓各階層的人士更了解不同階層的家庭正在面對甚麼問題,豐富人生經驗。

他覺得專頁能夠借助網民在帖文下的討論,促使大家多角度思考:「可能有個小朋友著住鞋企喺凳度,有啲人話佢控制唔到,係SEN(特殊教育需要),一定要企喺度專注望住窗外風景,就唔會叫。但當你唔知小朋友狀況,就只會判斷佢係錯。」

現今社會盛行「贏在起跑線」的風氣,家長為免被比下去,會幫小朋友入學前報讀多個興趣班,增加優勢,但他並不認同,怕減低小朋友對學習的熱情:「我個年代,琴係興趣嚟,依家要好別樹一格先可以入到學校,對教育嚟講係本末倒置咗。」他盼望利用專頁去做多一步,希望宣揚、流傳好的價值觀,幫到下一代:「我想扭轉番好嘅價值觀,所以我攞番啲故事返嚟,畀大家去講件事啱定錯。」

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)
「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)

早前有出版社公司聯絡Kelvin,想幫他出書。初時他想不通,曾感抗拒:「人哋嘅故事唔係屬於我,我無權攞人哋故事出書,好似對佢哋唔住,無佢哋無我。」後來他開始扭轉思維,出版社公司又找他時,他終於答應將投稿故事結集成書《生仔要考牌》:「個主編話佢睇咗我專頁好耐,佢都有小朋友,佢喺我度學到唔少。」對方大讚專頁帶出不少價值,影響其他人的生命,就是這句啟發了他。他強調出書並不是為了賺錢:「賺唔賺到錢我無所謂,更加想用本書影響人,幫到下一代。但好多人唔理解,唔理解唔緊要,無辦法,我唔會逼人理解。」

(圖片來源:Sunday Kiss照片庫)
(圖片來源:Sunday Kiss照片庫)
(圖片來源:Sunday Kiss照片庫)
(圖片來源:Sunday Kiss照片庫)
(圖片來源:Sunday Kiss照片庫)
(圖片來源:Sunday Kiss照片庫)

透過投稿學會如何做好身教

Kevin指熹熹是早產BB,身體發展追不上心理:「我小朋友都要上啲訓練、治療,鍛煉大小肌肉。佢條頸、隻手唔夠力,行路可能會平衡得唔好。佢一做唔到就會好焦慮、暴燥。」有時他想阻止熹熹做某些行為,但不成功:「叫佢做其他嘢,佢做唔到。」有些時候,他會因為網民的討論而反思自己,被啟發到如何教導兒子:「有時要接受佢。接受係好難,但我會試吓抽離少少,客觀啲對待佢。」

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)
「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)

他指經營專頁後,自己都獲益良多:「有啲嘢以前啱,依家都啱。但以前嘅價值觀放落呢個時代度都可以係錯,唔一定啱,我就會配合番個社會,我都透過呢個平台學緊…明白到原來有啲人係會咁處理,呢個世界唔係得一個答案。人應該要向善,我會揀好嘅價值觀放喺心,將來教我小朋友。如果遇到呢啲情況,我會叫小朋友唔好咁做,應該點做,循循善誘。」

「生仔要考牌」 版主夫婦不再執著外人誤解 從投稿學身教 分享點教導3歲半早產囝【五味人生】
(圖片來源:受訪者Facebook專頁「生仔要考牌系列」版主Kelvin授權圖片)

身為廿四孝爸爸,他最愛整玉子燒給熹熹食,還把食譜分享給大家:

食譜詳情即睇:玉子燒食譜+3個小貼士-港爸教路15分鐘即成 小朋友最愛吃

(圖片來源:受訪者Facebook專頁「生仔要考牌系列」版主Kelvin)
(圖片來源:受訪者Facebook專頁「生仔要考牌系列」版主Kelvin授權圖片)

撰文:受訪者Facebook專頁「生仔要考牌系列」版主Kelvin圖片來源:受訪者Facebook專頁「生仔要考牌系列」版主Kelvin、Facebook@「生仔要考牌系列」截圖、Sunday Kiss照片庫